(Primera carta de San Pedro) 4:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Cristo nemajin asagmin pegkegchau chichagtamainakuish atumek shiig aneastajum, shiig aneastajum Apajuí Wakaní imana nu atumin tuke pujau asamtai.

(Primera carta de San Pedro) 4:14 Iomraidhean Croise

(1 Reyes) 10:8

¡Amina nuwem aidauk shiig aneasas batsatatai! ¡Amina inakem aidaush ame pegkeg chichamun antuinakus shiig aneasag batsatatai!

(2 Reyes) 2:15

Tuja profeta aidau nuwi ijunas dii ijunuk, Eliseo dutikaun wainak chichainak: “¡Apajuí Wakani Elíasai pujumia nunú yamai Eliseowai pujawai!” tusag niina igkugtatus wejiajui. Nunik jegantag,

(Salmos) 89:51

Tuke Pujuuwah, amina shiwaajum aidau ¡aatus iina pegkegchaun chichagtamainawai! ¡Aatus ame apu etegkamua nuna aju ajumag pegkegchaun chichajuinawai!

(Isaías) 11:2

Nunikmatai Tuke Pujuu Wakani niyai pujus unuimatan, shiig anentaimtan, senchimetan, tuja Apajuín shiig wainu asamtai, puyatjus umigtan susatnai.

(Evangelio según San Mateo) 5:11

“Shiig aneastajum atumek, aents pegkegchau chichagtamainak, pegkegchau awatamainakuish, mina nemagtau asagmin ashí waitan tsanumjutpainakuish.

(Evangelio según San Mateo) 5:16

Atumshakam nunisjumek, ashí pegkeg aidauk takaakjum aents aidaush iwaintuktajum, nuna wainainak atumin Apa nayaimpinum puja nuna emematiagtinme.

(Evangelio según San Lucas) 6:22

“Shiig aneastin atajum, Aentsmaga akiinau nemaju asagmin aents aidau kajegtamainak, yajá pujusta tusa jiipainak, pegkegchau chichagtamainak, daagmin adaisajash pegkegchau tujamainakuish.

(Evangelio según San Juan) 15:21

Ashí nu aina nunak mina nemagtuidau asagmin imatijabiagtinai, wagki mina Apag awetiuwa nuna dekainachu asag.

(Evangelio según San Juan) 8:48

Tutai judío aidau chichajuinak: —Ii timayag duka dekaske, amek samarianmaya aentsuitme, nunin asamin Iwanch pujugtamui timayag duka.

(Evangelio según San Juan) 9:28

Tutai pegkegchau chichajuinak: —Ameakitme nu aentsú jintintaimek, tujash jutiik Moisesa jintintai ainaji.

(Evangelio según San Juan) 9:34

Tutai dita aiinak: —Ame akiinkumesh ayatak tudauk akiinauwaitkumek, ¿jutii jintinkagtam? tusag jega ijuntainmayan jiikiajui.

(Los Hechos de los Apóstoles) 13:45

Tujash judío aidau kuashat aents tuwakajun wainkag senchi kajekag, Pablo tabaunak dakituidau asag pegkegchau chichajuidau.

(Los Hechos de los Apóstoles) 18:6

Tujash judío aidau dakituinak pegkegchau chichajuinam, Pablo niina jaanchjin pegajá wajantá chichaak: —Atumek bakumajum megkaekatin ainagme, wika atuminig agkantaitjai yamai nagkamsanuk judiochu aidaunum wetatjai, tiuwai.

(Los Hechos de los Apóstoles) 28:22

Tujash ame wajuk anentaime nu dekatasa wakegaji, wagki jutii dekainag duka ashí tikich nugkanmaya aidaush, ju yamajam sectaya juna dakituinak, kuashat chichainamu antaji, tiagmayi.

(Los Hechos de los Apóstoles) 5:41

Dutikawajam apóstol aidaushkam apu ukukiag weenak, shiig aneasag dakunkut weedau, Apajuí Jesusai waitsatnume tima waituidau asag.

(Segunda carta de San Pablo a los Corintios) 12:10

Nuadui shiig aneajai kakaakchau weaknush, pegkegchaun chichagtuinakuish, atsumamu ajutkuish, waitkajuinakuish, utugchat ajutkuish Cristo nemagbaunum waitiajai; wagki shiig kakaakchau dekapmamaknuk nuní senchi dekapmamjai.

(Segunda carta de San Pablo a los Corintios) 4:10

Tuwí wegaji nuig, Jesusan maatatus utujujakú aina imatijamainaji; jutii diigmasag Jesusnash imatiksagkeap waitkajakú ainawa tusag dekatnume tabaunum.

(Segunda carta de San Pablo a los Corintios) 4:16

Nuadui iina iyashí muuntuch weak mijamtaishkam, iina wakaniya nu kashí kashinig senchimeakui mijamtsuji.

(Carta de San Pablo a los Gálatas) 1:24

Wi nunitai Apajuin emematiajui.

(Carta a los Hebreos) 11:26

Nigka egiptonmaya wají aidaun juki shiig aneastatus wakeetsuk, Cristo atak taa waittsatnujin betek waittsatatus wakekauwai, Apajuiyap dekas pegkejan sujustatua tusa dekau asa.

(Carta de San Santiago) 1:12

Shiig aneastinme aents utugchatan depetuk nagkaeguk, wagki utugchatan depetkau aina duka Apajuí pujut tuke atinun niina aneedau aidaun anagkuauwa nuna jukiagtinai.

(Carta de San Santiago) 5:11

Nuadui jutiik shiig anentuinaji waituinakush ichichmamag katsuntuina duka. Atumek antukuitjume wajuk Job waitiakush katsunjauwaita nu, nuigtú inagnamunmash Apu Apajuish wajuk dutikauwaita nu, Apu Apajuik wait anenmain diijatak wait anenkagtinai.

(Primera carta de San Pedro) 2:12

Apajuí nemajuinatsu nujaig shiig kuitamamka pujustajum. Jutii pegkegchau takauwa iman chichagtamaina dusha Apajuí ememattinme, tsawan uwemau atina nuaduish atum pegkeg takasbaun diigtamsag.

(Primera carta de San Pedro) 3:14

Tujash atum pegkeg takaakjum waitiakjumek shiig aneastajum. Makichkish ishamkaigpajum nuigtush uwakmamkaigpajum;

(Primera carta de San Pedro) 3:16

tujash pegkeg anentaiyai nuigtú eme anentsajum dutikatajum, atum Cristo nemaju asajum shiig pujajum nuna pegkegchau chichagtamainak wainak tsanumjutpaina nu datsagtinme.

(Primera carta de San Pedro) 4:16

Tujash makichkikesh Cristo nemaju asa waitiakug datsamigka, nunitsuk nu waitiamua dui Apajuin ememattinme.

(Segunda carta de San Pedro) 2:2

Kuashat saetukagtinai datsanmainun takaina nuna, nuninak dekaskea nunak pegkegchau chichajiagtinai.