(Segunda carta de San Pablo a Timoteo) 2:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Jujú aidau anemtikjata dutikakum chichagkata Apajuí eemtin, wainak chicham aina duka jiyanitú yujaigpajum tusam, duka makichkish yaijattsui, nuna nunina duka antuina nuna pegkegchau emainak tu yujainawai.

(Segunda carta de San Pablo a Timoteo) 2:14 Iomraidhean Croise

(Jeremías) 2:11

tikich aents dakumka najanamun emematin aina dusha, atum wajukeajum ankampash nuna idayinak, tikichin nemaju yujau aina. Nunú aents aidauk wainka apajuímtai dakumka najanamun pegkegchaun emematin ainayatkush, yapa yapajiakuag wechau ainawai. Tujash mina aentsug aina duka dakumka najanamu aidaun yujajak, dekas wi Tuke Pujuu senchigtinaitag nunak idaitusaje.

(Jeremías) 2:8

Sacerdote aidaush mina pachittsag inimsachu ainawai; tuja mina chichamjun jintinkagtin aidaush makichkish waitkachaju ainawai, apu aidaush pegkegchaun takamjuttsau ainawai, tuja mina profetag aidaushkam Baalan etsegtuinak, mina chichamjunak etsegkachu ainawai. Nunidau asag dakumka najanamu aidaun wainak emematujaku ainawai.

(Jeremías) 23:32

Au profeta aidau kajanmayan waitan etsejuinak, mina aentsug aidaun anentain yapagtuawag pegkegchau takamtikaina duwi kajeajai. Wika ditanak makichkish mina chichameg etsegtugkatajum tusanuk ishimtsujai. Nuadui ditak mina aentsug aidaunak pegkegnumkesh yaimainchau ainawai. Witjai Tuke Pujuunuk, nunak dekas tajai”, tiuwai.

(Jeremías) 7:8

“ ‘¡Tujash atumek wait chicham, atumnash pegkegnumkesh yaimpakchatna nunú ima dekas antugjume!

(Habacuc) 2:18

¡Babilonianmaya aidaunak wait anentuinajai! ¿Wagka atumesh wainka apajuímtai aidaunmash kajintsagmesh anentaimjume? ¿Wagka atumesh aannush yainkata tusagmesh segash yujagme? Auk numi, kaya, atum najanamu ainawai, tujash duka wainak ainawai. Auk jiju najana orojai, platayai ukatkamu iwakuchu asa nigki wajamainchau, tuja chichamainchau ainawai.

(Evangelio según San Mateo) 16:26

¿Wajinma yaimainaita aentsnash ashí nugka juiyan niinu emakush, wakanin megkaemaina nuish? ¿Nuniachkush wajupa wakaninash akikmatmainaita?

(Los Hechos de los Apóstoles) 13:10

—Amek tikima wait, pegkegchau, iwanchin uchijí, ashí pegkeg aina nuna shiwajiyaitme; ¿Wagka Apu Apajuin chichame pegkeja dusha, pegkegchauwa nuninush chichagme?

(Los Hechos de los Apóstoles) 15:24

Antukmaji ujumak jutii ainag juiya jutii awemachbauwaitak, atumiin taawag anentaimtagmin pachimjutpak ukugmakiaju tabau.

(Carta de San Pablo a los Romanos) 14:1

Cristo nemagna nu dekaskeapi tayatak shiig dekainachu wainkugmesh shiig anentsajum jukitajum, tujash dita anentaimaina nunú pachisjum jiyanitsuk.

(Carta de San Pablo a los Gálatas) 1:7

Dekaskenmag duka tikich yamajam chichamchauwai. Nunin aig tikich aidau pachimjutpainawai yamajam chicham Cristo pachisa etsegbauwa nuna yapajiawag tsuwapaktatus wakegaidau asag.

(Carta de San Pablo a los Efesios) 4:17

Tuja juna tajim nunak, Apu Jesús tawa dutiksanuk tajime: Atumek Apajuí nemagchau pujuina nunisjumek pujusaigpajum, wagki ditak wainak anentaimaina nunisag pujuinawai.

(Primera carta de San Pablo a los Tesalonicenses) 4:1

Nuadui yatsug aidauh, Apu Jesusa daajin puyatjusan segajime, Apajuin shiig awagma nunisjumek pujakjum kashí kashinig emtajum jutiinu unuimagbaijum nunisjumek.

(Segunda carta de San Pablo a los Tesalonicenses) 3:6

Yatsug aidauh, iina Apuji Jesucristo daajin tajime, ashí yatsut aidau takatsuk wainak batsataidauk tupanjatajum, jutii jintintuabiajim nunisag pujuinatsu nunú aidau.

(Primera carta de San Pablo a Timoteo) 1:4

wainka augmatbau aidaun, nuigtú ditá muunji aajakú ejechamnun augmatiagtai antujú yujainum. Nunú wají aina duka jiyanitan itaawai, Apajuí takatji dekaskeapi tabauwai emtikmaina nuna.

(Primera carta de San Pablo a Timoteo) 1:6

Tujash ujumak aents nuna idaiyinak, kanakag wainak chichá yujainawai.

(Primera carta de San Pablo a Timoteo) 4:8

wagki iyash pegkeg atí tusa takamtikamua duka machik yaijatui, untsu Apajuí puyatjusa umigku takaamua nuuwai ashí wajiinum yaijata duka, wagki anagkagtuamua duka yamai pujag juigkechui atak atina imanuiyai.

(Primera carta de San Pablo a Timoteo) 5:21

Juna wi; Apajuí, Cristo Jesús nuigtú ángel etejamu aina nuna emtin tajam ju dutiksamek umiktá, makichkia nu takum tikichia duka pachitsuk idaiyin aipa, nuigtush wait anentamugmekesh idaitsuk ashí dutikata.

(Primera carta de San Pablo a Timoteo) 6:13

Apajuí ashí wají aidaun pujutan suuwa nu nuigtú Jesucristo Poncio Pilato emtinish niinun pegkejan etsegtumakua nuna emtin tajame,

(Segunda carta de San Pablo a Timoteo) 1:6

Apajuí don amasbau ajutjama nu paan iwainakta tajame, wi amina buukmin achikan Apajuí segai jukiuwaitam nunú.

(Segunda carta de San Pablo a Timoteo) 2:16

Tupanjata nugkanmaya aidau wainka chichamjú wekaetai aina duka, wagki nuna tu wekaeguk aan nagkaemas pegkegchaunum wemain asamtai.

(Segunda carta de San Pablo a Timoteo) 2:23

Chicham imanchau nuigtú wainak aina duka pampantú wekayipa. Amek dekame nunú tudaibau aidauk jiyanitnum ejekagtina nu.

(Segunda carta de San Pablo a Timoteo) 4:1

Apajuí nuigtú Cristo Jesús inamjatatus jui taa, iwaaku aidaun, jakau aidaunash dita takasbaujin diijus titina nuna eemtin puyatjusan tajame,

(Carta de San Pablo a Tito) 3:1

Aneemtikjata apu inamin aina nui nuigtú nunú apu adaijamu aina nuishkam sumimkatnume, nunik umijuinak ashí pegkeg aina nunak takastatus wakeyin atinme.

(Carta a los Hebreos) 13:9

Tikichin antushtain pachimak jintinkagtuidauk antugkaigpajum. Dekas Apajuí wait anenjamjauwa nuanuig anentaimin ichichmamjatajum, yutai pachisa tibauwa nu umiktasa yujagtsuk, wagki nuna nunidauk makichkish pegkegnak jukichaju ainawai.

(Segunda carta de San Pedro) 1:13

Wi iwaaku pujag duik, tuke aneemtiksanké amainaitjim duka pegkejai.

(1 Samuel) 12:21

Tuja tikich apajuímtai aina nunú atumi ayamjutpak uwemtijamainchau aina nuninuk yujagsaigpa. Duka wainak ainawai.