(Primera carta de San Pablo a los Tesalonicenses) 5:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Yatsug aidauh, segajime, atumin takainak Apu Jesús nemagtanum jintinjamaina duka ajantusjum diitajum.

(Primera carta de San Pablo a los Tesalonicenses) 5:12 Iomraidhean Croise

(Evangelio según San Lucas) 10:7

Nunú jega nuwig pujustajum nunikjum dita yutain amainamuk yuwatajum, umutain amainakuish uwagtajum; wagki aents takaa duka akiam auwai, makí makichik jeganum kanagjum nagkaemá yujaigpajum.

(Evangelio según San Juan) 4:38

Wi atumnak, makichkish atum takaschamu aig, juuktajum tusan ishiakbaijime; tikich takaak waittsau ainawai, nuniku aig, atum nu takasbauwa nuiya juukbaijume, tiuwai.

(Los Hechos de los Apóstoles) 20:28

Nuadui atumek kuitamamkujum ashí Apajuí iglesiajiya dusha kuitamkatajum. Adeagtajum atumnak Wakaní Pegkejiya nu pastor etamkajui, Apajuí iglesiaji niina Uchijí numpeen sumakua nuna kuitamkatnume tusa.

(Los Hechos de los Apóstoles) 20:35

Ashí jintinbaijime aaja takaaku atsumaidaush yaimainaitjume, nuigtush adeagtajum Apu Jesús chichaak: ‘Ni juwak shiig anea nuní nagkaemas shiig aneawai tikichin suwa duka’, tiuwa dushakam”.

(Carta de San Pablo a los Romanos) 16:12

Aikasmek Trifena, Trifosajai Jesucristo takatjin takainak batsata nu, tuja iina aneetai ubag Pérsida Apu Jesusdaun shiig senchi takasua dushakam kumpamjutuatajum.

(Carta de San Pablo a los Romanos) 16:6

María atumin senchi yaimpakua dushakam kumpamjutuatajum,

(Primera carta de San Pablo a los Corintios) 12:28

Apajuí iglesianum takasagtinun apusauwai dekatkauk: Apóstol aina nuna, profeta aidaun, maestro aidaun, aents dutikmainchaun iwainakagtin aidaun, aents jaidau etsagagtin aidaunash, yaimkatin aidaun, takatan diistin aidaun, chicham chichashtain chichaktin aidaunashkam.

(Primera carta de San Pablo a los Corintios) 15:10

Tujash Apajuí wait anenjujua dui, yamaik wi yaitja nunuwaitjai, ni wait anenjak jutijuauwa duka minaig wainkachui, nuadui wika Apajuí yaintsamtai ditá nagkaesau takasjai.

(Primera carta de San Pablo a los Corintios) 16:16

Nuadui atumek ju aents yaimainak takainak imaanina junin aina nu tabau antugkatajum.

(Primera carta de San Pablo a los Corintios) 16:18

Dita minak wakanjuish ichichtujajui, aikasag atumnashkam ichichtamjajui. Aents junin aina nu puyatjusjum diimain ainagme.

(Primera carta de San Pablo a los Corintios) 3:9

Apajuí takatjiya nunú takagtanmag Apolok mina atuetaijui; untsu atumek Apajuí ajakji, Apajuí jee ainagme.

(Segunda carta de San Pablo a los Corintios) 11:23

¿Ditash Cristo takagnuk aina? Tujash witjai dekas ditan nagkaesaunuk, juna aaja takunuk tuke imaanjaujai betek chichaajai. Wika ditá nagkaesau takasuitjai, ditá nagkaesau achinkanush egkemauwaitjai, ditá nagkaesau asutnauwaitjai, kuashta imania mantumain awajtukaju ainawai.

(Segunda carta de San Pablo a los Corintios) 5:9

Nuadui iwaaku pujakuish, nuniachkuish niijai ijunja pujakuishkam ni shiig awajkata tabaunum kakanmamji.

(Segunda carta de San Pablo a los Corintios) 6:1

Jutiik Apajuí chichame etsegbaunum yaimin asaja segajime: Apajuí wait anenkagtamun iwaintugmakua nu ayatak antukjum idaisaigpajum tusan.

(Carta de San Pablo a los Gálatas) 4:11

Nuniakjumin puyatajai wi atumin imatika jintintuauwaitjim nunak wainkanuap takasja tusan.

(Carta de San Pablo a los Filipenses) 2:16

Chicham pujutan sukagtina nuanuig ebetmamjatajum, nuniau asagmin Cristo minakuish, atumiin ememasan anentaimjatjai, wainkanuk wekaesachuapitja nuigtush wainkanuk takaschauwapitja tusan.

(Carta de San Pablo a los Filipenses) 2:19

Apu Jesús wakegakuig, Timoteon wamak atumiin awemata tajai, atum wajuk pujagme nuna dekaan shiig aneastasan.

(Carta de San Pablo a los Colosenses) 1:29

nuna dutikata tau asan, senchi takaajai niina senchijí minai takaa nujai.

(Primera carta de San Pablo a los Tesalonicenses) 2:9

Yatsug aidauh, atumek aneakjume, atum aidautijum makichkish waitkat dakitau asaja wajuk takayaji, tsawai kashishkam takai takainakua pimpikiajaish yamajam chicham Apajuinua nu etsejiag duka.

(Primera carta de San Pablo a los Tesalonicenses) 4:1

Nuadui yatsug aidauh, Apu Jesusa daajin puyatjusan segajime, Apajuin shiig awagma nunisjumek pujakjum kashí kashinig emtajum jutiinu unuimagbaijum nunisjumek.

(Primera carta de San Pablo a los Tesalonicenses) 5:14

Nuigtushkam yatsug aidauh segajime, daki aidaush chichagkatajum, junik dekapedaush wakemitkaktajum, kakaakchau aidaushkam yaigtajum, nuniakjum ebetmamjajum ashí tikich aidaujaish pujustajum.

(Primera carta de San Pablo a Timoteo) 5:1

Muun aidau chichagkumesh jiyakaipa, dutiktsuk apa anentsam wakegat egketuata, dutiksamek datsauch aidaush, yatsum utugmaina dutikata;

(Primera carta de San Pablo a Timoteo) 5:20

Tuja tudau idaitsuk takaa puja duka, ashí tikich aidaush antuinamunum jiyaktá, nuna wainkag tikich aidaush ishamkatnume.

(Segunda carta de San Pablo a Timoteo) 2:6

Ajanum takaa duka, ni ajakma nuiya jukita takug, dekatkauk senchi takamainai.

(Carta de San Pablo a Tito) 1:3

nuna yamai ni dutikatnuji tsawan jegau asamtai, ni chichamen iwainake, Apajuí iina Uwemtijamna nu mina etsegtugkata tusa idaitugsauwa nuna.

(Carta de San Pablo a Tito) 1:5

Wika aminak utugchat iwagmain juwaka ju iwajata, nunikam makí makichik yaakat aina nui iglesia diistin aidau, anciano adaijata wi tibaijam dutiksamek tusan Creta ukukbaijame.

(Carta de San Pablo a Tito) 2:15

Jujuwai jintinkagtumainaitam duka, wakemitkagkagtakum, ajantsuk najam chichagkagtukta. Makichkikesh imanchau diigmaisainum.

(Carta a los Hebreos) 13:17

Apajuí chichame etsejin aina nu umigkatajum, nuniakjum ditai sumimkatajum, wagki dita atumin diigmaku asagmatai, ditak Apajuí eemtinish etsegtugmaktin asag, shiig aneas takastinme, nu nuniachbau ataik atumnash shiig yaimpakchagtatui.

(Carta a los Hebreos) 13:7

Adeagtajum atumin Apajuí chichamen jintinjamajakú aina nu, nuniakjum wajuk pujusaya dekaskeapi tiu ainawa nunisjumek atumshakam ainjatajum.

(Apocalipsis) 1:20

Mina uwejui untsuja nui siete yaya aidau wainkaum nu, nuigtú siete candelero oro aidau dekamainchau wainkaum duka juu ainawai: siete yaya aina duka ángel aidau, siete iglesia aina nuna diin ainawai, nuigtú siete candelero aidau wainkaum duka, siete iglesia aina nuuwai.

(Apocalipsis) 2:12

Agatjata ángel iglesia Pérgamo awa nuna diina nunú: Espada mai yantamejai etsakamun takaka nu, aatus tawai.

(Apocalipsis) 2:18

Agatjata ángel iglesia Tiatira awa nuna diina nunú: Apajuí Uchijí, jii keegama imanun jiimkauwa nu, naweshkam bronce dewa wegama imanun nawemka nunú chichaak, juna tawai:

(Apocalipsis) 2:3

nuniakum senchi waitiakmesh, mina anentu asam nuig ebetmamjam mijakchaume.

(Apocalipsis) 2:8

Agatjata ángel iglesia Esmirna awa nuna diina nunú: Nagkamtinish tuke pujusu, ajumaish tuke pujutna nu, nuigtush maamu aajakú ataktú nantakí iwaaku puja nunú, juna tawai:

(Apocalipsis) 3:1

“Agatjata ángel iglesia Sardis awa nuna diina nunú: Apajuí Wakaní sieteya imajin aja nunú, nuigtush siete yayan takaka nunú juna tawai: Ame takaam nunak wainjai, iwakui tama ame, tujash jaká pujame.

(Apocalipsis) 3:14

Agatjata ángel iglesia Laodicea awa nuna diina nunú: Junak ni tibaujinak betek umina nunú, waitjuchu dekaskea nuna etsejin, nuigtú nagkamchakush Apajuijai ashí najankauwa nunú chichaak:

(Apocalipsis) 3:7

Agatjata ángel iglesia Filadelfia awa nuna diina nunú: Junak Pegkejam, Dekaskea nunú, Davita llavejin takaka nu, ni ujaimtaig makichkish epenmainchau, nuigtú epenmataish makichkish ujamainchauwa nunú, tawai: