(Primera carta de San Pablo a Timoteo) 6:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ nuigtushkam inagnamainchaun jiyanitú yujainawai, aents pegkegchaunak anentaimtin dekaskea nuna dekachu asag, Apajuí pachisa chichamunum wiyakchameautia nuninun anentaimainawai. Aents nunin aidauk tupanjata.

(Primera carta de San Pablo a Timoteo) 6:5 Iomraidhean Croise

(Ezequiel) 33:31

Nunik kaunawag ame chichamun antukagtatus tuke nunin asag, aminí ayaumas pekajui. Amek dita diismak aents kantamtan yacha pegkegchin anenkan kantamnujai betekaitme, ditak senchi wakegainawai ame chichamun antukagtatus. Tujash ditak kuichkin ima puyatjuinawai. Nunidau asag ame chichamunak antugtamainayatak uminatsui.

(Evangelio según San Mateo) 12:33

“Numi pegkejak, pegkegnak nejeawai; tuja ajak pegkegchaushkam, pegkegchaunak nejeawai. Nuadui ajakak niina nejenig dekataiyai.

(Evangelio según San Mateo) 21:13

dutika: —Agagbau awai: “Mina jegajuk, Apajuí aujku ijuntai tutai atinai” tawai; nuniaig atum kasá batsamtai emaugme, tiuwai.

(Evangelio según San Mateo) 23:13

“¡Wait anentajime atumnak, maestro chicham umiktinun jintinkagtin nuigtú fariseo aidautigminak tsanumin asagmin! Wagki Apajuí inama nui wayawainum tusa epetjume, atumkesh wayachiatkujum tikich wayata tuidaush idaitsugme.

(Primera carta de San Pablo a los Corintios) 11:16

Juna pachis makichik aentskesh jiyanitkata tuidauk dekamain ainawai, jutii aidautikesh, nuigtú iglesia Apajuinu aina dukesh tikich nunimain unuimatjamu atsujuina nuna.

(Segunda carta de San Pablo a los Tesalonicenses) 3:6

Yatsug aidauh, iina Apuji Jesucristo daajin tajime, ashí yatsut aidau takatsuk wainak batsataidauk tupanjatajum, jutii jintintuabiajim nunisag pujuinatsu nunú aidau.

(Primera carta de San Pablo a Timoteo) 1:6

Tujash ujumak aents nuna idaiyinak, kanakag wainak chichá yujainawai.

(Primera carta de San Pablo a Timoteo) 3:3

nampeta wekaetuchu, wainak shinú wekaechau, kuichkinak anentaimtú wekaechau, shiig awajkagtin, kakagchauch amainai,

(Primera carta de San Pablo a Timoteo) 3:8

Nunisag diácono aidaushkam ajantusa diitai amain ainawai, waitjus chichachu, nampeta wekaetuchu, takat pegkegchau aina nujai kuichkijinatatus wakegá wekaechau;

(Primera carta de San Pablo a Timoteo) 4:7

Wainka augmattsamu aidau nuigtú jumamtin augmattsamu aina dusha dakitjata, nuniakum Apajuí puyatjusa umigtanum kakanmamjata,

(Primera carta de San Pablo a Timoteo) 4:8

wagki iyash pegkeg atí tusa takamtikamua duka machik yaijatui, untsu Apajuí puyatjusa umigku takaamua nuuwai ashí wajiinum yaijata duka, wagki anagkagtuamua duka yamai pujag juigkechui atak atina imanuiyai.

(Primera carta de San Pablo a Timoteo) 6:6

Tujash shiig muun juamua duka Apajui puyatjusa umigku iinu ajutkagta nujai shiig aneasa pujamua nuuwai.

(Segunda carta de San Pablo a Timoteo) 3:5

Apajuin shiig puyatjus umigna iman iwainmabiagtinai, tujash dita wajuk pujuinawa nu iwainatnai dekaskechua nuna. Aents nunin aina duka tupanjata.

(Segunda carta de San Pablo a Timoteo) 3:8

Janes Jambresjai Moisesan utugchatan aputusajua nunisag, nunú aents aidaush dekaskea nu etsegbaunum utugchatan apujuinawai. Ditak anentaimtajinig besekú, dekaskeapi tabaujinish tuke megkaegak megkaejau ainawai.

(Carta de San Pablo a Tito) 1:11

Nunú aents aina duka itatmitkaktajum, jintimainchau ainayatak kuichik jukitag tabaunum makichik jeganum ashí batsata nunak, tumainchaun jintintuinak pachimjú yujaidau asamtai.

(Segunda carta de San Pedro) 2:15

Ditak pegkeg takatnak idaisag, Balaam Bosora uchijí nunikua nuna wejuinak dewakaje, duka pegkegchau takaamujin akiam atatus wakegajakui,

(Segunda carta de San Pedro) 2:3

Kuashat kuichik ajuttí tabaunum waitá jintinak jujutjabiagtinai; tujash dita bakumatna duka yaunchuk nagkamas umigkamui, dutikamu asamtai dita megkaekatna duka dakas ajawai.

(Carta de San Judas) 1:11

¡Wait anentuinajai ditanak! wagki Caín wajukauwa numamtuk wajaidau asagmatai, nuigtú Balaam wajukauwa nunisag kuichik jukita tabauwai pegkegchau takaina duwishkam, aantsag Coré ni chicham intimtinig jakauwa nuniktin asagmatai.

(Apocalipsis) 18:13

nuigtú canela, kugkuin aidau, incienso, mirra, olíbano, vino, aceite, harina dekas pegkeg aidau, trigo, bestia aidau, uwig aidau, caballo carro japitai aidau, nuigtú inatai aidau, aents aidaushkam, aajakajui.

(Apocalipsis) 18:3

Wagki ashí nugkanmaya aidauk vino nuwa pegkegchau takaamua nunak uwajaje; nuigtush rey nugkanmaya aidaush nu nuwajai takanisaje, wají sujin nugkanmaya aidaushkam nunú nuwa senchi wakejamujiya nuna suwinak wiyakchameawaje”, timayi.