(Primera carta de San Pablo a Timoteo) 6:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Tujash amek, Apajuí aentsji asam, ashí jujú wají aina duka takasaipa, nuniakum pegkeja duke takastá, Apajuí puyatjusa umigta nu, dekaskeapi tabau, anentak, waitiakmesh katsunjá pujakum imagnisa pujustá.

(Primera carta de San Pablo a Timoteo) 6:11 Iomraidhean Croise

(1 Reyes) 17:18

Nunikmatai nunú nuwa Elíasan chichajak: “¡Elíasah, Apajuín inakegah! ¿Wisha aminash itugkamu asamea suwimak sujakmesh mina uchijush mantugtame?” tiuwai.

(1 Reyes) 17:24

Tusa tama nunú nuwa ayaak: “Yamai dekajai, amek dekas Apajuí etegkamuitme. Tuja ame tame duka ¡dekaskea nu Tuke Pujuunmaya tame!” tiuwai.

(2 Reyes) 23:17

Nuna dutika chichaak: “¿Aush waji dakumka najanamuita?” tau. Tutai, betelnumia aents aidau ainak: “Ame yamai betelnumia aents aidau dita apajuímtaiji aidaun emematuinak, kuntinun pataidiag apen aina nunú tsaigkaum dutikatnun, chichama etsegkatatus Judánmaya tauwa nunú jakamtai ukusbauwai”, tiajui.

(2 Reyes) 5:20

Eliseo inake Guehazí anentaimas: “Naamán sirianmaya aentsua nunú susatag tama mina apug Eliseo dakitug awagki nunak dekas wi wamak pataetukan amaigkan wajinak segainja nuna segatjai. Tuja nunak Tuke Pujuush waitai umiktajai”, tiuwai.

(Salmos) 34:14

Pegkegchau takat aina duka idaisata, nunikam pegkeja duke takasta; nuniakum kakanmamsata maak agkan pujutnum.

(Proverbios) 15:9

Tuke Pujuuk aents pegkegchau aina nuna pujutjinak dakitawai, untsu ya tudaun tupantug pegkejan takak pujawa nuna aneawai.

(Carta de San Pablo a los Romanos) 14:19

Nuniau asamtai ashí tikich aidaujaish shiig agkan pujuta nu egakagmi, nuninaku pempeentunisaik Apajuinu dekatnum yainikagmi.

(Primera carta de San Pablo a los Corintios) 10:14

Nuadui aneetaig yatsug aidauh, apajuimtai dakumkamu aina duka tupanjatajum.

(Primera carta de San Pablo a los Corintios) 14:1

Anentak ajuttí tusajum kakanmamsatajum, nuniakjum imá senchi wakeetajum Apajuí anenjauch wakannumian sujustí tusajum, tujash imá senchi Apajuí tabau etsegtuta nunú.

(Primera carta de San Pablo a los Corintios) 6:18

Tupanjatajum ashí pegkegchau iyashnum takanitai aina nu. Ashí tikich tudau aina duka iyashnak imatikag pegkegchauk ematsui, tujash nuwá tsanijima duka niina iyashinak tudau takajak nuniawai.

(Deuteronomio) 33:1

Apajuí inake Moisés, nii jakatnuji jegamtai pujusa, Israel aents aidaun pegkegnum yumigkiak,

(Primera carta de San Pablo a Timoteo) 1:14

Tujash iina Apuji anentag wait anenkagta nu minaig imá kuashat ajuttsauwai dekaskeapi tabauwa nujai, nuigtú Cristo Jesusai anentak awa nujai.

(Primera carta de San Pablo a Timoteo) 4:12

Datsauch asam makichkish imanchauch diyam aipa, nunitsuk Apajuí nemajin aidau iwaintukta ame chichaamujum, ame wajuk pujame nu, ame anejatbaujum, dekaskeapi tabaugmesh, nuigtush tudau antiakchau pujakum.

(Primera carta de San Pablo a Timoteo) 5:10

pegkeg takaamuji aidaush waitujakbau, uchijí aidaunash shiig tsakapaku aajakú, jeen minidaunash shiig anentus ju wajakú, Apajuí aentsji pegkejam aina nunash nawen nijatú wajakú, waituidaunash yaijakú nuigtush ashí pegkeg aidaunak takajakua nu.

(Primera carta de San Pablo a Timoteo) 6:20

Timoteoh, takastá tibauwaitam nu shiig kuitamkam takastá. Nuniakum nugkanmaya wají aidaun wainak augmatuina nu, nuigtú tsanumainak dekaskea nu dekainaji tuina dushakam antugkaipa,

(Segunda carta de San Pablo a Timoteo) 2:21

Nuadui, makichik aentskesh Jesucristo atsumtai atatus wakegakug ju wají aina nuna shiig idaiyas pujumainai, takatai aidau pegkeg aina ibau wajasá, nunitai Jesuschakam oro najanamun apu takauwa numamtuk niinashkam takat pegkegnum apusatnai.

(Segunda carta de San Pablo a Timoteo) 2:22

Datsa asá iyashnumia senchi waketai aina duka ukuktá, nuniakum pegkeja duke takastá, dekaskeapi tabauwa nu, anentak, nuigtú agkan pujuta nu, ashí anentai pegkeg aidau Apu Jesusan umijuina nujai.

(Segunda carta de San Pablo a Timoteo) 3:10

Tujash amek mina jintinkagtutaijua nu, mina pujutjua nu, wi takastasan anentaimtutaijua nu, dekaskeapi tutaijua dusha, wi waugtuchuitag nu, mina anenkag, utugchat katsuntanmash senchitag nu imatiksamek unuimajuitme,

(Segunda carta de San Pablo a Timoteo) 3:17

Apajuí aentsji imagnis pujú ashí takat pegkeg aina nu takatnash shiig dekau atí tabaunum.

(Carta a los Hebreos) 12:14

Ashí tikich aidaujaish shiig agkan pujustasajum kakanmamsatajum, nuniakjum pegkee pujustajum, wagki nuna nuniachuk makichkish Apu Jesusnak wainkashtin ainawai.

(Primera carta de San Pedro) 3:11

Pegkegchauk tupanjata nuniakum pegkeja nu takastá, agkan pujuta nu egaktá nuniakum duke wejitá.

(1 Samuel) 2:27

Tuja nunú tsawantin Apajuí chichame etsejin Elín ijagsatatus jegajuauwai. Nunik jegajua chichajak: “Amina apachjum aidau Egipto nugkanum faraógka inaku waitkatai batsatun wi mina senchijun ditan iwaintukuitag nuna dekati Tuke Pujuu tujamui.

(1 Samuel) 9:6

Tusa tama nunú inak ayaak: “Juju yaakta juwi makichik aents Apajuí chichame etsejin pujawai, nunak nii tibau betek uminu asamtai, ashí aents aidau eme anentus diin ainawai. Nunú jegajua iniasmi, tuwig burrosh batsatua nuna ujapakchaintash”, tau.