(Segunda carta de San Pablo a los Tesalonicenses) 1:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ ni minitna nunú tsawantinig, niina aentsji pegkejam aidau emematuinam nuigtú ashí dekaskeapi tuidau puyattsá diyam atina nuna. Tuja atumek jutii etsegbau dekaskeapi tiu ainagme.

(Segunda carta de San Pablo a los Tesalonicenses) 1:10 Iomraidhean Croise

(Isaías) 43:21

Nunú aents aidaunak wi najankauwaitjai, mina emematjitnume tusan.

(Isaías) 44:23

¡Nayaimpih, ameshkam Tuke Pujuu dutika nunú anentaimtusam shiig aneakum senchi kantamata! Nugka initken batsatutigmesh senchi untsumkujum aents wajukmaina imattajum. Muja aidautigmesh, ikam aidautigmesh, ashí numi aidaujai shiig aneakjum aents wajukmaina imatkujum senchi untsumtajum. Tuke Pujuu Israel aents Jacob wegantu aina nuna ayamjuk agkanmitkak niina senchijin iwainake.

(Isaías) 49:3

Tuja nii chichagtak: ‘Israel aents aidauwah, atumek mina inakeg ainagme, atumiin mina senchignak iwainaktatjai’, tujutmayi.

(Isaías) 60:21

“ ‘Atumi aentsjum aidauk shiig anentaimkau eme anentsa diitai, nugkeesh atantam achatnaitjume, tuja waji ajakaitkuish wi ajakmamu atinaitjume. Wi nunak mina imanjun iwainaktasan dutikattajai.

(Malaquías) 3:17

Tuja nuigtushkam Tuke Pujuu ashí senchigtina nunú ditan pachis chichaak: “Dita aidau ataktu mina aentsug wajasagtina nunú tsawan jegattawai. Makichik múun niina uchiji umigbau asa, wait anentus kuitamna numamtuk wishakam ditanak wait anenjagtatjai.

(Números) 23:23

Jacopa uchiji wegantu aina nuna wi pegkegchaunum yumigkiaknush, wainka dutikmainaitjai. Israel aents aina nunak tunchikesh wawemaitsui. Wi yamai Israel aents aidaun tajai: ‘¡Apajuí atumnak dekas shiig pegkegnum yaimpakaje!’

(Evangelio según San Mateo) 16:27

Wagki Aentsmaga akiinauwa duka, ni Apají imanjiya nujai nuigtú niina angelji aidaujai minitnai, nuniak makí makichik aents takasbaujiya dutiksag akiktinai.

(Evangelio según San Mateo) 16:28

Dekas tajime Atum jui ijunjum juiyatijum ujumak aidautijum eke jatsuk, Aentsmaga akiinauwa nu inamjatatus minau wainkatnutigmesh ajume, tiuwai.

(Evangelio según San Mateo) 24:36

“Tujash tsawannak, horanash makichkish dekainatsui, nayaimpinmaya ángel aidaukesh, Apajuí Uchijigkesh dekatsui, imá Apajuk dekawai.

(Evangelio según San Mateo) 25:31

“Aentsmaga akiinauwa nu tsawan wajas ashí niina angeljijai minakug, ekeemtaiji dekas imana nui ekeemsamtai,

(Evangelio según San Mateo) 7:22

Nunú tsawan atina dui kuashat aents: ‘Apuh, Apuh’ Jutiishkam amina daagmin chichamjum etsegkabiaji, nuniaku amina daagmin iwanch aidau aentsun egkemtuaush jiijá ishimaiji, tuja aents dutikmainchau aidaush kuashat takasuitji, tujutiagtinai.

(Evangelio según San Lucas) 10:12

Juna tajime: Suwimak sukagtamu tsawan jegatna duik, sodomanmaya aidau suwimkan jukiuwa nuna nagkaesau jukiagtinai.

(Evangelio según San Juan) 11:4

Jesús nuna antuk, chichaak: —Au jata duka jachataiyai, ayatak Apajuin eme anentuinak, nuigtú Apajuí Uchijiya nunú dutikamunum eme anentiagtata nuna iwainaktatus aniawai, tiuwai.

(Evangelio según San Juan) 17:10

Ashí aents midauwa duka aminu ainawai, tujamtai aminu aidauk midau ainawai. Nunú aidau mina emematjuinawai, tikich aidaushkam Jesusa imanjin wainkatnume tusag.

(Primera carta de San Pablo a los Corintios) 1:6

nunisag wi Cristo pachisan etsegkauwaitag dushakam atuminig imanisag juwatjamkajui.

(Primera carta de San Pablo a los Corintios) 3:13

nunú aidauk makí makichik takasbau dekagbau tsawan atina dui, ashí paan wantinjatnai, wajiyaik jegamkamuita nunú. Ashí takasbau aidauk jiiyai apetiama numamtuk dekapeamu agtinai.

(Carta de San Pablo a los Gálatas) 1:24

Wi nunitai Apajuin emematiajui.

(Carta de San Pablo a los Efesios) 1:12

Nigka wakekauwai dekatkauk jutii aidauti Cristun dakastinme nuninak mina imanjua nuna emematjitnume tusa.

(Carta de San Pablo a los Efesios) 1:14

Nunú Wakania nuuwai, Apajuí sujabau jukiagtin asajin emtika amasmauwa duka, jutiin ashí agkanmitkagma niina aentsji etamkatna dui, dutijamamtai ashí jutiik Apajuí senchigtin imana nu ememattinaitji.

(Carta de San Pablo a los Efesios) 1:18

Nuigtushkam segajai atumi anentaiminish tsaapmitkagmatnume, dutijamamtai niina aentsji wajasjum nayaimpinum atumdau atin dakainajum dushakam shiig dekamnujum tusan, nuigtú Jesusa nemajin pegkejam aidau wajiin shiig kuashat dekas shiig pegkeg jukitin ajuina dushakam,

(Carta de San Pablo a los Efesios) 1:6

Nunak niina Uchijí aneetaijiya nuna amasua dui Apajuí wait anenkagtamuji dekas imana dui, emematjitnume tusa dutikauwai.

(Carta de San Pablo a los Efesios) 2:7

Juna jutikauwa nunak atak tsawan atina dui ashí aents aidaun iwaintuktatus dutikauwai, niina shiig kuashat wait anenkagtutaiji niina pegkegjiya nujai jutiinu atinun Cristo Jesusai dutikauwa nuna.

(Carta de San Pablo a los Efesios) 3:10

Nunak Apajuí yachají kuashat niimtina nujai iglesianum dutika nuna yamaik ashí wakan senchigtin aidau, agkajunum inamin aina dushakam dekatnume tusa dutikauwai.

(Carta de San Pablo a los Efesios) 3:16

Nuniakun segatjime, Apajuí wait anenkagtugbau dekas imana nuna amastinme, dutijamawagmatai Wakaní Pegkejiya nunú atumi anentaiminish senchimtijamatnume,

(Primera carta de San Pablo a los Tesalonicenses) 1:5

Jutii yamajam chicham atumiin etsegkabiag duka, ayatak chichamaikik etsegkachbaiji, nunitsuk Apajuí senchijish iwaintukmaijime Wakaní Pegkeji jutiiní takaa nujai shiig paan dekamtikaku. Atumek shiig dekagme, atumiin pujubiag duik, atumiin pegkeg amaina duke egabiag nunú.

(Primera carta de San Pablo a los Tesalonicenses) 2:1

Yatsug aidauh, atumek dekagme, jutii atumiin ijasmayag duka wainkag nagkankachmayi.

(Primera carta de San Pablo a los Tesalonicenses) 2:12

dutikakun, Apajuí niina inamtaiji imana nui pujustinme tusa untsukbau aidaush wajuk pujumainaita nunisjumek pujustajum tuyajime.

(Primera carta de San Pablo a los Tesalonicenses) 2:13

Nuadui jutiishkam Apajuik mijattsuk see taji, atum ii chichagkagtamu aentsdauchuapi Apajuí chichamempapi tusajum shiig antuku asagmin. Duka dekas Apajuí chichamegai. Nu chicham atumesh dekaskeapi tau asagmin pujutjumnash kuashat yapagtugmawajui.

(Segunda carta de San Pablo a los Tesalonicenses) 1:12

Atum aaja nuniamunum Apu Jesusa daajig eme anentam atatui, nuadui niishkam atumin eme anenjamsattawai, iina Apajuiji nuigtú apu Jesucristo wait anenjama nunisag.

(Segunda carta de San Pablo a los Tesalonicenses) 2:13

Yatsug Apu Jesusa aneetai aidauwah jutiik atum pachisa tuke Apajuí see tuinaji, wagki yaunchuk nagkamas Apajuí atumnak etegtamjajui, Wakaní Pegkeji yayasam chicham dekaskea nuna dekaskeapi tiagtai pegkemtikiajam uwemjatin atinme tusa.

(Primera carta de San Pablo a Timoteo) 3:16

Juka utujimsaish anentaimtumaitsui, shiig muun wait anenkagtamu dekaachbau aajakua duka: Nigka aentsmaga wantinkauwai, Wakaní Pegkejishkam pegkegchauji atsujui tiuwai, ángel aidaushkam wainkamu, judiochu aidaunmash etsegkamu, nugkanmaya aidaush dekaskeapi tibau, nayaimpinum jukimu aajakui.

(Segunda carta de San Pablo a Timoteo) 1:12

Duwi wika ashí ju aidaunak waitiajai, tujash datsamatsjai; wagki, wi yana dekaskeapi tiuwaitja nuna dekau asan, nuigtush nigkiap senchigtina ibau asa, atak tsawan atina dui midau atinnash kuitamjutua tau asan.

(Segunda carta de San Pablo a Timoteo) 1:18

Apu Apajuí yaigtí Apu Jesusa tsawanji atina duish wait anenjamu atí tusa. Amek shiig dekame, ii Éfeso pujajin wajupa yaimpakchabi duka.

(Segunda carta de San Pablo a Timoteo) 4:8

Nuigtushkam wi pegkeg takasbaunum corona jukitnuk kuitamkam ajutui, nunak Apu Jesús juez dekas pegkejan takauwa nu tsawan atina nui sujustinai; tujash imá minakek sujuschatnai, ashí ni minitnun aneas dakasu aina nunash susatnai.

(Primera carta de San Pedro) 2:9

Tujash atumek Apajuí niina aentsji atinun etegkauwa nu weantu ainagme, sacerdote rey takajin, Apajuí aentsji pegkejam, Apajuí sumaka jukimu. Jutiinak pegkegchau takainaku suwenum batsatjin tsaaptin dekas imana nuna amasui, Apajuí takasbauji shiig pegkeja nuna etsegkatnume tujamu asa.