(Primera carta de San Pablo a los Tesalonicenses) 4:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Apu Jesús nayaimpinmaya minak senchi untsumak akaikitnai, ángel aidau apujishkam arcángel untsumkatnai, Apajuí trompetajinash senchi umpuagtinai, nunitai Cristui dekaskeapi tuidau jinau aidauwá nantajagtinai.

(Primera carta de San Pablo a los Tesalonicenses) 4:16 Iomraidhean Croise

(Salmos) 47:1

Ashí aents aidautijum Apajuí uwejum awatitajum. Tuja nii emematkujum shiig aneasjum senchi kantamatajum.

(Salmos) 47:5

Tuke Pujuu Apajuík niina aentsji aidau shiig aneasag senchi kantamainak, nuigtu uwija kachujin umpuinak pampainamunum niina pujusa inamtaijin waya ekemsae.

(Éxodo) 19:16

Tusa tiyajam, dakamainak batsatai, tsawan kampatuma nunú tsawamunum kashikmas ipamat ishamain wajau, imaniak peemshakam senchi peetu. Imaniamunum nunú mujanum yujagkim suwe wajas aunum, uwija kachuji umpuamu shiig senchi shinaun antukag, Israel aents aidau aaknum batsatuk shiig senchi ishamak kujainau.

(Éxodo) 20:18

Nuna aatus Apajuí chichai ipamat, peem, chaajip, nuigtu bukuitak mujanak ejakui. Nuna ashí Israel aents aidauk wainkajui. Tuja uwija kachuji shinaunashkam antuidau. Nuna ishamainak ikaa ijunas dii ijunu.

(Joel) 2:11

Tuke Pujuu niina suntaji aidaujai minak chichamujig ipamtajai betek wajawai, Tuke Pujuu suntajig senchigtin ainawai, Tuke Pujuu tabaun umin aidauk shiig kuashat dekapamainchau ainawai. ¡Tsawan Apajuí minamuk ishamain atatui! ¡Imanun atsaneg pujumainuk makichkish atsawai!

(Zacarías) 9:14

Tuke Pujuu ditan jetektajum tusa titata nunak, dita nagki akenbaujig peemjai betek agtinai, Apajuí kachun umpuag tsumujinia dasenum pachitkau wetinai.

(Zacarías) 9:9

¡Yaakat Jerusalégnumia aidautigmek shiig aneastajum! ¡Shiig aneakjum kantamatajum! ¡Amina apujum burro tsakatnum entsatkau minitjamui! Imanchauch wajakin, pegkejam, pegkegchaun takachu, amina yaimpak depetmitkagmaktatus minawai.

(Números) 23:21

Tuja nuigtush makichik aentskesh Israel aents aidau waitjutaijinak dekagchau ainawai, pegkegchau takamtaijinakesh dekauk shiig atsawai. Tuja ditanak Tuke Pujuu ditá Apajuíjiya nunú kuitamui. Tuja ditashkam: ‘¡Jujuwai iina apujig!’ tuinawai.

(Evangelio según San Mateo) 16:27

Wagki Aentsmaga akiinauwa duka, ni Apají imanjiya nujai nuigtú niina angelji aidaujai minitnai, nuniak makí makichik aents takasbaujiya dutiksag akiktinai.

(Evangelio según San Mateo) 16:28

Dekas tajime Atum jui ijunjum juiyatijum ujumak aidautijum eke jatsuk, Aentsmaga akiinauwa nu inamjatatus minau wainkatnutigmesh ajume, tiuwai.

(Evangelio según San Mateo) 25:31

“Aentsmaga akiinauwa nu tsawan wajas ashí niina angeljijai minakug, ekeemtaiji dekas imana nui ekeemsamtai,

(Evangelio según San Mateo) 26:64

Nu tama Jesús ayaak: —Duka ame tiume, nuigtushkam tajime, yamai nagkamsajum Aentsmaga akiinauwa nu Apajuí ashí senchigtina nuna untsujin eketu tsawan uminkamtai, nayaimpinmaya yujagminum pachitkau minau waitkatnaitjume, tiuwai.

(Los Hechos de los Apóstoles) 1:11

nunikag ditan chichajuinak: —Galileanmaya aents aidauh, ¿wagka nayaimpish diish ijunjume? Jujú Jesús, nayaim wegau wainkaujum junisag ataktush minitnai, tiaju.

(Primera carta de San Pablo a los Corintios) 15:18

Nunin ataik Cristui dekaskeapi tiaju jinawajua duka megkaejauwap ainawa.

(Primera carta de San Pablo a los Corintios) 15:20

Tujash dekaskenmag Cristuk nantakiuwai. Niiyai dekas jakau nantashtainmaya nagkamas nantakiuwa duka.

(Primera carta de San Pablo a los Corintios) 15:23

Tujash juka juní atinai: Nagkamchakug Cristo nantakiuwai; Cristo ataktú jui minitta duik, niina nemajin aidau jinawajua nu nantakiagtinai.

(Primera carta de San Pablo a los Tesalonicenses) 1:10

nunikjum Apajuí niina Uchijin Jesusan jakaunmayan inankiuwa nu nayaimpinmaya minitna nu dakasta tuidau asajum, Apajuí suimkaji ishamain atina nui agkanmitkagmatna nunú.

(Primera carta de San Pablo a los Tesalonicenses) 3:11

Wakegainaji Apajuí iina Apají, Apu Jesusjai jutii atumiin minimaina nunash umigtamkati tusaja.

(Segunda carta de San Pablo a los Tesalonicenses) 1:7

tuja atum waitiajum nunak, jutiijai betek ayamtan sujamsatnai. Nunak Apu Jesús nayaimpinmaya niina angelji senchigtin aina nujai, jii kegamunum egketkau minitna dui dutikatnai,

(Segunda carta de San Pablo a los Tesalonicenses) 2:1

Yatsug aidauh, iina Apuji Jesucristo ataktú wakitki taatnai, nunikmatai jutiik niijai ijunjatnaitji. Nuniktin asamtai segajime,

(Segunda carta de San Pedro) 3:10

Tujash Apu Jesús minamuk kasa pachiachbau kashi miniyama numamtuk atinai; nu tsawantinig nayaim aidauk shiig ishamainun kedegtuk megkaegainai, nui ayá dushakam esakag yuku waigkagtinai, antsag nugkashkam ashí nui takasbau ayá dushakam esakagtinai.

(Carta de San Judas) 1:9

Tuja arcángel Miguel, Moisesa iyashin jukitatus Iwanchjai maanitkush suwimak jukitnujinak pachitsuk, ayatak: “Apu Apajuí tujamti”, tiuwai.

(Apocalipsis) 1:10

Apu Jesusa tsawanji tumig tsawagmatai Wakaní Pegkeji minai tajutmatai pujubiajai, nuniai mina ukujui makichik chicham senchi, trompeta umpuam shinuwama imatun antukmaijai;

(Apocalipsis) 1:7

¡Cristuk yujagminum pachitkau minitnai! Nunitai ashí wainkagtin ainawai nuigtú niina mau aidaushkam wainkagtinai; nunikag ashí aents nugkanmaya aidauk buutiagtinai. Dekaske, aatus atí.

(Apocalipsis) 14:13

Antukbaijai makichik chichaman nayaimpinmaya tujuttatman: “Agagta: Shiig aneasagtatui yamai nagkamas Apu Jesusjai ijutkau pujus jaina duka”. Tutai, Wakaní Pegkeji chichaak: “Ehé, dita takaak waituina nunak ayamsagtatui, wagki ashí dita takasbaunum akiam agtata dui, timayi”.

(Apocalipsis) 8:13

Nu nuniku ai wainkabiajai, nuigtush antukbaijai makichik ukukui nayaimpi ejapen nanaak minis, senchi untsumak: “Ae, ae, ae, shiig ishamain atatui nugká batsata nudauk, kampatum ángel aidau trompeta umpuinatsu nunú umputaik” wajattaman.

(Apocalipsis) 8:2

Nuniamunum wainkabiajai siete ángel aidau Apajuí emtin ijuntatman, nunú aidaun siete trompetan tinamkagmayi.