(Segunda carta de San Pedro) 3:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Apu Apajuik ni anagkagtuamujinak umitskek idaisashtatui, ujumak aents taashtina nunin anentaimtuina nunak, nuninaitak nigka waugtuk dutikchauwa dui, makichkish megkaekashtinme, ayatak pujutjin yapajiatnume tusa aniawai.

(Segunda carta de San Pedro) 3:9 Iomraidhean Croise

(Éxodo) 32:32

¡Wait aneasam ditá tudauji tsagkujata! tusan wi segajame. Tuja tsagkugmaichakmek, mina daag amina aentsjum aidaun daaji agatkamua nuwi agatjujuitam duka esakatjugta”, tiuwai.

(Éxodo) 33:11

Tuja nunú carpa aakmakbaunum Moisés wayamtai, Tuke Pujuu Moisésjai igkunia niina kumpajijai chichamaina imanis chichau. Nunik chichasmatai, Moisés Israel aents aidau batsatbaunum waketujakui. Untsu Nun aajakua nuna uchiji Josué Moisésa yain aajakua duka nunú aakan kuitamak jiintsuk nuwig pujujakui.

(Éxodo) 34:6

Nunika Moisés wajamunum nagkaemak senchi jiika chichaak: “¡Witjai Apajuí TUKE PUJUU tutain, wika kakagchauch, wait anenkagtin, wamak kajechu, anenkaji múun, dekaskenum chichauwaitjai!

(Isaías) 30:18

“Untsu atum tsagkugnagtin tsawan jegamtai, Tuke Pujuu atumin wait anenjamag atumi tudaugmin tsagkugtamjattawai. Apajuík niina anenken iwaintugmaktatus wakegawai, wagki niig pegkegchaunak dakitin asa, ima pegkeja nunak takauwai. ¡Nuadui Apajuíyai kajinas anentaimaidauk shiig aneasagtin ainawai!” tiuwai Isaías.

(Isaías) 46:13

Wi atumnak wamak agkanmitkattajime, nunak shiig wamak dutikattajai. Tuja Jerusalégnum aents aidau batsata nunak wi ayamjukan agkanmitkattajai. Mina imanjua duka Israel aents aidaunum atatui”, tiuwai Apajuí.

(Ezequiel) 33:11

Tujash wika aents tudau aina nunú jinaati tusanuk wakegatsjai, ayatak pujutjin yapajiawag iwaku pujustinme tusan wakegajai. Israel aents aidauwah, pegkegchau takajum duka idaisatajum, nuniakjumek jakashtatjume, tawai Tuke Pujuu.

(Daniel) 4:29

Makichik mijan nagkaemakiu ai apu nii pujusa inamtaijin niimak wekagu.

(Habacuc) 2:3

Nunú ame wainkattam duka juu tamawaikik nagkaemakchattawai, tujash amek waugtutsuk dakasta, nunú nagkaemaktinuk eke tsawan jegatsui. Tujash duka makichkish megkaetsuk tuké uminkattawai”, tujutmayi.

(Carta de San Pablo a los Romanos) 13:11

Nunin asamtai jujú tawa duka umiktajum. Wagki atumek dekagme Cristo jui taatnuji tsawantak namput wajaschae, jutii dekaskeapi tusa Cristo nemagkau aayag duik imá dukap aayi. Tujash yamaik tsawantak tikima shiig jegawai, Apajuí uwemtijamjatna duka. Nuniau asamtai atumshakam kajinkagmek batsamigpajum aneaku batsamsatajum.

(Carta de San Pablo a los Romanos) 13:12

Pegkegchau takata duka shiig senchi juikne, nuniau Cristo jui ataktú minitai, kiyag au tsawautai tsaaptin wegama numamtuk wajaktata dusha tikiju wajasé. Nuadui pegkegchau takaakjum suwenum wekaemaina numamtuk wajainajum duka idaisatajum, suntag maaniatin asa uminas aama numamtuk pegkeg takaakjum umintsajum pujustajum.

(Carta de San Pablo a los Romanos) 2:4

Apajuik ame pegkegchau takataish shiig senchi wait anenjamu asa suwimkan sujamtsuk, tudau takatan idaiyak pujutin yapajiati tusa emamkes dakagma dusha dakitame.

(Carta de San Pablo a los Romanos) 9:22

Nunin asa Apajuishkam ni kajeamujin senchijiya nujai iwainakta tau asa shiig senchi emamkes katsunjauwai, nunú aidauk suwimkan juinak megkaetanum wegagtina nuna.

(Primera carta de San Pablo a Timoteo) 1:16

Tujash wi iman aigkish Apajuí minak wait anenjujui, Jesucristo minai dekatkauk ashí wait anenkagtutaijiya nuna iwainakta tau asa, nuna wainainak tikichish niina dekaskeapi tuinak pujut nagkanchaun jukitnume tusa.

(Primera carta de San Pablo a Timoteo) 2:4

nunin asa nigka ashí aents uwemjatnume, nunikag dekaatnume dekaskea nuna tusa wakegawai.

(Carta a los Hebreos) 10:37

Agagbaunum chichaak: “Minitna duka, megkaetsuk wamak minittawai.

(Primera carta de San Pedro) 3:20

yaunchuk Noé pujusmatai batsamajakú intimkiaju aina nuna, Apajuí waugtutsuk arcan najantai dakajakua dui, nu nuniamunum ujumak aents, ocho yuminmag uwemjajui.

(Segunda carta de San Pedro) 1:4

Nunú senchik ashí pegkeg tikichin nagkaesau aidaun ni anagtamauwa nunash sujamsauwai; dutikamu asag ju nugka jui pegkegchau wakegat aina nunak agkanmagawag Apajuí wajukuita imanuk atinme tujamu asa.

(Segunda carta de San Pedro) 3:15

Adeagtajum iina Apuji emamkemas dakama nunak, uwemjatnume tabaunum aniawai. Juna pachis iina aneetaiji yatsug Pabloshkam, Apajuí dekat susamua dui agaje,

(Apocalipsis) 2:21

Nuniakuish tsawantan susajai pujutjin yapajiati tusan. Tujash tsanijinat idaitanak dakitawai.