(Segunda carta de San Pablo a Timoteo) 3:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Amek uchuch asamek Agagbau Pegkegma duka dekauwaitme, nunú aina nuuwai Cristo Jesús dekaskeapi tabaunum uwemna nuna dekamtijamaina nunú.

(Segunda carta de San Pablo a Timoteo) 3:15 Iomraidhean Croise

(Salmos) 19:7

Tuke Pujuun chichamega duka yamajam pujutan sukagtau asa, shiig pegkejai. Tuke Pujuun chichamega duka waitchauwai, shiig dekaske, wagki nunú aents kakagchauchin unuidau asa.

(Proverbios) 22:6

Amina uchigmek piipichia duik shiig jintintuata, dutikamu asa múun wajasash kajimatkishtinai.

(Proverbios) 8:17

Tuja mina anentuidaunak wishakam dutiksanuk aneajai, tuja mina egatuidaunashkam wantintajai.

(Eclesiastés) 12:1

Eke múuntuch wetsuk yamai datsauchitam duik Apajuí amina najapauwa nunú aneaku ata. Tuja tsawan waitiamu jegamtai, ame chichaakum: “Kuashat tsawan waitu pujutak shiig awajtatsui”, titinaitme.

(Evangelio según San Mateo) 22:29

Tama Jesús ayaak: —Atumek Agagbau aina duka, nuigtú Apajuí senchijiya dushakam dekachu asajum dewakugme.

(Evangelio según San Lucas) 1:15

wagki nigka Apu Apajuí eme anentai atinai, uwagchatnai vinonash, umutai kajiau aidaunashkam nuigtushkam dukují wakeen nagkamsag Wakaní Pegkeji ajitnai;

(Evangelio según San Lucas) 2:40

Tuja uchishkam tsakau nuniak senchi wegau, nuigtush senchi yachameau, tuja Apajuí wait anentamujish niiní au.

(Evangelio según San Lucas) 24:27

Tusa, Moisés agagbauwa nui nagkamas nuigtú ashí profeta aidau, ashí agagbaunum niina pachis tawa nuna ujakajui.

(Evangelio según San Lucas) 24:32

Nunikmatai ditak pempeentunikiag: —¿Wagkaik jintá minis Apajuí chichameg nuní awai tusa ujapakui, shiig aneasua minimag duwish anentaimjaish diischamji? tudayinau.

(Evangelio según San Lucas) 24:45

Nuna aatus taku Apajuí chichamen agagbauwa nuna shiig dekamtikawajui.

(Evangelio según San Juan) 5:47

Tujash ni agagbauwa nu dekaskeapi tachautigmesh, ¿utugsagmek mina chichamjush dekaskeapi titagme?”, tiuwai.

(Los Hechos de los Apóstoles) 10:43

Ashí profeta aidauk Jesusnak pachis etsegtuinawai, ashí niina dekaskeapi tuidauk niina daajin tudaujig tsagkujam agtinai tusa.

(Los Hechos de los Apóstoles) 13:29

Nuna ashí ni pachisa agagbauwa nuna umikag, numinmayan akakiag ukusaju ainawai.

(Los Hechos de los Apóstoles) 16:1

Pablo Derbe jegaa nagkaemaki Listra jegauwai. Nui makichik Jesusa nemajin Timoteo daagtinun wainkauwai, dukujig judío nuwa Jesusa nemajin, tujash apají griego.

(Los Hechos de los Apóstoles) 17:2

Pablok tuke nunin asa, jega ijuntainum wayau, nunik tresa imania tsawan ayamtai aina nui ditajai tudaiyidau Agagbaun pachisag.

(Los Hechos de los Apóstoles) 26:24

Nunú aidaun Pablo ayamjumak tutai, Festo senchi chichaká: —¡Pabloh, imaanjaume! Senchi au aujkawam imaanjaume, timayi.

(Carta de San Pablo a los Romanos) 1:2

ni anagkagtuamua nuna niinu profeta aajakajua nunú etsegkajui, dutikak agaju ainawai;

(Carta de San Pablo a los Romanos) 16:26

Tujash yamaik iwaintugmakji Apajuí etsegtin aajakajua nunú agajajua nunak, nuigtush Apajuí tuke pujuuwa nuna ashí aents aidauk imá Jesucristunak dekaskeapi tuinak umigkatnume tibauwa nunashkam.

(Carta de San Pablo a los Romanos) 2:27

Pakamakchau akush, chicham umiktina nuiyan umiakug atumin bakugmagtin ainawai, atum chicham umiktinush ajutjamaig nuigtush pakamaku ainayatkujum chicham umiachu asagmin.

(Primera carta de San Pablo a los Corintios) 1:21

Wagki Apajuí ni yachajin iwainakua nunak aentsuk ditá yachajiya nujaig dekamainchau wajasajui, tujash Apajuik wakeekauwai, chicham etsegbaun imanchau diinaigkesh dekaskeapi tuina nuna uwemtikatatus.

(Carta de San Pablo a los Efesios) 6:4

Uchigtin aidauh, uchijum kajemainuk chichagkaigpajum, dutiktsuk chichagká esegajum jintintua tsakapagtajum, Apu Jesús wakega dutiksagmek.

(Deuteronomio) 4:6

Nunú chichama duka ashí betek umiktajum. Nuniagmin aents nunú nugkanmaya aidaush, yachamet unuimatjai atumin awa nuna dekawagtatui. Nunú atum betek umiamugmin wainkag, dita chichainak: ‘¡Israel aents aidauk shiig yacha ainawai!’ tujamiagtinai.

(Primera carta de San Pablo a Timoteo) 4:13

Wi eke taatsaig, uyumakta Apajuí chichame augbau, pegkegnum wakemitkagtuta nu nuigtú jintinkagtamu.

(Segunda carta de San Pablo a Timoteo) 1:1

Witjai Pablo Apajuí wakegau asa Jesucristo apostolji etiuwai, Cristo Jesusai pujut anagkagtuamu juwamua nuna etsegkati tusa awetiuwai.

(Segunda carta de San Pablo a Timoteo) 1:5

wagki dekaskenum dekaskeapi tabau ajutjama nuna aneaku asan. Nunak dekatkauk amina dukuchjum Loida, amina duku Eunicejai ajujakajui, aminash dukeap ajutjamua tajai.

(Segunda carta de San Pedro) 3:16

ashí ni carta agagbauwa nuig juna pachis chichawai, nunú aina nuiya shiig antumainchaush aina nuna, aents dekachu aidau nuigtú ebetmamjachu aina nu yajupenawai, dutiksag tikich agagbau aina nunash dutikaidau asag, dita bakumatnujin umigmamainawai.

(Apocalipsis) 19:10

Tujutkui ni wajamunum tikishmagbaijai niina ememattasan, nuniai: “Ankaipa wika Apajuí inakegaitjai. Ame, amina yatsum aidaujai Jesús chichakbau betek umijin ainajum wisha annuketjai. Dekas Apajuí emematta”. Apajuí tabaun etsejuina duka Jesusa chichamenash etsejuinak nuninawai, tujutmayi.

(1 Samuel) 2:18

Untsu uchi Samuelak Tuke Pujuunak shiig umijujakui. Nuniau asa nigka sacerdote nugkutai lino apagbau efod tutain nugkujakui.