(Segunda carta de San Pablo a Timoteo) 2:20 - Awajún: Apajuí chichame pegkejam Porciones del Antiguo Testamento y el Nuevo Testamento

²⁰ Makichik jega muunta nuig takatai aidauk oro, jiju plata aina nujai najankamukek atsame, numí najanamush, duwé najanamushkam auwai; nuniai ujumak iman dutikatasa takatai ainai, tikich aina duka imanchaunum takatai ainawai.

(Segunda carta de San Pablo a Timoteo) 2:20 Iomraidhean Croise

(Esdras) 1:6

Nunik uminiagtai aents ditajai ijunag batsamin aidau: oron, platan, waji pegkeg najanamu akik aidaun, baka aidaun, aatus susajui. Dutikainak nuigtushkam tikich waji aidaun kuashat anentag susajui.

(Esdras) 6:5

Tuja waji orojai najanamu aidau, jiju platayai najanamu aidaun aatus apu Nabucodonosor jega Apajuí emematku ijuntainmayan yajuak Babilonia nugkanum ikaunmauwa duka Jerusalén awakjamu atatui. Dutika Apajuí emematku ijuntai jegamkamua nuwi utsaamu atatui, wagki nuwiya yajuakbau asamtai’ ”, tuu agagbau aajakui.

(Daniel) 5:2

Tuja apu Belsasarchakam kuashat vinon uwag nampeka, yaunchuk niina apaji Nabucodonosor Jerusalégnum Apajuí emematku ijuntai aajakua nuwiyan shikika umutai oro najanamu aidaun, plata najanamu aidaujai yajuakua nuna utugtitajum tusa inamjauwai. Nunak nii ipaamu aidaujai, tuja niina nuwe aidaujai, nuigtu awan nuwe aidaujai aatus batsamas duwi shikikag umú batsabiagtatus tiuwai.

(Evangelio según San Juan) 8:49

Tama Jesús ayaak: —Makichik iwanchkesh minak atsugtawai. Wi takaag nunak Apajun eme anentsan aikajai, nuniaig atumek minak eme anenjusjumek diigtsugme.

(Carta de San Pablo a los Romanos) 9:20

Nunin tautigmin tajime: “¿Amesh ya iman asamea Apajuish wagka aikame tumainaitme?” ¿Ichinak najanamush, najankagta nuna pempeentukish: “Wagka juní najatuaume”, tumainkaih?

(Primera carta de San Pablo a los Corintios) 3:9

Apajuí takatjiya nunú takagtanmag Apolok mina atuetaijui; untsu atumek Apajuí ajakji, Apajuí jee ainagme.

(Segunda carta de San Pablo a los Corintios) 4:7

Jutiik, ichinak duwe najanamunum wají akik aidau egketiama dutikamu ainaji, nunak Apajuí niina senchijí muunta nuna iwainaktatus dutikauwai, duka iina senchijichui.

(Carta de San Pablo a los Efesios) 2:22

Nunin asamtai atumshakam, ashí niinig ijunainakjum, jega Apajuí ememattaiya iman ainagme; Apajuí, Wakaní Pegkejiya nuwi pujugtamu asamtai.

(Primera carta de San Pablo a Timoteo) 3:15

wi dukap megkaekuish, Apajuí tuke pujuwa nuna aentsji iglesia aina nuanuish wajuk pujumainaita nu dekata tajame. Dita ainawai dekaskea nuna etsejuinak ayamjin aina duka.

(Primera carta de San Pedro) 2:5

Atumshakam nunisjumek kaya numamtin iwaku ainagme, nunin asagmin wakannumag Apajuí ememattai jega jegamkamu pegkegma iman etamjume, Jesucristo jutiiní mantamna iina tudauji utsanjamkau asamtai Apajuí shiig awagma dutiksaik iina wakaní susata tabaunum.