(Segunda carta de San Pedro) 2:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Kuashat kuichik ajuttí tabaunum waitá jintinak jujutjabiagtinai; tujash dita bakumatna duka yaunchuk nagkamas umigkamui, dutikamu asamtai dita megkaekatna duka dakas ajawai.

(Segunda carta de San Pedro) 2:3 Iomraidhean Croise

(Salmos) 66:3

Apajuí chichagkujum: “Amina takatjumek shiig pegkeg ainawai. Ame ima senchigtin asamin, amina shiwaajum aidauk ishamjamainak aminí yunumainawai.

(Isaías) 60:22

Kuashtachu aina nunú yujaka mil aents wajastinai, nunú yujaka nugka múun wajastinai. Wi nunak nunú tsawan jegakui wamak dutikattajai. Witjai dekas Tuke Pujuunuk’, tawai Apajuí”, tiuwai Isaías.

(Miqueas) 3:11

Apu chichama epegkin aidauk ya kuichkin akikmawa nuna yainawai, tuja sacerdote aidaushkam kuichkin akigkatnume tusa jintinkagtuinawai. Profeta aidaushkam kuichik akiam chichaman etsejuinawai, nuninak: ‘Tuke Pujuu jutijaig pujawai, nuadui suwimkanak amaschattawai’, tuinawai.

(Habacuc) 3:3

Apajuík Temán nugkanmaya minawai, Apajuí pegkegma nunú muja Parágnumia jiinki minawai, Apajuín imanjiya duka ashí nayaimpin jajutua awai, tuja ashí nugkanum Apajuí emematku kantamtain kantamainawai.

(Malaquías) 1:10

¡Wika mina jegajun waitiji aina duka epennati tusan wakegajai! Ataktu awagkijum anentag susami tusajum, aanin pegkegchau aidau ikaunmajum mina altarjui wainka apeawaijum tusan dakitajai, wagki wika atumnak kajegkajime, nuadui makichkish jujukchattajime.

(Evangelio según San Mateo) 23:14

¡Wait anentajime atumnak, maestro chicham umiktinun jintinkagtin nuigtú fariseo aidautigminak, tsanumin asagmin! Wagki atumek nuwa waje aina nuna jee atankijum, tsanumkujum Apajuí dukap aujú yujau ainagme, nunin asajum imá senchi bakumatin ainagme.

(Evangelio según San Lucas) 18:8

Dekas tajime Apajuik waamak yaimpamainai. ¿Tujash wi Aentsmaga akiinauwaitag nuna ataktú ju nugka jui taatnaitag nuniaknush aents dekaskeapi taunash wainkatnashitag?, tiuwai.

(Evangelio según San Lucas) 20:20

Nuninak aents aidaun, iish pegkeja nu dekatasa wakegainaji tusajum dekajuatajum tusag awemajui, dutika Jesús wajintig timatai achiká gobernador inama nui sujukmi tusag.

(Evangelio según San Lucas) 22:47

Tusa Jesús eke chichaak wajai, kuashat aents kaunawaju, nuniamunum ni jintintaiji doce aina nuiya Judas daagtin eemak minau, nunú jegantau Jesusan kugkuastatus;

(Evangelio según San Juan) 2:16

Dutika, paumá sujin aidaun chichajak: —Jui aina juka jiigtajum. Mina Apajú jeeg, wají sujutai emaigpajum, tiuwai.

(Carta de San Pablo a los Romanos) 16:18

Nunú aents aidauk ii Apuji Cristunak takajainatsui, dita wakejuinamun egainak tuidau asag, chicham pegkegchi aujuinak, shiig tsanuinawai imanis anentaimainachunak.

(Segunda carta de San Pablo a los Corintios) 2:17

Jutiik tikich aidau kuichkijinatasag Apajuí chichamen yapajiawag waitá etsejuina nuninuk ainatsji, dekaskenum Apajuí awemamu asá, Apajuí eemtin Cristo daajin etsejuinaji.

(Deuteronomio) 24:17

“Bitaik aidaush, tikich nugkanmaya aidaush wainka waitkasaigpajum. Duka dutiktsuk dita atsumainakuig yaigtajum. “Tuja waje kuichik tsagkatkugmesh, akigkumin awagtuktagme tusagmek niina jáanchjig jujukigpajum.

(Deuteronomio) 32:35

Witjai suwimka sukagtinnuk, nuniau asan tsawan jegakui, wi suwimkanak susatnaitjai, wagki nii waittsatna duka tsawantak jegawai. Tuja nii suwimak jukitnuji umigkamua duka tsawantak uminui”, tiuwai Apajuí.

(Primera carta de San Pablo a los Tesalonicenses) 2:5

Jutii makichkish shiig anenjustinme tabaunum chichachuitag duka atumek dekagme, nuigtush kuichik jujuktasaikish chichachuitji. Junak Apajuishkam shiig dekawai.

(Primera carta de San Pablo a los Tesalonicenses) 5:3

Wajutiya aents aidau: Yamaik shiig agkan, nuigtush kajintsá batsatainaji, tiagtin ainawa, nuniai atinai dita waittsatnuji minittina duka, nuwa ejamtin uchigmatji jegamtai najaima numamtuk, nunak uwemtugchagtin ainawai.

(Primera carta de San Pablo a Timoteo) 3:3

nampeta wekaetuchu, wainak shinú wekaechau, kuichkinak anentaimtú wekaechau, shiig awajkagtin, kakagchauch amainai,

(Primera carta de San Pablo a Timoteo) 3:8

Nunisag diácono aidaushkam ajantusa diitai amain ainawai, waitjus chichachu, nampeta wekaetuchu, takat pegkegchau aina nujai kuichkijinatatus wakegá wekaechau;

(Primera carta de San Pablo a Timoteo) 6:5

nuigtushkam inagnamainchaun jiyanitú yujainawai, aents pegkegchaunak anentaimtin dekaskea nuna dekachu asag, Apajuí pachisa chichamunum wiyakchameautia nuninun anentaimainawai. Aents nunin aidauk tupanjata.

(Carta de San Pablo a Tito) 1:11

Nunú aents aina duka itatmitkaktajum, jintimainchau ainayatak kuichik jukitag tabaunum makichik jeganum ashí batsata nunak, tumainchaun jintintuinak pachimjú yujaidau asamtai.

(Carta de San Pablo a Tito) 1:7

Wagki obispok, Apajuinun kuitamin asa, makichkish nuninai tuchatai amainai; ememachu, kajemtin wajaknuchu, nampetnash nampechu, wainak shinú wekaechau, kuichkinak anentaimtú wekaechau amainai.

(Primera carta de San Pedro) 2:8

Nuigtushkam: “Nunú kaya nunak kuashat aents tukumak iyajagtinai”, tawai. Wagki tukumaina duka chichama umiinachu asag nuninawai, aatus nunikti tibau aina nu.

(Primera carta de San Pedro) 5:2

Apajuinu atumjai ijunaina nu kuitamkatajum, atumin idaitugmasua nu, duka shiig wakesajum dutikatajum; dutikata tujamkui nunitsuk, nuigtush kuichik anentaimtusa dutikawaigpa, Apajuí wakega dutiksagmek dutikatajum.

(Segunda carta de San Pedro) 1:16

Wagki iina Apuji Jesucristo ashí ni senchijijai minitna nu pachisa atum dekamtikauwaitag duka, aents anentaimsa augmattsamu aina nuninchauwai, duka iina jiin niina imanji wainkauwaitag nu tibaiji,

(Segunda carta de San Pedro) 2:1

Israelnumash wait profeta aidaush aajakajui, atum ainajum nuish maestro waitá jintin aidau agtina nunisag. Ditak dekamainchaun jintidiagtinai ditá anentai pegkegchauwa nuiyan, aatus nuninak Apu Jesús ditan agkanmitkauwa nunash dakitiagtinai; nuninai pachiachbau dita bakumatnuji jegajiagtinai.

(Segunda carta de San Pedro) 2:9

Apu Apajuik niina puyatjus umijuina nunú utugchatnum jegatai agkanmitkatnak dekawai, dutikak aents pegkegchau takaidaunak ayatak kuitamui tsawan jegatai suwimkan susamig tusa,

(Carta de San Judas) 1:11

¡Wait anentuinajai ditanak! wagki Caín wajukauwa numamtuk wajaidau asagmatai, nuigtú Balaam wajukauwa nunisag kuichik jukita tabauwai pegkegchau takaina duwishkam, aantsag Coré ni chicham intimtinig jakauwa nuniktin asagmatai.

(Carta de San Judas) 1:15

ashí aents takasbaujin diijus titatus; nuniak pegkegchau takasú aidaun tuja Apajuinash pegkegchau chichagkau aidaunash suwimkan susatatus”, tiuwai.

(Carta de San Judas) 1:16

Ditak chichaman patá yujau, augmatkagtin, dita wakegamujinak takaa yujajin, ememas chichá yujau, tikich aentsnash imanchau aig igkuawag, amek dekas pegkejaitme tusa anentai egketuawag niinun jujukiagtatus aujú yujajin ainawai.

(Carta de San Judas) 1:4

Wagki ujumak aents tsanumag wayawaje nunikag tsanugmajaje, duka yaunchuk nagkamas aatus suwimkan jukitnume tibau aina nu. Nunú aents aidauk pegkegchau ainawai, nunin asag Apajuí anentag amasua dui agkantaitji tusag pegkegchaun takainak Apajuinash dakituinawai nigki imana nuna, nuigtú iina Apuji Jesucristunashkam.

(Carta de San Judas) 1:7

Nunú wajukawajua nunisag Sodoma, Gomorra nuigtú yaakat tikiju aina dushakam shiig pegkegchau aina nuna takainak nuigtú mai aishmagkuk dutikdaiyá batsamtai, Apajuí jii tuke kajinkashtina dui apek utsagkui, nunú dutikamua duka aents tudaun taká batsatuk jii ajubaish kajinkashtina nui suwimkan jukiagtina nuna iwaintugmaji.