(Primera carta de San Pablo a Timoteo) 3:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ wi dukap megkaekuish, Apajuí tuke pujuwa nuna aentsji iglesia aina nuanuish wajuk pujumainaita nu dekata tajame. Dita ainawai dekaskea nuna etsejuinak ayamjin aina duka.

(Primera carta de San Pablo a Timoteo) 3:15 Iomraidhean Croise

(1 Reyes) 2:2

“Wi jakatnujuk tsawantak jegagtine. Nuadui ¡amek mijamtsuk wajiu wajasta!

(1 Reyes) 2:4

Nuigtushkam Tuke Pujuu mina anagtak: ‘Uchijum aidau pujutji pegkeg asag chichaman betek dita anentaijai, wakanijai mina umigtuinakuig, amina uchijum wegantu aidaunmayan tuke Israel aents aidau apuji ematnaitjai’, tujutiuwa nuna dutiksag umikti.

(2 Reyes) 19:4

Tuja Tuke Pujuun pegkegchaun chichagkati tusa apu asirianmaya niina suntaji aidau apujin akupkamu juwi taa, Apajuí Tuke Pujuuwa nuna pegkegchaun chichaja nuna, itusag Tuke Pujuu amina Apajuíjum antujuk suwimkan susa tajai. ¡Nuadui Israel aents aidau ujumak juwag batsata nunú pachisam Apajuí ausata! tujamui apu Ezequías titajum”, tiuwai.

(Salmos) 42:2

Apajuí pujuta sukagtina nuna wainkatasan, aents kitakai waitiak yumin egamaina numamtuk egajai. ¿Wajutik wisha ataktush Apajuí jee pegkegma nuwish wayatja? tusan anentaima pujajai.

(Salmos) 84:2

¡Wika Tuke Pujuu jee pegkegma nuwi pujustasan shiig senchi wakegajai! ¡Nuniakun Apajuí pujuta sukagtina nuna shiig anentsan senchi kantamjajai!

(Jeremías) 1:18

Wi aminak yaakat peejamu utumainchawa iman, jiju hierro ajiamu kupinchauwa iman, tuja yaakat broncejai peejamu tsaika utumainchawa iman awajsajame. Judá wegantu aina nuna nugkenig, tuja dita apuji aina nujaishkam, sacerdote aina nujai nagkamas ashí aents aina nuna chichagkati tusan senchimtikajame.

(Daniel) 6:26

nuniakun ashí wi inamag nuwi batsamin aidauk Daniela Apajuíjiya nuna ememattinme tajai. “Apajuíyai pujutan sukagtina duka, niig tuke pujuuwai. Nii inabaujiya duka makichkish megkaekashtinai, tuja niina senchijishkam nagkankashtinai.

(Oseas) 1:10

“Tujash Israel aents aidauk shiig kuashat yujakag, nayantsa kamatkaji dekapamainchauwa iman wajasagtinai. Nunú tsawantinig Apajuík ataktu chichaakug: ‘Atumek mina aentsjuchu ainagme’, tichatnai. Ayatak dekas: ‘Atumek Apajuí tuke pujuuwa nuna uchiji ainagme’, titinai.

(Evangelio según San Mateo) 16:16

Tutai Simón Pedro ayaak: —Amek Cristo, Apajuí tuke pujuuwa nuna Uchijiyaitme, tiuwai.

(Evangelio según San Mateo) 18:18

Dekas tajime, atum ju nugka jui aaja yayachmak nayaimpinmashkam tsagkugnagchatnai. Untsu atum ju nugka jui tsagkujamuk, nayaimpinmashkam aantsag tsagkugnagtinai.

(Evangelio según San Juan) 1:17

Apajuik chicham umiktina nunak Moisesai sujamsau aajakui, tujash wait anenkagtamu nuigtú dekaskea duka Jesucristui jukiuwaitji.

(Evangelio según San Juan) 14:6

Tutai Jesús ayaak: —Witjai jintanuk, dekasketnash wikitjai, nuigtushkam witjai pujutnash sukagtinnuk. Makichkish wijaichuk mina Apajuig jegamainchau ainawai.

(Evangelio según San Juan) 18:37

Tutai Pilato iniak: —Nuniakmek ameapitme rey, tau. Tama Jesús ayaak: —Ame rey tujutam duka dekaske. Wika ju nugka juig akiinauwaitjai, nunikan chicham dekaskea nuna etsegkatasan tauwaitjai. Ashí aents chicham dekaskea nuna antukag umiina nu mina chichamjunak antugtuinawai, tiuwai.

(Evangelio según San Juan) 6:69

Jutiik aminí dekaskeapi tiuwaitji, nunin asá dekaji, amek Cristo, Apajuí pegkegma nudauwaitme, tau.

(Los Hechos de los Apóstoles) 1:2

nuigtú ni nayaimpinum wakitkiuwa imanuiyan pachisan agatjabiajame. Nunak eke wetsuk Wakaní Pegkeji dutikata tabau asa ni etegjamuji apóstol aidaun jintintuauwai;

(Los Hechos de los Apóstoles) 14:15

—Muun aidauh, ¿wagka aancha aikagme? Jutiishkam aents atum ainajum annuketji; nunin asaja atum wainkajum aikajum aanú idaikujum, dekas Apajuí iwaku pujuwa nu nayaimpin, nugkan, nayantsan, nuigtú ashí nui ayá nunash najankauwa nu nemagkatajum tusa yamajam chicham etsejuinaji.

(Carta de San Pablo a los Romanos) 3:2

tujash duka nuninchauwai, dekaskenmag judío aidautik tikich nagkaesau ainaji, Apajuí ni chichame agagbaun dekatkauk jutiná sujamsauwa dui.

(Carta de San Pablo a los Romanos) 9:26

“Nuanuig junashkam tawai: ‘Atumek mina aentsjuchu ainagme’, tiuwa nu nugkanmag batsatunak makichik tsawantai: ‘Atumek, Apajuí tuke pujuuwa nuna uchijí ainawai’ tama atinaitjume”, tiuwai.

(Primera carta de San Pablo a los Corintios) 10:32

Makichkish tikichik pegkegchauk iwaintukaigpa, judío aidaukesh, judiochu aina dukesh, iglesia Apajuinu aina dukeshkam.

(Primera carta de San Pablo a los Corintios) 3:16

¿Atumek dekatsjumek jega Apajuí ememattai asagmin, Apajuí Wakaní atumiin puja duka?

(Segunda carta de San Pablo a los Corintios) 3:3

Atum ainagme, Cristo papinum paan agagbauwa nunin aidautigmek, nunak tintai agatia dutijamachajui, jutii chicham etsegbau antukuitjum dui, Apajuí tuke pujuuwa nuna Wakanin dutijamawajui, kayanum agagbauwa dutiktsuk iina anentai nejea nuwi dutikauwai.

(Segunda carta de San Pablo a los Corintios) 6:16

Jega Apajuí ememattaiya duka, apajuimtai dakumkamu aina nujaig makichkish apaemaitsui. Wagki jutiik Apajuí tuke pujuuwa nuna jee ainaji, nuadui Apajuí chichaak: “Ditai pujustajai, nunikan ditajaig wetajai. Dita mina aentsug atinme, nuninakui wi dita Apajuiji atajai”, tiuwai.

(Segunda carta de San Pablo a los Corintios) 6:7

chicham dekaskea nu etsegtanum nuigtush jutiiní Apajuí senchijí ajutjama nujai, jutii imagnisa pujuinaku tikich aidau chicham ujaku ii shiwaji aina nui ayamjumatnash sujamji;

(Carta de San Pablo a los Gálatas) 2:9

Santiago, Cefas, Juan, Jesusa nemajin aidau apuji aina nu Apajuí mina wait anenjug sujusbauwa nuna dekagtuawag, mina Bernabejai uwegnum achigmainak, atueka takasagmi, atumek: Judiochu aidaunum takastajum, jutiik judío aidaunum takasagtatji tujabiagmayi.

(Carta de San Pablo a los Gálatas) 3:1

¡Galacianmaya anentainkachu aidauwah! Atum jutii Jesucristo achigbauwa nu pachisa etsegjin, paan achigbau wainkajum anentaimtumainaitjum imatiksajum anentaimtibiujum nunash, ¿yaa chicham dekaskea nuna umikai tusash tsanugmajaje?

(Carta de San Pablo a los Efesios) 4:21

atumek dekaskenum Cristo pachisa etsegbau antuku ainagme, nunin asajum ni wajuk pujusti tusaya wakejutpawa nunisjumek pujakjum, Jesusdau dekaskea dushakam unuimamain ainagme.

(Deuteronomio) 31:23

Tuja Josuén Tuke Pujuu juna aatus chichajak: “Mijamtsuk wajiu wajasta, ametme juju aents aina nunú yajuakam wi nugka amastinaitjime tusan anagkuawaitjim nuwi ejegatnumek. Tuja wi aminak kuitamkattagme”, tiuwai.

(Carta de San Pablo a los Colosenses) 1:5

duka atumek yamajam chicham dekaskea nu etsegbaunum atum jukitin nayaimpinum ukugtamsamu ajutjamaina nu dekauwaitjum nu dakaidau asajum nuniagme;

(Primera carta de San Pablo a los Tesalonicenses) 1:9

Wagki ditak etsejuinawai atum wajuk jutii jukagtukiuwaitjume nuna pachisag, nuigtú Apajuí iwaaku dekaskea nu umigkatasajum apajuimtai idaisaujum nunashkam,

(Primera carta de San Pablo a Timoteo) 3:14

Junak wamak taan wainkatasan wakegayatkun agatjame,

(Primera carta de San Pablo a Timoteo) 3:16

Juka utujimsaish anentaimtumaitsui, shiig muun wait anenkagtamu dekaachbau aajakua duka: Nigka aentsmaga wantinkauwai, Wakaní Pegkejishkam pegkegchauji atsujui tiuwai, ángel aidaushkam wainkamu, judiochu aidaunmash etsegkamu, nugkanmaya aidaush dekaskeapi tibau, nayaimpinum jukimu aajakui.

(Primera carta de San Pablo a Timoteo) 3:2

Tujash obispok amainai makichkish nuninai tuchatai, makichik nuwentin, ebetmamjau, shiig anentaimkau, eme anentsá diitai, jeenish shiig jukagtin, jintinkagtuatasash wakeyin,

(Primera carta de San Pablo a Timoteo) 3:5

wagki niina jeenigkish shiig chichasá pujutan dekachush, ¿utugsaya Apajuinu iglesia aina nunash kuitamainaita?

(Primera carta de San Pablo a Timoteo) 4:10

Nuadui takainaji nuigtush wainak chichagtamainakuish kakanmamainaji, Apajuí iwaaku ashí aents dekaskeapi tuidaun uwemtikna nu dakaidau asaja.

(Primera carta de San Pablo a Timoteo) 6:16

Nigkiyai jachauwa dushakam, tsaaptin adigmainchaunum pujuwa nu, makichkish wainchatai nuigtush wainmainchauwa nu, niina senchijish, ni inabaujish tuke atina nu ememattai atí. Aatus atí.

(Segunda carta de San Pablo a Timoteo) 2:19

Tujash Apajuí nagkamku tibauwa duka yapajinmaitsui nunisagke, duka agagbaunmag: “Apu Apajuik wainui niinu aina nunak”. Nuigtushkam: “Ashí aents apu Jesusan umijuidauk, pegkegchau aina nunak tupanjatnume”, tawai.

(Segunda carta de San Pablo a Timoteo) 2:20

Makichik jega muunta nuig takatai aidauk oro, jiju plata aina nujai najankamukek atsame, numí najanamush, duwé najanamushkam auwai; nuniai ujumak iman dutikatasa takatai ainai, tikich aina duka imanchaunum takatai ainawai.

(Carta a los Hebreos) 10:21

Jesusai jutii sacerdoteji dekas senchigtin Apajuí jeen puja duka.

(Carta a los Hebreos) 12:22

Tujash atumek muja Sión Apajuí tuke pujuuwa nuna yaaktaji nayaimpinmaya Jerusalegka nu adijkaugme, nuig nayaimpinmaya aents aidau shiig kuashat Apajuin emematuinak ijunag ainawai,

(Carta a los Hebreos) 3:12

Yatsug aidauh, kuitamamkatajum, atum ainajum anuiyatijum pegkegchau anentaibau ajutjamsamtai utujimsajum anentaimkujum, Apajuí tuke pujuuwa nunú tupanjaijum.

(Carta a los Hebreos) 9:14

Aan nagkaemas Cristo numpega duka senchigtinai, nigka Wakan tuke pujuuwa nunú yayasam Apajuí eemtinish makichkish tsuwatji atsugbau nigki tsagkamanak mantamna numpen ukajua dui iina anentain pegkegchau takaaku jatanum jegamaina nunash nijatjamjauwai, Apajuí iwaaku puja nunak umigkatnume tujamu asa.

(Josué) 3:10

Apajuí Tuke Pujuu tutaya nunú iina kuitamjamsamtai shimag duka, hitita aents aidau, heveo aents aidau, ferezeo aents aidau, gergeseo aents aidau, amorreo aents aidau, Jebús aents aidau aatus, Canaán nugkanum batsamin aina nunú ii shimaku Apajuí senchijin depetka ijina wetatag duwi dekattaji.

(Primera carta de San Pedro) 2:5

Atumshakam nunisjumek kaya numamtin iwaku ainagme, nunin asagmin wakannumag Apajuí ememattai jega jegamkamu pegkegma iman etamjume, Jesucristo jutiiní mantamna iina tudauji utsanjamkau asamtai Apajuí shiig awagma dutiksaik iina wakaní susata tabaunum.

(Primera carta de San Pedro) 4:17

Apajuí aentsji aidauti waittsatnuk yamaik nagkamnae, aatus nu jutiiní waitiamu nagkamna aniaish, yamajam chicham Apajuinua nuna umiinatsu dusha, ¿wajuk nagkankatnuk ainawa?

(Apocalipsis) 7:2

Nuigtushkam wainkabiajai tikich ángel etsá jiintaiya nuiya sello Apajuí tuke pujuwa nudaun takaku minittaman; nuniak cuatro ángel aina nuna senchi untsuká, senchin susami nugka, nayantsajai emeskatna nuna;

(1 Samuel) 17:26

Tusa tuinamun David shiig antukchau asa niijai ijunun iniak: “Au filisteo, Israel aentsun atsaneak waitka nuna makichik aents maa agkan emamtaish ¿wajina apush sumainai tawa? Filisteo pegkegchaun takauwa dusha niish ¿ya asaya aannush Apajuí suntaji aidaunash pegkegchaun chichajush wekaewa?” tau.

(1 Samuel) 17:36

Dutiksanuk au filisteo aents Apajuí Tuke Pujuuwa nuna aentsji aidaun dushikiak atsanea nunak maattajai.