(Segunda carta de San Pablo a los Tesalonicenses) 1:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ nuniak suwimkan susatnai Apajuinu dekatan dakitjau aidaun, nuigtú yamajam chicham Apu Jesús pachisa etsegbaun antugkachaju aina nunashkam.

(Segunda carta de San Pablo a los Tesalonicenses) 1:8 Iomraidhean Croise

(Génesis) 3:24

Dutika jiiki ajapeak, Apajuí niina aentsjin querubin aidaun etsa minitaiya aatuni awaantauwai. Dutikak yujág pujuta sukagtina nuna waya yuwawainum tusa puyag kegaun apujtusui. Nunú Edégkan tentea apajakui.

(2 Samuel) 23:7

Tsuwat aidau numi juki duwi tiwija jii kegamunum utsaam esaka megkagama numamtin ainawai. Dutikamunak ataktu waketjukiajag juchau ainawai”, tiuwai David.

(Éxodo) 5:2

Tutai faraón ayaak: “¿Yaita dusha Tuke Pujuush, wi niina chichamen antugkan, Israel aents aidaun shiyaktajum tusa idaisatnunash? ¡Wika Tuke Pujuunak wainchaujai, nuigtushkam Israel aents aidaunak shiyaktinme tusanuk idaisashtatjai!” tau.

(Isaías) 1:19

Atum mina umigtakjumek, atumi nugkem pegkeja nuwi ajakmajum yuwattagme.

(Isaías) 1:28

Untsu aents pegkegchaun takau aina duka ashí jinawagtinai, wagki mina umigtutan dakituidau asag.

(Isaías) 61:2

Nuigtushkam Tuke Pujuu iina wait anenjamjatnuk tsawan jegattawai, tuja nunú tsawantin Apajuí iina shiwaaji waitkagmaina nuna depetuk, uwemtijamjatnuk tsawantak jegattawai tusam etsegkata tusa awetine. “Tuja aents wake besemag batsatunashkam anentain ichichtugti tusa awetine.

(Daniel) 7:10

Tuja nii eketbaun emtinia jii kegau betsaka akaemayi. Nunú muunnak aents shiig kuashat emematiagmayi. Nuninai tikich aents aidau nuni kuashat makichkish dekapamainchau, jegantag ijuniagmayi. Nuninai nunú múun dita takasbaujin diijus suwimkan susatatus papii aidaun ujakmayi.

(Evangelio según San Mateo) 25:41

“Tusa menajin ijunun chichajak: ‘Pegkegchau aidauwah, jii ajumaish tuke atin Iwanch ni angelji aidaujai umigkamua nui wetajum.

(Evangelio según San Mateo) 25:46

Aaja tima nunú aents aidauk suwimak tuke atina nui weagtinai; untsu aents pegkeg aidauk pujut tuke atina nui wayawagtinai”, tiuwai.

(Evangelio según San Juan) 3:19

Dekaskeapi tuinachu bakumakbauwa duka juuwai: tsaaptinuk ju nugká juig tae, tujash aents aidauk tsaaptinnak dakituinawai, suwen imá senchi wakegaidau asag tudau takaina nuna iwaintugkai tuidau asag.

(Evangelio según San Juan) 8:19

Nuna tutai: —¿Amina Apash tuwí pujawa? tusag inidau. Tama Jesús ayaak: —Atumek minak dekagtsugme, nuniau asajum mina Apagshakam dekamaitsugme. Atum mina dekagkugmek mina Apagshakam dekamain ainagme, tiuwai.

(Los Hechos de los Apóstoles) 6:7

Tuja Apajuí chichame etsegbaush nuní senchi wegau, Jesusa nemajuidaushkam Jerusalegkak kuashat kawegkaju; nunisag sacerdote aidaushkam kuashat Jesusan dekaskeapi tusag nemajuidau.

(Carta de San Pablo a los Romanos) 1:28

Apajuik aents aidau dakituinamu asa, pegkegchau anentaimta nuwi idaisauwai; pegkegchau dutikmainchau aina nunak takastinme tusa.

(Carta de San Pablo a los Romanos) 1:5

Ni nunikbaunum Apajuí jutiinak wait anenjamag apóstol etamiuwai, Jesusa pachis etsegtukti nunitai, ashí aents aidauk niiní dekaskeapi tuinak niinak umigkatnume tusa.

(Carta de San Pablo a los Romanos) 10:16

Tujash aents yamajam chicham etsegbaun antukaja nuiyag ashí betekak dekaskeapi tuinatsui. Nuna pachis Isaías: “Apuh, ¿ya ii etsegbaunash dekaskeapi tuinawa?”, tiuwai.

(Carta de San Pablo a los Romanos) 15:18

Wika tikichdaunakesh pachisan chichatsuk, Cristo, judiochu aidaush Apajuin umigkatnume tujutiuwa nunak chichagkagtakun takasmajai.

(Carta de San Pablo a los Romanos) 16:26

Tujash yamaik iwaintugmakji Apajuí etsegtin aajakajua nunú agajajua nunak, nuigtush Apajuí tuke pujuuwa nuna ashí aents aidauk imá Jesucristunak dekaskeapi tuinak umigkatnume tibauwa nunashkam.

(Carta de San Pablo a los Romanos) 6:16

Atumek dekagme, makichik aents wika parjugkan takajin atajai tumamkug, nuna inake wajasá parjugji wakegamujin umigna duka. Numamtuk aents ayatak tudaunak takaa pujauk nigki jatan egatmamak nuniawai. Untsu Apajuin umijak pegkeg aina nunak takauk, pegkeg pujuta nuwi weawai.

(Primera carta de San Pablo a los Corintios) 15:34

Dekas aneaku pujakjum tudauk takasaigpajum, wagki Atum ainajum anuiya ujumak Apajuin dekachush awai, junak datsaagtinme tusan tajime.

(Segunda carta de San Pablo a los Corintios) 10:5

Aentsú anentaimsa tutaiji, ememainak Apajuí dekatan shiwagmaina dushakam ashí tsaigkaji, dutikaku ashí aentstí anentaimtaijiya duka Cristui sumimtikainaji niina umigkati tusa.

(Carta de San Pablo a los Gálatas) 3:1

¡Galacianmaya anentainkachu aidauwah! Atum jutii Jesucristo achigbauwa nu pachisa etsegjin, paan achigbau wainkajum anentaimtumainaitjum imatiksajum anentaimtibiujum nunash, ¿yaa chicham dekaskea nuna umikai tusash tsanugmajaje?

(Carta de San Pablo a los Gálatas) 4:8

Atumek yaunchkek Apajuí dekachu asagmek, apajuimtai dekaskechu aina nunú umijujakuitjume.

(Deuteronomio) 32:35

Witjai suwimka sukagtinnuk, nuniau asan tsawan jegakui, wi suwimkanak susatnaitjai, wagki nii waittsatna duka tsawantak jegawai. Tuja nii suwimak jukitnuji umigkamua duka tsawantak uminui”, tiuwai Apajuí.

(Deuteronomio) 4:11

“Tusa tujutai atumek muja najatamunum ijunjabiugme. Nunika ijunjajumin nunú mujanmaya jii kegak bukuiti yaki takuni yujagkim najanea shiig suwe wajasabi.

(Deuteronomio) 4:30

Atum tikich nugkanum batsamsajum dakumkamu emematkujum waitu pujautijum idaikujum, ataktu Tuke Pujuu atumi Apajuíjum umigjuminig,

(Primera carta de San Pablo a los Tesalonicenses) 4:5

nuninak aents Apajuí dekachu aidau senchi iyashí wakegamun takau aina nunitsuk,

(Carta a los Hebreos) 10:27

Ayatak jii shiig ishamainnum Apajuí niina shiwaji aidaun suwimkan susatna nunak dakainawai.

(Carta a los Hebreos) 10:30

Apajuí chichaak: “Witjai aents tikichin pegkegchau awagbaun suwimkan suwaunuk, nunin asan aents pegkegchaunak wi suwimkan susattajai”, tawai. Junashkam: “Niina aentsji aidaunak Apajuí ni titinai”, tawai.

(Carta a los Hebreos) 11:8

Apajuiyai dekaskeapi tabauwai Abrahamak Apajuí untsuam umijak jiinkiuwai, ni nugkan aminu atí tusa suwam atina nuwi weak, tuwí jegattawa nunak dekatsuk.

(Carta a los Hebreos) 12:29

Wagki iina Apajuijiya duka jiijai betek asa, jii apea emegkauwama imanai.

(Carta a los Hebreos) 2:3

Nunin aish, ¿jutiish wajuk Apajuí suwimkajish uwemtumainaita, uwemat dekas imana nu pachitsuk idaikuish? Nu uwemtanak dekatkauk Apu Jesús etsegkauwai, nunikmatai nuna antuku aidau jutiinash dekaske tusag ujapakajui.

(Carta a los Hebreos) 5:9

Ni juna imatikas betek umikú asa, uwemat tuke atina nuna sukagtin wajasui ashí niina umijuina nuna.

(Primera carta de San Pedro) 1:2

atum Apajuí iina Apají duik nagkamsa anentaimtusbauwa dutiksaik etejamu aidautigmin. Atumnak Wakania nujai pegkeemtijabiajui umigtuktinme tusa, nuigtú Jesucristo numpejai pegkeg etamkata tau asa. Anenjauch wait anenkagtamu nuigtú agkan pujamu kuashat ajutjamtinme.

(Primera carta de San Pedro) 3:6

Sarashkam Abrahaman umijak: Mina apug, tujakui. Atumek niina nawanji asajum pegkeja nu takaakjum shiig puyatkas pujumain ainagme.

(Primera carta de San Pedro) 4:17

Apajuí aentsji aidauti waittsatnuk yamaik nagkamnae, aatus nu jutiiní waitiamu nagkamna aniaish, yamajam chicham Apajuinua nuna umiinatsu dusha, ¿wajuk nagkankatnuk ainawa?

(Segunda carta de San Pedro) 3:7

Tujash nayaim, nugka yamai aina juka, niina chichamenig esaktin kuitamkam awai. Nunú jiiya nu apeatnai aents pegkegchau takau aidau suwimak suwamu tsawan jegatna dui.

(Carta de San Judas) 1:7

Nunú wajukawajua nunisag Sodoma, Gomorra nuigtú yaakat tikiju aina dushakam shiig pegkegchau aina nuna takainak nuigtú mai aishmagkuk dutikdaiyá batsamtai, Apajuí jii tuke kajinkashtina dui apek utsagkui, nunú dutikamua duka aents tudaun taká batsatuk jii ajubaish kajinkashtina nui suwimkan jukiagtina nuna iwaintugmaji.

(Apocalipsis) 20:10

Tuja Iwanch ditan tsanujakua nunak kucha jii azufrejai pachimjamua nui ajuabi, bestia nuigtú wait profeta egketbaunum, dutikam kashi tsawaijai ajumaish tuke waitú batsabiagtinai.

(Apocalipsis) 21:8

Tujash sapig aidau, dekaskeapi tuchau, kajegkagtin, magkagtin, tsanijimtan wekaetin, wawejatin aidau, apajuijimtain emematin, nuigtú ashí wait aidaujai kucha jii azufrejai pachimjamu kee awa nui chimpimawagtinai, Apajuijai tuke kanaaku kanaamu atina nui”, timayi.

(Apocalipsis) 6:10

Nunú aidau senchi untsukag: “Apuh pegkegmah, dekaskenum chichauwah, ¿wajupa asamea nugkanmaya iina mantamawajua dusha ikmatkagtuktatme?” awajiagmayi.

(1 Samuel) 2:12

Elí uchiji aidauk pegkegchau aidau asag, Tuke Pujuunak ajantus diijakchau ainawai.