(1 Samuel) 7:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Imaniagtai Samuel ditan chichajak: “Atum dekas Tuke Pujuu atumi anentaimijai emematkujum ima nigki umigkatag takugmek, ¡tikich nugkanmaya apajuímtai aina duka Astarté dakumka najanamua nujai utsagtajum! ¡Dutikajum ima Tuke Pujuu takagsatajum! ¡Nuniakjum ima nigki ememattajum! Dutikagmin nii filisteo waitkagmaina nunak agkanmitkagmawagtatui”, tiuwai.

(1 Samuel) 7:3 Iomraidhean Croise

(Génesis) 35:2

Tusa tima Jacob niina nuwe aidaun, uchiji aidaun, niina aentsji aidaujaí ijumag chichajak: “Atumi apajuímtaijum dakumka najanamu ajutjamaina duka ashí utsagtajum, dutikajum maijum tikich jáanch nugkugtajum.

(1 Reyes) 11:33

Salomógkak minak dakitjuje, nuniak nuwa Astarté dakumka najanamun yaakat Sidógnumia aidau emematin aina nuna, nuigtu Quemós Moab aents aidau ememattai aina nuna, nuigtu Milcom amonita aents aidau emematin aina nunashkam emematui. Nuadui niina takatjig mina shiig awajtatsui. Niina apaji David mina chichameg umiktin agagbau aidaun umikua dutikag niig umikchae.

(1 Reyes) 8:48

Tuja shiwag aidau achija yajuakam tikich nugkanum batsamas, juju yaakat Jerusalén ame etegkamua nuni ayampawag, tuja juju jega ame emematku ijuntai atinun wi jegamkag juni ayampawag pujusag dita anentaijai, wakanijai segapainakuig,

(2 Reyes) 23:15

Nuna dutika ukuak, yaunchuk Nabatan uchiji Jeroboam, Betelnum wainka apajuímtai ememattinun umikmatai, nuna Israel aents aidaun emematmikak tunamitkajua nunashkam tsaika yuku awajus jinum apeauwai. Tuja tikich wainka apajuímtai Asherá dakumka najanamu aajakua nunashkam apu Josías apeauwai.

(Isaías) 55:7

Pegkegchaun takau aina duka nuninun wekaetutsuk idaisati, tuja pegkegchaun anentaimtin aina dushakam nunak idaisatnume. Ataktu wakitkijum Tuke Pujuu tsagkugkagtina nuwi minitajum, nuniagmin nii wait anenjamjagtatui.”

(Jeremías) 36:3

Judá wegantu aidaun wi suwimka susatasan umijag nuna antukag, pegkegchaun takaina nuna idayinakuig, dita tudaujinak tsagkujagtatjai”, tiuwai.

(Ezequiel) 18:31

Atum pegkegchau takajum duka ashí idaisatajum. Nuniakjum shiig anentaimat, yamajam pujut jukitajum. Nunú nuniakjumek makichkish jakashtatjume.

(Oseas) 14:1

Oseas Israel aents aidaun chichajak: “Israel aents aidauwah, atumi pegkegchaujum wagagtamkimtai, kakaumainchau wajasjum batsatjum nunú idaikujum ataktu atumi Apajuíjum, Tuke Pujuuwai minitajum. Nuniakum juju aatsajum Apajuí segatajum: ‘Apajuíjuh, amek pegkejaitme, nuadui wait aneasam iina tudaujish tsagkugkagtugta, dutikawamin ii ame emematku kantabauwa nunú amina shiig awajtamkati.

(Evangelio según San Mateo) 15:8

“Ju aents aina juka weninig eme anenjuinawai; tujash anentainig atushat minaig ainawai.

(Evangelio según San Mateo) 4:10

Tama Jesús ayaak: —¡Wetá Iwanchih! agagbau awai: “Amina Apujum Apajuiya duke emematta, nuniakum imá nigki umigkata” tawai, tiu.

(Evangelio según San Mateo) 6:24

“Makichik inakak jimag apun takagnuk amaitsui; wagki tikichin dakitak, tikichnak aneemainai, nuniachkush tikichin eme anentus diyak, tikichnak junik diimainai, nunin asamtai Apajuí umigkata tu, wiyakchameatasa anentaimtu wajamaitsui.

(Evangelio según San Lucas) 4:8

Tama Jesús ayaak: —¡Wetá Iwanchih! agagbau awai: “Imá amina Apujum Apajuiya duke emematta, nuniakum imá nigki umigkata” tawai, tiu.

(Evangelio según San Juan) 4:24

Apajuik Wakani, nunin asamtai niina emematuidauk, wakan tawa dutiksag dekaskenum emematmain ainawai, tau.

(Deuteronomio) 10:20

Tuke Pujuu atumi Apajuígmia duke ememattajum, nuniakjum ima nigki umigkatajum. Tuja atum umiktina nunú dekas takugmek ima Niina daajinig titajum.

(Deuteronomio) 13:4

Tuke Pujuu atumi Apajuíjiya duke nemagkujum ajaantusjum diitajum. Nuniakjum chicham umiktajum tusa tujamauwa nunú betek umigkatajum. Niina chichame antugkajum umigkatajum, nuniakjum ima niiyaig sumitkau atajum.

(Deuteronomio) 4:29

Nunika tikich nugkanum batsamsajum waitiakjum, Tuke Pujuu atumi Apajuíjiya nunú, ashí anentaimijai, wakanmijai segaakjum antujam atinaitjume.

(Deuteronomio) 6:13

¡Tuke Pujuu atumi Apajuíjiya duke ememattajum! ¡Nuniakjum ima nigki eme anentsajum umigkatajum! ¡Tuja atum umiktin dekas takugmek ima Apajuí daajinig titajum!

(Josué) 24:14

“Nunú ashí anentaimtusjum Tuke Pujuu eme anentsa emematkujum dekaskenum umigkatajum. Tuja yaunchuk atumi muunjum aidau namak Eufratesa amain etsa minitaiya nuni batsamas ditá apajuímtai aidaun emematujaku aina duka idaisatajum. ¡Nunikjum ima Tuke Pujuuk umigkatajum!

(Josué) 24:23

Tusa tiagtai Josué ditan chichajak: “Nunú takugmek anú wainka apajuímtai aidau atum pujamunum ayá nunú utsagtajum. Dutikajum Tuke Pujuu atumi Apajuíjum, atumi anentaimijai ememattajum”, tiuwai.

(Jueces) 2:11

Israel aents aidaun uchiji aidauk Tuke Pujuu diismak shiig pegkegchaun takajaku ainawai. Nuniau asag wainka apajuímtai Baal aajakua nuna emematujaku ainawai.

(Jueces) 2:13

Aatus Israel aents aidauk Baal, Astartéjai dakumka najanamu aidaun emematuinak Apajuí ememattanak kajimatki idaisajui.

(1 Samuel) 31:10

Nuna dutikawag duwi pujus Saúla maanitaiji aidau yajuakbaun ditá apajuímtaiji Astarté jegagkamunum awayawajui. Tuja niina iyashinak, uchiji iyashi aidaujaí jukiag yaakat Bet-san tutai peejamunum nuwi nenajag idaisajui.