(Primera carta de San Pablo a Timoteo) 6:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Nigkiyai jachauwa dushakam, tsaaptin adigmainchaunum pujuwa nu, makichkish wainchatai nuigtush wainmainchauwa nu, niina senchijish, ni inabaujish tuke atina nu ememattai atí. Aatus atí.

(Primera carta de San Pablo a Timoteo) 6:16 Iomraidhean Croise

(Salmos) 104:2

Amek dekas tsaaptin ijimakume. ¡Ame nayaimpia duka jáanchjai betek ejauwaitme!

(Salmos) 90:2

Tuja muja aidaush najaneatsaig, nugkashkam najaneatsaig, yaunchuk nagkamsam, yamaya juish, tuja atakea duishkam ameketme Apajuímek.

(Éxodo) 3:14

Tutai Apajuí ayaak: “Mina daajuk: ‘Tuke Pujuuwai’ Juju mina aentsug aidau ujaakum: ‘Tuke Pujuu’ minak atuminig awetime, titatme”, tiuwai.

(Éxodo) 33:20

¡Tujash amek mina niimjuk wainkashtatme, mina waitkauk makichkish iwakuk pujumaitsui!” tiuwai.

(Habacuc) 3:4

Winchamtinnum egkemak minawai, niina uwejenia chaajip keeka jiinui, nuniak niina senchiji uumak aunash iwainawai.

(Evangelio según San Juan) 1:18

Apajuinak makichik aentskesh tuke wainkachu ainawai, ni Uchijí makichkiuch Apajijai ijunag pujuwa nunú dekamtijamauwai.

(Evangelio según San Juan) 14:9

Tama Jesús ayaak: —Felipeh, kuashat tsawan atumjai pujag nuniaigkik, ¿eke waittsum? Mina waita duka, Apagnashkam wainui, nuniaish; ¿wagka Apa iwaintugkata tame?

(Evangelio según San Juan) 6:46

“Nunak makichik aentskesh Apajun wainkau asa nuniatsui, ya Apajuiyai pujau tauwaita duke Apagnak wainkauwai.

(Evangelio según San Juan) 8:58

Tama Jesús ayaak: —Dekas tajime, Abrahamash akiintsaig, tuke pujuwaitjai, tau.

(Carta de San Pablo a los Efesios) 3:21

¡Apajuí emematiagmi iglesia aidautik Cristo Jesusa, sujamsau asamtai, nigki ajumaish tuke ememattai atin atí! Aatus atí.

(Deuteronomio) 32:40

Mina uwejun nayaimpinum takuajai, nunikan wika Tuke Pujuu asan, wi dutikatnujun pachisan tajai.

(Carta de San Pablo a los Filipenses) 4:20

Apajuí iina Apajiya nu, nigki tuke ememattai atí. Aatus atí.

(Carta de San Pablo a los Colosenses) 1:15

Wagki niiyai Apajuí wainmainchauwa nuna niimen iwaidauk; niiyai iwai, ashí wají aina nu eke najannatsaig pujujakú asa.

(Primera carta de San Pablo a Timoteo) 1:17

Nuadui Rey tuke puju, jachau, wainchatai, Apajuí makichkiuchia duke eme anentsá ajumaiya duish tuke ememattai atí. Aatus atí.

(Carta a los Hebreos) 13:8

Jesucristuk yauwa duish, yamaiya juish, atakea duishkam tuke nuninuk atinai.

(Carta de San Santiago) 1:17

Ashí pegkeg wainkauch juamu nuigtú ashí don pegkeja duka yakiya taawai, iina Apají nayaimpinmaya etsantin aidaun najankauwa nuiya; nunú aidau yapajinin nuigtú bushapau weena nigka nuninchauwai.

(Primera carta de San Juan) 1:5

Jujuwai chicham Jesucristo jintiamu antukuitag duka, nunú etsejuinaji, Apajuik shiig tsaaptinai iman asamtai niinig makichkish suwek atsuwai.

(Primera carta de San Juan) 1:7

tujash jutiish ni tsaaptinnum puja nunisaik pujakuik, niijai betek tikich aidaujaish shiig anendaisa pempeentunisaik ijutkau amainaitji, nuniajin Apajuí niina Uchijí Jesucristo numpega nujai ashí iina tudaujinash nijatjamag esakatjamui.

(Primera carta de San Juan) 4:12

Makichik aentskesh Apajuinak tuke wainkachu ainawai, tujash pempeentuniki aneeniajinig Apajuí jutiijai awai, nuniau asa ni anenkajinak aan nagkaemas jutiiní iwainakui.

(Carta de San Judas) 1:25

Apajuí makichkiuch, niina Uchijí iina Apujiya nuna awetugma uwemtijamjauwa duke emematiagmi, imá nigki senchigtinuk, yamaiya juishkam, atakea duishkam tuke atina nu. Aatus atí.

(Apocalipsis) 1:6

dutijabau asa jutiinash rey aidau etamak nuigtú Apajuí niina Apajiya nuna sacerdoteji aidau etamkajui; nuadui imá nigki ashí senchigtina nunú, ajumaish tuke ememattai atí. Aatus atí.

(Apocalipsis) 1:8

Witjai nagkamtinish tuke pujusunuk, atakea duish tuke pujutnunuk tawai Apu Apajuí ashí senchigtin, tuke pujuu, nuigtush tuke pujujakú, jui taatna nunú.

(Apocalipsis) 21:3

Nuniamunum nayaimpinmaya senchi untsumun antukbaijai, nuniak: “Juajui aents aina duka Apajuijai ijunag pujustatui, nigka ditajai pujustatui. Nunitai dita niina aentsji agtinai, Apajuiya duke ditá Apajuiji atinai.

(Apocalipsis) 22:5

Nu yaaktanmag kashik atsutnai. Lámpara ekemaktasaikish atsumnashtinai, aantsag etsashkam atsumnashtinai, wagki Apu Apajuí tsaaptin emau asamtai, nunikmatai nui batsamas tuke inamá batsamtinai.

(Apocalipsis) 4:11

“Apuh, iina Apajuijiya ameketme ememattaim, nuigtush eme anentai, nuigtushkam senchigtinaitam ibau asam. Wagki ame ashí wají aidauk najankauwaitme, dutikamu asag ame wakejusam najankauwaitam nunisag, ame wakegamunmag ainawai”, awajiagmayi.

(Apocalipsis) 7:12

“¡Aatus atí! Emematbau, niina imanjiya dushakam, yachajishkam, see tutai, eme anentsá diitash, senchijish, ichichmamta dushakam imá Apajuinuk atí, ajumaish tuke ememattai atin atí. ¡Aatus atí!”, wajagmayi.