(Segunda carta de San Pablo a los Tesalonicenses) 1:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Apajuik pegkeja nunak takauwai, nunin asa yamai atumin waitkagmaina nunak suwimkan susatnai,

(Segunda carta de San Pablo a los Tesalonicenses) 1:6 Iomraidhean Croise

(Eclesiastés) 3:17

Nuadui Apajuí aents aidaunak tsawan jegatna duwi pegkejan takasunash pegkegchaun takasujai mai apatuk dekajuatnai.

(Isaías) 49:26

Dutikakun ditak pempeentumakiag yumamatnume, nuninak dita numpenak uwag vinojai betek nampegtinme titatjai. Dutika ai ashí aents nugkanmaya aidauk wi Tuke Pujuu, amina uwemtikin Jacopan Apajuíji senchigtinaitag nuna dekawagtatui. Witjai amina ayamjukan agkanmitkaunuk”, tiuwai Apajuí.

(Carta de San Pablo a los Colosenses) 3:25

Tujash pegkegchaun takaa duka, ni pegkegchau takasa dutiksaik akiam atatui, wagki aents akanjá diyamuk atsau asamtai.

(Carta a los Hebreos) 6:10

Apajuik pegkegchaunak takachua ibau asa, atum ni aneau asajum, ememattsa takagkujum, Apajuí aentsji pegkejam aidaush yaigkuitjum nuna nuigtú yamaikish yaimainajum nunash kajimatkishtinai.

(Apocalipsis) 11:18

Nuniau asamin ashí nugkanmaya aidauk kajekaje, tujash ame kajeamugmik nagkamnae, nuigtú jakau aidau suwimak susattam dushakam tsawantak jegae, nuigtú amina inakem profeta aidau, aentsjum pegkejam aidau, amina umigtamin aidau, eme anenchatai, eme anentai aidau, akiktinaitam dushakam nuigtú nugkan emesena nu tsaiktinchakam jegae, wajagmayi.

(Apocalipsis) 15:4

¿Apuh yaki ishamjamkashti? ¿Yaki emematjamchati? Ameketme pegkegmamek. Iman asamin ashí nugkanmaya aidauk kautjamak emematjabiagtatui, wagki ame dekas dutikaum duka ashí wantinjau asamtai”, wajagmayi.

(Apocalipsis) 18:20

“Nayaim batsatutigmesh, Apajuí aentsji pegkejam aidautijum, apóstol aidautigmesh, nuigtú profeta aidautigmeshkam ju nuwa imania jujú diisjum shiig aneastajum. Wagki Apajuí atumin iikmatjamak suwimkan suwak imatikau asamtai”, timayi.

(Apocalipsis) 18:24

Nuigtush niiní profeta aina nuna numpe nuigtú, aents pegkejam aidaun numpe wainnakui, nuigtú ashí aents Apajuí umijin aidaun nugkanum maawajua nudaushkam”, timayi.

(Apocalipsis) 19:2

wagki Apajuí suwimkan susa duka pegkejai nuigtush dekaske, nuwa akiká takaaku tuwagtaiya nu ashí nugkanmaya aidaun, ni takataijiya nuna jintintua pegkegchau emaku asamtai suwimkan susae. Nuigtush niiní ikmake niina inaken kajegkú aina nuna”, wajagmayi.

(Apocalipsis) 6:10

Nunú aidau senchi untsukag: “Apuh pegkegmah, dekaskenum chichauwah, ¿wajupa asamea nugkanmaya iina mantamawajua dusha ikmatkagtuktatme?” awajiagmayi.