(1 Samuel) 4:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Dutikam Israel aents aidau waketug ditá aakjin jegawagmatai, apu aidau ditan iniinak: “¿Wagka Tuke Pujuush iinash filisteo aents aidau ijinatnume tusash idaitamsae? Dekas yaakat Siló shiyakagmi, nunikaja arcanum chicham umiktin agagbau egketa nunú utiagmi. Dutika ajin Tuke Pujuu iinash ayamjutpakti”, tuidau.

(1 Samuel) 4:3 Iomraidhean Croise

(2 Samuel) 15:25

Dutikawagmatai David sacerdote Sadokan chichajak: “Chicham umiktin agagbau egketu arca Apajuínua duka yaakat Jerusalén awagkitajum, wagki Tuke Pujuu mina wait anenjakug Jerusalén ataktu awagtuktatui, dutijakui juju chicham umiktin arcanum egketu ukuktatag duka Niina aakjinig aun ataktu wainmainaitjai.

(Isaías) 50:1

Nuigtushkam Tuke Pujuu chichaak: “Israel aents aidauwah, wika atumin egaknush wainkachmaijime. Untsukmaijime, tujash aigkashmaijume. Wika atumnak pachitskek idaisachuitjime; tuja mina diwig akikmaktinun kuichkin jukitag tusankesh wainka inaku waitkatai atinme tusanuk sujukchabiajime. Wika atumi tudaugmin idaisabiajime. Tujash atum waitu batsatjum nuna jiiki uwemtikmainuk mina senchijuk ajutui. Aents patayi jakamtai, jáanch bukusean nugkuwama numamtuk nayaimpinak wi bukuseayai dukukan idaijai. Tuja nayants, nuigtu namak aina nunú kuyuatag takug wi nunikti tusan machikiuch tamawaitak kuyumainai. Nunik yumi buku wajasmatai, namak aidau jinaa kaukti tusa nunak nunimainai”, tiuwai.

(Isaías) 58:3

Tusa tayatkujum: ‘¿Wagkaik wainkaish Apajuí waipatsu nuniaish ijagmash pujutji? ¿Wagkaik ijagmaish waitush wekaetaji Apajuí waipatsu nuniaish?’ tajume. Tau asajum atumek ijagma pujusa Apajuí segatia nunú tsawantin waji sujakjum, atumi takagtamin aidaushkam shiig akitsuk kasagjume.

(Jeremías) 7:4

Waita jintinkagtin aidau chichagtamainak: ¡Jega Apajuí emematku ijuntaig jujuwai, tusa ujapainakuish, duka antugkaigpa!

(Números) 10:33

Aatus muja Sinaínmaya juwakiag kampatum tsawan jegawajui. Nunik shimak chicham umiktin agagbau egketun arcan Leví wegantu aidau yanaki jukiag eemak wedau, tuwig yujagkim jasa asat, nuwi ayamsagtin asag.

(Números) 10:35

Tuja chicham umiktin agagbau egketun yanaki juwagtai Moisés chichaak: “¡Tuke Pujuuwah, pai nantakta! ¡Nunikam amina shiwaajum aidau dapampaakam utsagta! ¡Dutikawamin nuna diisag amina kajegtamin aina duka ishamjamkag pisagtinme!” tau.

(Deuteronomio) 31:26

“Juju chicham umiktin agagbauwa nunú jukijum Apajuí chichaman atumjai umikua nunú agagbau egkeamu arca puja nuwi ayauntsa apusatajum. Juju agagbauwa nunú atum Tuke Pujuu atumi Apajuíjum umigchakjum waittsatnaitjum nuna anemtijamjatnai.

(Segunda carta de San Pablo a Timoteo) 3:5

Apajuin shiig puyatjus umigna iman iwainmabiagtinai, tujash dita wajuk pujuinawa nu iwainatnai dekaskechua nuna. Aents nunin aina duka tupanjata.

(Carta a los Hebreos) 9:4

Nuanuig altar kugkuin incienso patai apetai ayatak orok najanamu aajakui, nuigtú kajun arca Apajuijai chicham apakbau ayatak orok epekbau aajakua nunú. Nunú arcaya nuna initken egkemajakui Aarogka ushujutaiji jeekú aajakua nu, chicham umiktin kayanum agagbauwa dushakam, nuigtú makichik ichinkauch ayatak orok najanamunum maná chimpiamu aajakua dushakam.

(Josué) 4:7

atum ayaakjum: ‘¡Chicham umiktin agagbau egketun arcan sacerdote aidau yanaki jukiag namak Jordágnum wajawagmatai, namak jimaituk kanaka buku wajasbaunum ii katiajuitag nuna anemtijamjatin auk ijumjamui!’ titinaitjume”, tiuwai.

(Josué) 6:6

Tusa tima Josué sacerdote aidaun untsuka ijumag chichajak: “Atum chicham umiktinun Tuke Pujuu amasbau egkeamu arca yanaki jukijum Jericó tenteajum wetajum. Untsu atuminia siete aents aidau maki makichik uwija kachujin takus emkatnume”, tiuwai.

(Primera carta de San Pedro) 3:21

Nunú yumia duka yamimainag nuna iwainawai, nu aaja nuniaku yamai uwemat juinag nu. Yamimamuk iyashnak pegkeg ematsui, ayatak anentaimtajuish pegkeg Apajuí emtinish atajai tabauwa nuuwai; duka Jesucristo nantakiuwa dui uwemnawai,

(Carta de San Judas) 1:5

Juka atumek dekagminig aneemtikjime, Apu Apajuí niina aentsji Egipto nugkanum batsatun jiijui, dutikauwaitak niiní dekaskeapi tuinachunak ijinauwai.

(1 Samuel) 1:24

Nunikmatai Ana uchijin juki yaakat Silónum Apajuí jee pegkegmanum emauwai. Tuja nuigtushkam makichik toro tsakatan kampatum mijan ajamun, trigo veinti dos kilo, nuigtu duwap apagbaunum vinon yajaa aimak, aatus yajuak weuwai.

(1 Samuel) 14:18

Nunikmatai Saúl Ahíasan chichajak: “Chicham umiktinun Apajuí amasbau egketa nunú arca itaata”, tiuwai. Nunak tiuwai wagki chicham umiktinuk tikich yantamnum au asamtai.

(1 Samuel) 4:2

Nuwi batsamas filisteo suntag aidau Israel aents aidaun jetekajui. Dutikawag maaninamunum filisteo aidau Israel aents aidaun depetuk cuatro mil aentsun ijinawajui.