(Primera carta de San Pablo a Timoteo) 4:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nuadui takainaji nuigtush wainak chichagtamainakuish kakanmamainaji, Apajuí iwaaku ashí aents dekaskeapi tuidaun uwemtikna nu dakaidau asaja.

(Primera carta de San Pablo a Timoteo) 4:10 Iomraidhean Croise

(Salmos) 107:2

Iina shiwaaji aidau inaku waitkatai batsatutin Tuke Pujuu niina senchijijai jiigmag agkanmitkagmabi titajum.

(Salmos) 118:8

Aentsnum kajintsa anentaima wekaetsuk, dekas Tuke Pujuuwaig kajintsa anentaimainaitji.

(Salmos) 37:40

Tuja ditanak Tuke Pujuu ayamjuk agkanmitkawai, wagki niyai kajinmamas anentaimaidau asagmatai.

(Salmos) 84:12

Tuke Pujuu, ashí senchigtinuh, ¡aminí kajinmamas anentaimaidauk shiig aneasagtinai!

(Daniel) 3:28

Nuna wainak Nabucodonosor senchi untsumak: “¡Sadrakan, Mesakan, Abed-negon ayamjak niina aentsji ángelan awema nunú Apajuí ima nigki tuke emamattai ati! Ditak dita Apajuíjin kajinas anentaimaidau asag, wi chicham umikbaunash umikchagmae. Nuadui wainka apajuímtai aina nunú ememattan dakituinak, dekas ayatak jinaami tumabiagmae.

(Evangelio según San Mateo) 16:16

Tutai Simón Pedro ayaak: —Amek Cristo, Apajuí tuke pujuuwa nuna Uchijiyaitme, tiuwai.

(Evangelio según San Mateo) 27:43

Apajuin kajinas anentaimtinuwe, ni wakegakug yamai agkanmitkati, wagki Apajuí Uchijiyaitjai tumamnuwe dui, wajaidau.

(Evangelio según San Juan) 1:29

Kashinia dui, Juan Jesusan wainkauwai, niina adijkatatus minittaman, nunik: “Diistajum, auwai Apajuí Uwigji, ashí aents nugkanmaya aidau tudaujin akikmak mantamnatta nunú.

(Evangelio según San Juan) 4:42

Nunikag nuwan chichajuinak: Ame timaum duikik dekaskeapi tatsuji, wagki jutiishkam ni chichamuk shiig antugkaji, nuniku asá niimpapita dekas ashí nugkanmayan uwemtijatnuk tusa dekainaji, tiajui.

(Evangelio según San Juan) 5:24

“Dekas tajime, mina chichamjun antuk, mina awetiuwa nunash dekaskeapi tauk, pujut nagkanchau ajawai; nuniau asa bakumashtinai, wagki jaakug megkaemaina nuna ukuak pujut nagkanchaun jukiu asa.

(Primera carta de San Pablo a los Corintios) 15:10

Tujash Apajuí wait anenjujua dui, yamaik wi yaitja nunuwaitjai, ni wait anenjak jutijuauwa duka minaig wainkachui, nuadui wika Apajuí yaintsamtai ditá nagkaesau takasjai.

(Segunda carta de San Pablo a los Corintios) 1:10

nuniau asajin Apajuí jutii iman ishamainnum pujajinish jiigmaki uwemtijamjabi, nuniau asa yamaishkam dutijamsag agkanmitkagmasagké awai. Dutijamu asamtai nigkiap atakea duwish agkanmitkagmatnaita tusa dakamu ajutjamji;

(Primera carta de San Pablo a Timoteo) 2:3

Wagki juuwai pegkeja duka, nuigtú iina Apajuiji Uwemtikagtina nunash shiig awagma duka,

(Primera carta de San Pablo a Timoteo) 2:4

nunin asa nigka ashí aents uwemjatnume, nunikag dekaatnume dekaskea nuna tusa wakegawai.

(Primera carta de San Pablo a Timoteo) 2:6

nunin asa nigki tsagkamankauwai ashí aentsun agkanmitkata tau asa; nunak, nuniktinji tsawan jegamtai Apajuí iwaintugmakui.

(Primera carta de San Pablo a Timoteo) 3:15

wi dukap megkaekuish, Apajuí tuke pujuwa nuna aentsji iglesia aina nuanuish wajuk pujumainaita nu dekata tajame. Dita ainawai dekaskea nuna etsejuinak ayamjin aina duka.

(Primera carta de San Pablo a Timoteo) 6:17

Wiyakuch ju nugkanmaya aina dushakam ememachu atajum tita, ni wajiiji aina nuiyanak dakasaigka, wagki nu wiyakchameuta duka dekaskechui, Apajuí ashí wají aidaun shiig aneas pujustinme tusa kuashat sukagtina nui kajinas anentaimsatnume.

(Carta a los Hebreos) 11:26

Nigka egiptonmaya wají aidaun juki shiig aneastatus wakeetsuk, Cristo atak taa waittsatnujin betek waittsatatus wakekauwai, Apajuiyap dekas pegkejan sujustatua tusa dekau asa.

(Carta a los Hebreos) 13:13

Nuadui Jesusjai weenaku, ukukiagmi, nuniaku aents aidau dakitjag yaakta ukumtikiag waitkasajua nunisaik iishkam waittsagmi.

(Primera carta de San Pedro) 1:21

Cristo nunikbaunum atumek Apajuik dekaskeapi tajume, niina inanki nuigtú ememattai awajsauwa nui, nunin asamtai atumek dekaskeapi takujum Apajuinumiag dakagme.

(Primera carta de San Juan) 2:2

Niiyai iina tudauji aidaun tsagkugtamjatatus jakauwa duka, tujash imá iinigkik nunikchauwai, ashí nugkanum aents batsata nuna tudaujinish jakauwai.

(Primera carta de San Juan) 4:14

Jutii wainkauwaitji nuniku asá etsegtuinaji, Apají ni Uchijin nugkanmayan Uwemtijatnun awemauwa nunú.