(Primera carta de San Pablo a Timoteo) 5:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Tujash nuwa waje iyashí wakegamun takaa puja duka, iwaaku pujakush jakauwa numamtinai.

(Primera carta de San Pablo a Timoteo) 5:6 Iomraidhean Croise

(Génesis) 2:17

Untsu yujág pegkeg, pegkegchaujai dekatai ajá ejapeen waja duka yuwawaipa, nunú yuwakmek dekas jakattame”, tiuwai.

(Evangelio según San Mateo) 8:22

Tutai Jesús ayaak: —Amek nemagtukta, idaisata wakanin jakau aina nu jakau aidaunak ukustinme, tiuwai.

(Evangelio según San Lucas) 12:19

nunikan umikan: Kuashat mijanai yumain wají aidaunash nuwig ijumjan, nuanui jegá pujusan ayamkun shiig yuwakun, umutainash umakun shiig aneasan pujustajai’, tiuwai.

(Evangelio según San Lucas) 15:13

Dutikam dukap tsawan atsuk, uchi ekeuwa duka ashí ni wajiijinak ijumag juki apajinak ukuak, tikich nugkanum atushat weuwai. Nunik nui pujus pegkegchaunum wekaegak, wajiiji aidaunak wainak ashimkauwai.

(Evangelio según San Lucas) 15:24

wagki juka mina uchijuk jakau aajakui, tujash yamaik iwaaku wakitki tae; megkaekau aajakui, tujash yamaik wainkaji’. Tusa timatai fiestamtan nagkamawajui uchijí tajuam shiig aneak.

(Evangelio según San Lucas) 15:32

Tujash juka fiestamainaitji shiig aneaku, wagki juka yatsumek jakau aajakui, tujash yamaik iwaaku wakitki tae, megkaekau aajakui, tujash yamaik wainkaji’ ”, tiuwai.

(Evangelio según San Lucas) 16:19

“Aajakui makichik aents wiyakuch, apu iwagmamtai dekas jaanch shiig pegkejan iwagmamag pujus, kashí kashinig yutain shiig umiká fiestamá pujau.

(Evangelio según San Lucas) 7:25

Nuniachkugmesh ¿wají wainkatasagmea weabiugme? ¿Aents, jaanch shiig pegkejan nugkujá pujau wainkatasagmek weabiujum? Atumek dekagme, nugkutai shiig pegkejan nugkuaju aidauk rey aidau jeen shiig aneenak pujuinawai.

(Carta de San Pablo a los Efesios) 2:1

Atumek yaunchkek atumi intimtaigminig, atumi tudaugminig jakau aajakuitjume,

(Carta de San Pablo a los Efesios) 2:5

jutiik iina tudauji aina dui jakau batsamnutin Cristujai betekak pujutnak amasui. Dutikamu asajum niina wait anenkagtutinig uwemtikam asauwaitjume.

(Carta de San Pablo a los Efesios) 5:14

wagki ashí paan wega duka tsaaptin iwainamu asa nuniawai, nuadui: “Ame kanam duka shintagta, aents jinau aidaunum pujaumesh nantaktá, nunikamin Cristo tsaaptin etamtatui”, tawai.

(Carta de San Pablo a los Colosenses) 2:13

Atumek tikich tsawan aajakua duik, wakannumag jakau aajakuitjume atum tudau takataijum idaichau asajum, tujash yamaik Apajuí pujutan amasaje, Cristo nemaju asagmin dutijamawag ashí tudaunak tsagkugtamjaje;

(Segunda carta de San Pablo a Timoteo) 3:6

Wagki nunú aina nuiyayai jega aidaunum wayawag, wainak nuwauch aidau tudaunak takainak iyashí ashí pegkegchaun wakega nuna takamtikin aidaun tsanú yujajin aina nu.

(Carta de San Santiago) 5:5

Atumek ju nugka juig shiig aneasa pujusugme atumin shiig awatama nu takaakjum, nunin asajum tsawan jegakui kuntin maam atin duwegama imanikugme.

(Apocalipsis) 18:7

Dutikakjum ni ememas shiig aneas pujusua dutiksagmek, ni senchi waitiak buuttinjiya dushakam susatajum, wagki ni anentaimsag: Wika juig reinajai betek wajasan eketjai, nuigtush wajechuitjai, nunin asan tuke waittsashtinaitjai tawai;

(Apocalipsis) 3:1

“Agatjata ángel iglesia Sardis awa nuna diina nunú: Apajuí Wakaní sieteya imajin aja nunú, nuigtush siete yayan takaka nunú juna tawai: Ame takaam nunak wainjai, iwakui tama ame, tujash jaká pujame.

(1 Samuel) 15:32

Dutikamtai Samuel chichaak: “Agag Amalec aents aidau apuji achikam puja nunú itagtuatajum”, tiuwai. Tuja Agagkak yaunchuk mantumainnap mantuachaje yamaik mantuachagtatuapi tusa puyattsuk shiig aneas Samuel pujamunum jegantui.