(Segunda carta de San Pedro) 3:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tujash Apu Jesús minamuk kasa pachiachbau kashi miniyama numamtuk atinai; nu tsawantinig nayaim aidauk shiig ishamainun kedegtuk megkaegainai, nui ayá dushakam esakag yuku waigkagtinai, antsag nugkashkam ashí nui takasbau ayá dushakam esakagtinai.

(Segunda carta de San Pedro) 3:10 Iomraidhean Croise

(Salmos) 46:6

Aents nugka muunnumia aidauk, nugka múun aidaun apuji aidaujai Apajuí chichamun antukag ishamainak senchi pampainawai. Tuja nugkashkam Apajuí chichatai, yumpuna tsainak megkaewai.

(Joel) 1:15

¡Apajuí taatnuk namput wajaschae! ¡Tsawan ishamain atina duka ashí jegawai! ¡Pegkegchau takat idaiku Apajuí umigtsujinig, Apajuí ashí senchigtina nunú suwimak ishamainun amastatui!

(Joel) 2:1

¡Jerusalégnum uwija kachuji umpuagtajum! ¡Adeagtinme tusa umputai Tuke Pujuu emematku ijuntainum umpuagtajum! Nuna antuinak ashí aents aidau Judá nugken batsamin aidauk sapigmainak kujaitnume, wagki Tuke Pujuu taatin tsawan ashí jegae.

(Joel) 2:31

Etsag etsanjashtinai, tuja nantushkam numpa iman wajastinai, juka eke Tuke Pujuu iina apuji Apajuí minitin tsawan ishamain atina nunú jegatsaig nagkaemaktinai.

(Joel) 3:14

Tuke Pujuu taatin tsawan uminu asamtai, Josafat nugkanum aents aidau shiig kuashat ijunjaje.

(Amós) 9:13

“Kuashat trigo juwamu atin tsawan jegawai. Trigo juwamuk eke ashimchayatkujum ataktu nagkamajum ajakmattagme. Tuja uva juukbaushkam eke vino najantsuk ukuakjum ataktu uva ajaktatjume. Imatikau asagmin vino najanamu aidauk mujanmash, nain aidaunmash yumijai betek shiig kuashat aitnai.

(Amós) 9:5

“Tuke Pujuu Apajuí, ashí senchigtina nunú nugkan antiawai, dutikam nugkak yumpunui, nunitai aents aidauk buutuinawai. Tuja nugkak uujak namak Nilo dujajak ikaman utuja kuyua, ataktu utug kuyua wajama imanittawai, imanitai aents aidauk ishamainak buutiagtinai.

(Miqueas) 1:4

Tuja nii taa mujan najataik, muja aidauk wiya jinum sukuam yumimegama numamtuk wajaktinai, tuja muja najatamu paka aidauk yumi senchi yutak nugkan yumpuwama imanik yumpunag kanaktinai.

(Malaquías) 4:5

“Juju antuktajum, wi atumin suwimkan amastasan wakitkin minittakun, emtikan profeta Elíasan awetittajime.

(Evangelio según San Mateo) 24:35

Nayaimpik nugkajaig megkaejatnai, tujash mina chichamjuk umintsukek juwakchatnai.

(Evangelio según San Marcos) 13:31

Nayaimpik nugkajaig megkaejatnai, tujash mina chichamjuk umintsukek juwakchatnai.

(Evangelio según San Lucas) 12:39

Tujash ju dekatajum, jeenna nunú wají horatinia kasa taattawa nuna dekakug iwá pujumainai, nuniakug jeenig utua kasagmak amaitsui.

(Carta de San Pablo a los Romanos) 8:20

Wagki ashí najankamu aina duka dekaskenmash wajuku atí tibauwaita nunak megkaekaju asag wainak juwakajui, nunak dita wakegainak nunikchajui, Apajuí aatus nuniktinme tibau asa nunikajui. Nunak Apajuí makichik tsawantai yapajiatin asa dutikauwa nuna dakainawai,

(Primera carta de San Pablo a los Corintios) 1:8

Apajuí nigki kuitamjamkattagme, ii Apuji Jesucristo minitta duwish bakumamainchau agtinme tujamu asa.

(Primera carta de San Pablo a los Corintios) 5:5

nunú aentsuk Satanás idaitustajum, dutikam ni nuna iyashin suwimak susam waitiak, pujutjin yapajia Apu Jesús minitaish wakanin uwemjati.

(Segunda carta de San Pablo a los Corintios) 1:14

duka machik dekaugme, jutii aidautik atum eme anentam agtinaitag nunú, atumshakam antsagmek jutii eme anentam agtinaitjume tsawan Apu Jesús minitna dui.

(Primera carta de San Pablo a los Tesalonicenses) 5:2

Atumek shiig dekagme, tsawan Apu Jesús wakitki minamuk, kasa kashi miniyama numamtuk atinai.

(Primera carta de San Pablo a los Tesalonicenses) 5:4

Tujash atumek yatsug aidauh, suwenmag batsattsugme, nunin asagmin, nunú tsawan Apu Jesús minamu atina duik, kasan pachiachbau achiká juwajama numamtuk awagmak amaitsugme,

(Segunda carta de San Pedro) 3:11

Ashí nunú aidauk aatus utsankagtin asamtai, atumek pegké pujakjum, puyatjusjum umigmainaitjume,

(Segunda carta de San Pedro) 3:12

nuniakjum shiig senchi wakejusjum tsawan Apajuí minitnujiya nu dakastajum. Nu tsawantinig nayaim aidauk jiiyai apekbau atinai, tuja nui ayá dushakam jii keetai yumimeakag megkaejagtinai.

(Segunda carta de San Pedro) 3:7

Tujash nayaim, nugka yamai aina juka, niina chichamenig esaktin kuitamkam awai. Nunú jiiya nu apeatnai aents pegkegchau takau aidau suwimak suwamu tsawan jegatna dui.

(Carta de San Judas) 1:6

Tuja ángel aidau ditá imanjin kuitamtsuk, ditá batsamtaijinash ukukiaju aidaunak tuke atinun achijá suwenum chimpiauwai, tsawan jegatai suwimkan susatatus.

(Apocalipsis) 16:15

Wika kasajai betekmamtuk minittajai, shiig aneasagtinai aneaku batsatuk, nuigtush jaachjin kuitamaidauk, wi minitaish wisú pujuinachu asag datsamamujish atsujiagtina dui.

(Apocalipsis) 20:11

Wainkabiajai makichik ekeemtai muuntan pujun, nui makichik ekeemtatman. Nuna emtinig nugkak nayaimpijai atsusagmayi, nuniku asag makichik yantamnumkesh wainnakchagmayi.

(Apocalipsis) 21:1

Wainkabiajai nayaim yamagman, nugka yamagmajai; wagki dekatkau najankamu nayaim, nugka, nayants aina duka atsusagmayi.

(Apocalipsis) 3:3

Adeagta pegkeg jintiamu antukuitam nunú; nuniakum umiktá, nuigtush tudau takatash idaisata. Aneaku pujachkuminig, wi kasajai betek minittatjame, tujash wají horatinia minittaja duka dekashtatme.

(Apocalipsis) 6:14

Nayaimpishkam papí pempeaja jutayama numamtuk megkaekabi, ashí muja aidauk, ajuntai aidaujai pachimdaegak patamsabi.