(Primera carta de San Pablo a Timoteo) 4:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ wagki iyash pegkeg atí tusa takamtikamua duka machik yaijatui, untsu Apajuí puyatjusa umigku takaamua nuuwai ashí wajiinum yaijata duka, wagki anagkagtuamua duka yamai pujag juigkechui atak atina imanuiyai.

(Primera carta de San Pablo a Timoteo) 4:8 Iomraidhean Croise

(Salmos) 145:19

Tuja niina eme anentus umijin aina nunú segamak antujuk yaigka uwemtikui.

(Salmos) 37:11

Untsu aents ememachu aina nunú nugka pegkegnum wayawag, tutit chicham atsamunum shiig pujusagtinai.

(Salmos) 37:29

Nugkan Apajuí anagkagtuawa nuwig aents niina umijin aidau tuke pujusagtinai.

(Salmos) 37:9

Aents pegkegchau aina duka ijina utsaam agtinai. Untsu aents aidau Apajuín umijuinak niinig anentaimas kajinas batsata nunú Tuke Pujuu nugkan anagkagtuawa nuna jukiagtinai.

(Salmos) 84:11

Wagki Tuke Pujuu Apajuí iinak ejapak kuitamjamui; tuja aents tudau takatsuk batsata nunak, nii wait anentak eme anentus kuitamui, dutikak waji pegkeg aidaunak sujitatsui.

(Proverbios) 22:4

Apajuí eme anentsa puyatjusa umigbauwa nunú sukagtawai pujutan, wiakchameutan, eme anentam atan.

(Isaías) 33:16

nunú aentsuk waitkascham agkan pujustinai. Niina jeeg utumainchau kaya jegamkamu atinai. Tuja nii yuwatnujish uwagtinjish ashí ajitnai.

(Jeremías) 6:20

¿Wagka Sabá nugkanmaya kugkuin incienso jukigmesh itagtuaugme? ¿Wagka tikich nugka atushtanmaya kugkuin jukigmesh itagtuaugme? Atum anentag itaamu aidau, tuja mina emematjaku kuntin maa nuna neje ashí apeajum duka minak shiig awajtatsui.”

(Evangelio según San Mateo) 12:32

Makichik aentskesh Aentsmaga akiinauwa nuna pegkegchau chichagkau akush tsagkujam atinai. Tujash Wakaní Pegkejin pegkegchau chichagkau aidauk, yamaiya juish ajumaish tuke tsagkujam achagtinai.

(Evangelio según San Mateo) 19:29

Tuja ashí aents mina nemagtuinak jeen, yachi aidaun, umayí aidaun, apajin, dukujin, nuwen, uchijí aidaun, nugke aidaun ukukiaju aidauk, dita ukukbaujin nagkaesau ciegka imaania jukiagtin ainawai, nuigtushkam pujut tuke atina nunash jukiagtinai.

(Evangelio según San Mateo) 6:33

Nuadui dekatkauk Apajuí inama nu nuigtú ni pegkejan takaa nunuwá egaktajum, nuniakjumek ashí nunú aina dushakam aan kuashat ajutjamiagtinai.

(Evangelio según San Marcos) 10:30

yamai puja duish ciegka inagkeas jee aidaun, yachi aidaun, umayí aidaun, dukují aidaun, uchijí aidaun, nugke aidaun ukukbau aidaun inagkeas jukiagtinai waittsau ainakush, nunik atak atina nuish, pujut tuke atina nuna jukiagtinai.

(Evangelio según San Lucas) 5:38

Nuadui vino yamagmak duwap yamagmanum yajataiyai, dutikamu asa mai betek amainai.

(Carta de San Pablo a los Romanos) 8:28

Dekainaji Apajuí aneen aidautinak ashí iina wají nagkaetamainawa duka pegkegnum yaijata nu. Nunú aidautik ni Apajuí wajuk dutikatjai tawa dutiksaik untsukbau ainaji.

(Primera carta de San Pablo a los Corintios) 3:22

Wishakam, Apoloshkam, Cefaschakam, nugka dushakam, pujutash, jaamushkam, atum yamai pujajum dushakam, atak atina dushakam. Ashí ju aidauk atumdau ainawai,

(Primera carta de San Pablo a los Corintios) 8:8

Apajuik ii yuwamua nuna diisag imá pegkejak diigmatsui, tuja yutai yuwakuish nuní pegkejak wemaitsui, yuwachkuish nuní pegkegchauk wemaitsuji.

(Primera carta de San Pablo a Timoteo) 4:7

Wainka augmattsamu aidau nuigtú jumamtin augmattsamu aina dusha dakitjata, nuniakum Apajuí puyatjusa umigtanum kakanmamjata,

(Primera carta de San Pablo a Timoteo) 6:3

Tuja makichik aentskesh, tikich wají pachis jintinkagtak, iina Apuji Jesucristo pegkeg jintiamua nujai betek jintiitsuk, nuigtush wait anenkagtamu jintiamua nujaish betek tachakug,

(Primera carta de San Pablo a Timoteo) 6:5

nuigtushkam inagnamainchaun jiyanitú yujainawai, aents pegkegchaunak anentaimtin dekaskea nuna dekachu asag, Apajuí pachisa chichamunum wiyakchameautia nuninun anentaimainawai. Aents nunin aidauk tupanjata.

(Primera carta de San Pablo a Timoteo) 6:6

Tujash shiig muun juamua duka Apajui puyatjusa umigku iinu ajutkagta nujai shiig aneasa pujamua nuuwai.

(Segunda carta de San Pablo a Timoteo) 3:5

Apajuin shiig puyatjus umigna iman iwainmabiagtinai, tujash dita wajuk pujuinawa nu iwainatnai dekaskechua nuna. Aents nunin aina duka tupanjata.

(Carta de San Pablo a Tito) 3:8

Jujú chichama juka dekaske, nuadui jujú jintinkagtamu aina nuna mijattsuk tití tusan wakegajai, ashí aents Apajuiyai dekaskeapi tuina duka pegkeg takat aina nuna uyumaktinme tabaunum. Jujú jintinkagtamu aina duka pegkeg ainawai nuigtú ashí aentsnash pegkegnum yaimainai.

(Carta a los Hebreos) 13:9

Tikichin antushtain pachimak jintinkagtuidauk antugkaigpajum. Dekas Apajuí wait anenjamjauwa nuanuig anentaimin ichichmamjatajum, yutai pachisa tibauwa nu umiktasa yujagtsuk, wagki nuna nunidauk makichkish pegkegnak jukichaju ainawai.

(Primera carta de San Juan) 2:25

Nunuwai Cristo pujut tuke atinun anagtamamun amasua duka.

(Apocalipsis) 3:12

Depetmakunak wi, jega mina Apag ememattaiya nui awayattajai, dutikamu asa nuig tuke pujutnai; dutikan mina Apajuiju daajin, nuigtush mina Apajuiju yaaktaji yamajam Jerusalegka nuna daajin, mina Apajuig nayaimpinum puja nuiya akaikitna nuna, nuigtú mina daag yamagma nunashkam niiní agagtinaitjai.

(Apocalipsis) 3:21

Depetmakunak, mina inamtaijui ekentsatnaitjai, wi depetmaku asan mina Apajú ekeemsa inamtaijin eketag dutiksanuk.

(1 Samuel) 15:22

Tusa timatai Samuel chichaak: “Kuntin maa, nuna neje ashí apeamua nuna nagkaesau, Tuke Pujuu tabau shiig antuka umigbauwa nunú niinak shiig awagmawai. Tuja nuigtushkam anentag dekas shiig pegkeg aidau Apajuí suwamua nuna nagkaesauwa duka nii umigbauwa nunuwai.