(Segunda carta de San Pablo a los Tesalonicenses) 2:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² nunak ashí aents aidau, ni chichame dekaskea nuna dekaskeapi tutan dakituinak, pegkegchaunak wakejus takasú aidaun, suwimkan susata tau asa dutikatnai.

(Segunda carta de San Pablo a los Tesalonicenses) 2:12 Iomraidhean Croise

(Miqueas) 3:2

Tujash atumek pegkeja nunú kajejakjum, pegkegchauwa nunú takagme. Nuniau asajum mina aentsug aina nuna neje ichiaja yajutkajum ayatak ukunchik emajum ukuajume.

(Evangelio según San Marcos) 14:11

Nu tama antukag shiig aneasaju, nunikag kuichkin susatatus anagkuawaju. Dutikam Judaschakam wajuk yupichu sujukajak tusa egatu.

(Evangelio según San Marcos) 16:16

Dekaskeapi tuidauk yamimagtinme nuninak uwemjatnume; untsu dekaskeapi tuinachuk, bakumagtinai.

(Evangelio según San Juan) 3:36

Duwi niina Uchijin dekaskeapi tuidauk, pujut nagkanchau ajuinawai, tujash niina Uchijiya nuna dekaskeapi tuinachuk, nu pujutak atsujuinawai, nunin asag Apajuí suimkaji ishamaina nunak jukiagtinai, tiuwai.

(Carta de San Pablo a los Romanos) 1:32

Apajuí aentsun nuninun takaidauk suwimkan juak tuke jakatin atinme tiuwa nunak shiig dekainawai. Tibau aig, ditak pegkegchauwa nunak takainak, tikich pegkegchaun takaagtaish shiig anentus diinawai.

(Carta de San Pablo a los Romanos) 12:9

Tikich aidaujaish dekaskenum pempeentunikjum aneenitajum, pegkegchauwa duka dakitakjum, pegkeja duke wakejusjum takau atajum.

(Carta de San Pablo a los Romanos) 2:8

tujash aents nigki anenmamin aidaunak, Apajuí kajejuk suwimkan susatnai, dekaskea nuna dakituinak pegkegchaun takaa batsatu asagmatai.

(Primera carta de San Pablo a los Corintios) 13:6

pegkegchau takat aidaujaig shiig aneechui, dekaskea nujai shiig aneenai.

(Deuteronomio) 32:35

Witjai suwimka sukagtinnuk, nuniau asan tsawan jegakui, wi suwimkanak susatnaitjai, wagki nii waittsatna duka tsawantak jegawai. Tuja nii suwimak jukitnuji umigkamua duka tsawantak uminui”, tiuwai Apajuí.

(Primera carta de San Pablo a los Tesalonicenses) 5:9

Wagki Apajuik iinak suwimkan jukitin atinme tujamchauwai, ayatak Apu Jesucristui uwemtan jukitnume tujabiajui,

(Segunda carta de San Pablo a los Tesalonicenses) 2:10

Nuniak ashí pegkegchau aina nujai tsanutnai megkaejatin aina nunak, wagki ditak anentak dekaskea nu etsegbaun antukag dekaskeapi tuinak uwemaina nuna dakitjaju asagmatai,

(Segunda carta de San Pedro) 2:3

Kuashat kuichik ajuttí tabaunum waitá jintinak jujutjabiagtinai; tujash dita bakumatna duka yaunchuk nagkamas umigkamui, dutikamu asamtai dita megkaekatna duka dakas ajawai.

(Tercera carta de San Juan) 1:11

Aneetaijuh, aents pegkegchaun takaa duka dakumkaipa, dekas pegkeja nunú takastá. Aents pegkejan takaa nuuwai Apajuinuk, tujash aents pegkegchaun takaa duka Apajuinak wainchau asa nuniawai.