(Primera carta de San Pedro) 4:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Kuashat tsawantai aents Apajuí anentaimtuchu takaina nu takaajakuitjum duka idaisatajum, pegkegchau tunamatja pujujut aidau, iyash senchi wakegamu aina nu, nampeamu aidau, fiestanum nampeaku yuamu aidau, uma umakua weamu nuigtú apajuimtai dakitmain aina nu emematut aina dushakam.

(Primera carta de San Pedro) 4:3 Iomraidhean Croise

(1 Reyes) 21:26

Tuja amorreo aents aidau dakumkamun emematujaku aina nunisag, Acabshakam nuna emematak shiig pegkegchau Tuke Pujuu aentsji Israel wegantu aidau emtin iwainmamajakui.

(Isaías) 28:7

Tuja profeta aidaushkam sacerdote aidaujai, senchi vinon umuidau asag, nampejag winchainainak tukumak iyá yujawai; imanik nampedau asag, Apajuí chichamenak antukchamin batsatui.

(Isaías) 65:4

Nunú aents aidauk ukumatainum pekamá yujayanume, nuninak waanum uumak batsamas tsawampa batsamianume. Nunú aents aidauk Apajuí dakitamun kuchi nejen yuyanume, nuigtush dakumkamu emematku kuntin maamu aidau painkamun yumiji ollanmak tsumain aajabi.

(Evangelio según San Marcos) 7:22

tsanijinbau aidau, pegkegchau wakegamu aidau, pegkegchau aidau, tsanubau, ii wakegamuk takaamu, tikichdau diisá kajeamu, Apajuí pegkegchau chichagbau, eme anenmabau, shiig anentaimchat aina nu;

(Los Hechos de los Apóstoles) 17:30

Nunak aents dekachu asa nuniagtaish, Apajuik pachitsuk idaisauwai, tujash yamaik aents ashí nugkanum batsamin aidaush, tudaujinak idaisatnume, tawai.

(Carta de San Pablo a los Romanos) 13:13

Nuadui yamai nagkamsaik tsawai wekaemaina numamtuk shiig kuitamamka pujusagmi. Ijunag yuwinamu wekaetusjum ayatak yuwa yuwakua weakjum nampet batsamtajum duka idaisatajum, iyashnum takanit tunamatja pujugtash, jiyanit yujagku tikichdau diigsá iish imanuk atajai tukamá kajegkagtutash.

(Primera carta de San Pablo a los Corintios) 12:2

Atumek eke Cristo nemagtsuk batsamsagmek, wainmachujai betek apajuimtai dakumkamu chichachu aina nu emematujakuitjum duka dekagme.

(Primera carta de San Pablo a los Corintios) 6:11

Yaunchkek atum ainajum anuiyatigmesh nunin aajakuitjume. Tujash yamaik Apu Jesucristo nemagkagmin, Apajuí wakaniya nunú atumin egkemtugmajag tudaugmin utsanjamkag pegkemtijabiajui, nuadui Apajuik pegkegma iman diigmainawai.

(Segunda carta de San Pablo a los Corintios) 12:21

Nuigtushkam puyatajai wi ataktú ijagsattajim dui Apajuí atumiin datsamtan sujusmatai buutig tusan, atum ainajum anuiya yaunchuk nagkamas tudau takainak idaitsuk tsanijinainak ayatak tsumain aina nunak tunamatuk batsamtau asamtai.

(Carta de San Pablo a los Gálatas) 5:19

Iyash pegkegchau wakegamu takaamu paan wantina duka ju ainawai: ekagmamu, tsanijinbau, Apajuí pegkegchau diyamu aina nu takaamu, ii pegkegchau wakegamua duke tunamatja pujugbau,

(Carta de San Pablo a los Gálatas) 5:21

pegkejan takaidau kajejamu, nampeamu, yuwa yuwakua wegamu, nuigtú tikich jumamtin aidaunashkam tibaijime. Nunin aina nuna takaa pujuidauk Apajuí inamtaijinig wayachagtin ainawai tusan.

(Carta de San Pablo a los Efesios) 5:18

Nampekaigpajum anentainkachua nunin ekagtau asamtai, dekas Wakaní Pegkeji takamtijusti tusajum idaimamsatajum.

(Primera carta de San Pablo a los Tesalonicenses) 4:5

nuninak aents Apajuí dekachu aidau senchi iyashí wakegamun takau aina nunitsuk,

(Carta de San Pablo a Tito) 3:3

Wagki jutiishkam yaunchkek anentainkachu, intimkiu, megkaejá batsamsá, iyash pegkegchau wakega nu inaku waitkatai, nuigtú ashí pegkegchau aina nuna shiig anentin aajakuitji. Pegkegchaunum batsamsá, tikichdau pegkeg diigsá kajejuinaku, kajegtamaidaush pempeentunike kajejujakuitji.

(Primera carta de San Pedro) 1:14

Uchi shiig umina iman asajum, eke Apajuí dekachbaunum pegkegchau wakegamu takajakuitjum nunisjumkek pujusaigpajum.

(Carta de San Judas) 1:4

Wagki ujumak aents tsanumag wayawaje nunikag tsanugmajaje, duka yaunchuk nagkamas aatus suwimkan jukitnume tibau aina nu. Nunú aents aidauk pegkegchau ainawai, nunin asag Apajuí anentag amasua dui agkantaitji tusag pegkegchaun takainak Apajuinash dakituinawai nigki imana nuna, nuigtú iina Apuji Jesucristunashkam.