(1 Samuel) 2:2 - Awajún: Apajuí chichame pegkejam Porciones del Antiguo Testamento y el Nuevo Testamento

² ¡Tuke Pujuuwah, ame pegkegmaitam imanuk tikichik atsawai! ¡Ame jutii Apajuíji asam kuitamkagtam, imatikas kuitamkagtauk tikichik makichkish atsawai! ¡Amina nagkaetamsauk tikichik atsawai!

(1 Samuel) 2:2 Iomraidhean Croise

(2 Samuel) 22:3

Ametme mina Apajuígmek, ametme kaya muunnum uumka ejamtayama imanmek, ametme mina ejamaka uwemtaijuk. Ametme senchimek, mina uwemtijinmek; amek dekas shiig yakí, mina uumka uwemtaijuitme. Amek dekas shiig yakí mina ejamataijuitme, ametme mina uwemtijin. ¡Aents magkagtin aidau mantuatag tuinakuish, ame minak ayamjutkabiume!

(2 Samuel) 22:32

Tuke Pujuuwah, ima ameketme Apajuímek. Ame kuitamkagtinaitam imanuk tikichik atsawai.

(2 Samuel) 7:22

Tuke Pujuuwah, ¡amek dekas shiig múuntaitme! Yaunchuk iina muunji aajaku aidau ujapayanum nunú yamai dekas ii antaji, wagki tikichik amejai betek amainuk makichkish atsawai. Tuja wainka apajuímtai aina dukesh amea ibauk makichkish atsawai.

(1 Reyes) 8:23

Nunik wajas senchi chichaka Tuke Pujuun segaak: “¡Tuke Pujuuwah, ametme Apajuí Israel aents aidauti ememattaimek! Tuja ame chichakbaujum betek uminaitam imanuk tikichik nayaimpinmash, nugkanmashkam atsawai. Aents aidau amina dita anentain umigtamaina duka shiig anennaitme.

(Salmos) 73:25

¿Amina nagkaetamsaush tikichish nayaimpinmash ya pujawa? Duka atsawai, ima ameketme. Amejai pujaknuk juju nugkanmaya aidaunak makichkish wakejumaitsujai.

(Salmos) 89:8

Tuke Pujuu ashí senchigtinuh, ame senchigtinum chichakbaugmek betek uminaitam imanuk tikichik makichkish atsawai.

(Éxodo) 15:11

“¡Chah, Tuke Pujuuwah! ¡Aents aidau apajuímtaiji aina duka kuashtai! ¿Tujash amejai betek amainush tikichish aintash? ¡Ima ameketme pegkejam muunmek! ¡Ameketme ashí senchigtinmek! ¡Ameketme wainchatai aidau ishamain iwainam ibaumek! ¡Ameketme ememattaimek!

(Isaías) 40:18

Atumek Apajuík makichkish tikichjai apatkagmek diimaitsugme. Dakumka najanamu aina dukesh Apajuíjai betek amainuk makichkish atsawai.

(Isaías) 44:6

Tuke Pujuu, Israel aents aidaun apuji, Israel aents aidaun uwemtikin, Tuke Pujuu ashí senchigtina nunú chichaak: “Witjai nagkamtinish tuke pujuunuk, tuja atakea duish tuke pujutnaitjai. Tikich Apajuí mina nagkaetasuk atsawai.

(Isaías) 44:8

¡Makichkish ishamkagtukaigpa! Yaunchuk nagkamsan emtikan junak ujakuitjime. Duka atumek shiig dekagme, tikich Apajuík wijai betekak makichkish atsawai. Tikich Apajuí atumin kuitamjamainuk atsawai. Wika tikich Apajuínak waintsujai.

(Isaías) 6:3

Tuja dita chichainak: “Tuke Pujuu ashí senchigtina duka shiig pegkegmai, tuja niina imanjiya nunú ashí nugkan jajutua awai”, wajagmayi.

(Levítico) 19:2

“Israel aents aidau juju ujakta: “¡Wika Tuke Pujuu atumi Apajuígminuk pegkegmaitjai, nuadui atumshakam pegkejam atajum!

(Carta de San Pablo a los Romanos) 15:4

Wagki yaunchuk Apajuí chichame agagbauwa nuwi agakbauwa duka, jutiin jintinjamatin asamtai agakbauwai. Nunú chichama nujai ichichmamku, ebetmamsa pujamunum Apajuí dakamuk ajutkagtawai.

(Carta de San Pablo a los Romanos) 4:8

¡Shiig aneasagtinai Apu Apajuí nu aents aidau tudaujin anenjachbau agtina duka!”

(Deuteronomio) 32:20

Nuadui Apajuí chichaak: “Atumek aents pegkegchau ainagme. Atumnak kajittsa diimainchau dekapeajime. Nunin asagmin atumnak nuigtuk yaigchattajime. Wajukatagmek nuna dakastajime.

(Deuteronomio) 32:39

Ima Wikitjai Apajuínuk. Tikich Apajuík makichkish atsawai. Witjai pujuta sukagtinnuk, tuja wikitjai pujuta ataínnuk. Witjai suwimka sukagtinnuk, tuja wikitjai tsagkugkagtinnuk. ¡Mina suwimkajua nuna uwemtumainuk makichkish atsawai!

(Deuteronomio) 32:4

Niyai iina kuitamjamnuk. Nii takamujiya duka betek uminnai. Niig Apajuí dekaskenum chichauwai. Niig pegkegchaunak takachui. ¡Niig pegkegmai, tuja nuigtush waitjuchui!

(Deuteronomio) 4:35

Nunak dutikauwai Tuke Pujuu senchigtina imanuk, tikich Apajuík shiig atsa nuna ashí aents aidau dekatnume tusa.

(Deuteronomio) 4:39

“Nuniau asamtai Tuke Pujuu Apajuí nayaimpinash, nugkanash apujiya nunú shiig antukjum kajimattsuk aneaku atajum. Wagki Apajuíya imanuk tikichik atsawai.

(Primera carta de San Pedro) 1:16

wagki agagbaunum: “Wi pegkejam asamtai, atumshakam pegkejam atajum”, tawa dui.