(Primera carta de San Pedro) 4:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Makichik aentskesh chichaakug Apajuí chichame tawa dutiksag chichaktí, makichik aentskesh takaakug Apajuí senchí suwa nujai takastí, dutikamunum Apajuiya nu eme anentam atí; nuniakjum Jesucristo yaimpasmatai ememattajum, Apajuí senchigtin ajumaish tuke atina nu. Aatus atí.

(Primera carta de San Pedro) 4:11 Iomraidhean Croise

(Salmos) 145:13

Amina inamtaigmea duka ajumaish tuke atinai, nuadui ajumaish amek tuke inamtinaitme.

(Jeremías) 23:22

Dekas mina chichamjun antuk uminakug, mina aentsug aidaunak mina chichamjun ujakag pegkegchau takatnak idaimitkamain ainawai.

(Daniel) 4:3

¡Yaunchkesh dekashtai aidaun Apajuí iwainamua duka, shiig pegkeg makichkish ejemaitsui! Nii inabaujiya duka ajumaish tuke atinai, tuja niina senchijiya dushakam makichkish nagkankashtinai.

(Daniel) 4:34

“Wi suwimkan juki waitiamu tsawan amuekamtai, wi Nabucodonosor nayaimpin diismaijai, nunikan detsemeajujai betek waitu pujamujun tsagagbaijai. Nunikan Apajuí nigki ashí wagaku tuke pujuuwa nuna emematkun: “ ‘Apajuí senchijiya duka nagkankashtin atakesh tuke atinai, niina inamtaijiya dushakam tuke imanuk atinai.

(Daniel) 7:14

Nunikmatai niina dekas tikich aidaun nagkaesau apu emabi, dutikamtai aents ashí nugkanmaya maki makichik chichamtin aidau niina umijuinak emematiagmayi. Niina senchijig imanisag atinai, tuja inamtaijishkam makichkish megkaekashtinai.

(Evangelio según San Mateo) 6:13

Pegkegchaun takastinme tusamek idaikagtutsuk, ayatak yaijatkam agkanmitkagtuata’, tiuwai.

(Evangelio según San Juan) 13:31

Judas jiinki wematai, Jesús chichaak: —Yamaiya juuwai Aentsmaga akiinauwa nu eme anentam atata nu, nuigtú Apajuinash niiní eme anentiagtatui.

(Los Hechos de los Apóstoles) 7:38

Nunú Moisesa duke Israel uwegshunum ijunjagmatai, muja Sinainum angeljai chichajakua duka, nuigtú iina muunji aajakajua nujaishkam; nigki chicham pujutá sukagtinun jukiuwa dushakam jutii ujapaktinun.

(Carta de San Pablo a los Romanos) 11:36

Ashí najankamu aina duka Ni najankamu ainawai, nunú aina duka ni chichamenig ainawai, nunin asa ashí niinuk ainawai. Iman asamtai: ¡Imá nigki tuke ememattai atí! Aatus atí.

(Carta de San Pablo a los Romanos) 12:3

Minak Apajuí wait anenjug chicham etsegkata tujutiuwa dui ashí atumin tajime: Makichkitigmesh atum wagaakuk anentaimtumigpajum. Duka nunitsuk, dekas makí makichkitijum ebetmamjajum anentaimkau atajum, atumin Apajuí shiig yupichu dutikatnun dekaskeapi tau asagmin sujamsamua nunisjumek.

(Carta de San Pablo a los Romanos) 16:27

¡Apajuí imá nigki yacha, ashí wajiin dekauwa nu tuke emematiagmi Jesucristo daaji pachisa! Aatus atí.

(Carta de San Pablo a los Romanos) 3:2

tujash duka nuninchauwai, dekaskenmag judío aidautik tikich nagkaesau ainaji, Apajuí ni chichame agagbaun dekatkauk jutiná sujamsauwa dui.

(Primera carta de San Pablo a los Corintios) 10:31

Nuadui yuwakjumesh umakjumesh, ashí wají dutikakjumesh, ashí Apajuí ememattsajum dutikatajum.

(Primera carta de San Pablo a los Corintios) 12:4

Kuashat niimtin ainawai don aina duka; tujash Wakaní Pegkejiya duke nunak dutikawai.

(Primera carta de San Pablo a los Corintios) 3:10

Apajuí wait anenjug, Cristo chichame etsegtukta tujutiuwa duwi, wika jega jegamtan yacha nagkamak shugkú ajiyama numamtuk, wi Cristo pachisan nagkamsan atumnak jintintuauwaitjime. Tikich nui ekeniag emainawai, tujash makí makichik kuitamas jegamaina numamtuk, Apajuí chichamenak shiig jintinjamain ainawai.

(Primera carta de San Pablo a los Corintios) 6:20

Wagki atumek Apajuí akikmaka sumakbau ainagme, nuadui atumi iyashmijai Apajuí ememattajum.

(Segunda carta de San Pablo a los Corintios) 2:17

Jutiik tikich aidau kuichkijinatasag Apajuí chichamen yapajiawag waitá etsejuina nuninuk ainatsji, dekaskenum Apajuí awemamu asá, Apajuí eemtin Cristo daajin etsejuinaji.

(Segunda carta de San Pablo a los Corintios) 9:13

Jujú yaibaun jukiag Apajuin emematiagtatui, atum yamajam chicham etsegbau antukjum Cristo dekaskeapi takujum iwainmamkujum dutikajum dui. Nuninak Apajuinash eme anentus emematiagtatui, atum dita wakejusa yayakjum, ashí tikich aidaush yayajum nuadui.

(Carta de San Pablo a los Efesios) 1:19

nuigtú niina senchijí nagkanmainchauwa dushakam jutii ni dekaskeapi tinu aidautin ajutjamji. Nu senchijí imana nunak Apajuí Cristo jakaunak inankiuwa dui iwainakui, dutika nayaimpinum iwaká niina untsujin ekentsauwai,

(Carta de San Pablo a los Efesios) 4:29

Pegkegchau aidauk chichakaigpa, dekas chicham pegkeg tikichnash pegkegnum yaimaina nu chichatajum, antuidaunash shiig awagmamaina nunú.

(Carta de San Pablo a los Efesios) 5:20

Nuniakjum Apajuí iina Apajiya nunú, ashí wají aina nu pachisjum tuke see tusagmeké atajum, iina Apuji Jesucristo pachisjum.

(Carta de San Pablo a los Efesios) 6:10

Nuadui yatsug aidauh, Apu Jesusai ijutkau pujakjum niina senchijí dekas imana nujai ichichmamjatajum.

(Carta de San Pablo a los Filipenses) 1:11

Jesucristo yaimpasagmatai kuashat pegkeg takaagmin tikich aidaush Apajuin eme anentus ememattinme tusan.

(Carta de San Pablo a los Filipenses) 2:11

nuninak ashí nugkanmaya aidaush Jesucristo Apua nuna dekaatnume, nunikag iina Apají Apajuiya nunak ememattinme tusa.

(Carta de San Pablo a los Colosenses) 4:6

Atum augmabauk tuke pegkeg, wakejusa antumain atí, nuigtushkam dekau amainaitjume makí makichkish wajuk aimainaita dushakam.

(Primera carta de San Pablo a los Tesalonicenses) 2:4

Apajuí jutii anentainash ashí diigtamas, yamajam chichaman Cristo pachis etsegtukti tusa sujamsauwa nu etsejuinaji; duka aents shiig awajkata tabaunum nunitsuk, Apajuí iina anentainash shiig dekagtama nu shiig awajkata tabaunum nuninaji.

(Primera carta de San Pablo a Timoteo) 1:17

Nuadui Rey tuke puju, jachau, wainchatai, Apajuí makichkiuchia duke eme anentsá ajumaiya duish tuke ememattai atí. Aatus atí.

(Primera carta de San Pablo a Timoteo) 6:16

Nigkiyai jachauwa dushakam, tsaaptin adigmainchaunum pujuwa nu, makichkish wainchatai nuigtush wainmainchauwa nu, niina senchijish, ni inabaujish tuke atina nu ememattai atí. Aatus atí.

(Carta de San Pablo a Tito) 2:1

Tujash amek chicham dekas jintinkagtuamua dutiksamek chichagkagtukta.

(Carta de San Pablo a Tito) 2:15

Jujuwai jintinkagtumainaitam duka, wakemitkagkagtakum, ajantsuk najam chichagkagtukta. Makichkikesh imanchau diigmaisainum.

(Carta a los Hebreos) 13:7

Adeagtajum atumin Apajuí chichamen jintinjamajakú aina nu, nuniakjum wajuk pujusaya dekaskeapi tiu ainawa nunisjumek atumshakam ainjatajum.

(Carta a los Hebreos) 5:12

Atumek Cristo nemagkajum dukap tsawan pujau asajum, jintinkagtin amainaitkujum, ataktú awagkijum Apajuinun shiig jintias dekas yupichuchin jintinjamatnume tusa atsumagme. Nuniau asajum uchi yamá akiintsau yutai katsugman yumainchau asa, muntsunak muntsuwama nunin ainagme.

(Carta de San Santiago) 1:19

Nuadui mina aneetaig yatsug aidauh, ashí aents aidauk chichaman shiig antumainai, nuniak waugtuk aimchau nuigtush wamak kajechu amainai;

(Carta de San Santiago) 1:26

Makichkikesh atum ainajum anuiya Apajuí umigna iman anenmabiatak, chichaman emetuachuk, nigki anentain tsanuak tu wekaewai, nunin asa ni Apajuin umigjai tawa duka wainkayai.

(Primera carta de San Pedro) 2:12

Apajuí nemajuinatsu nujaig shiig kuitamamka pujustajum. Jutii pegkegchau takauwa iman chichagtamaina dusha Apajuí ememattinme, tsawan uwemau atina nuaduish atum pegkeg takasbaun diigtamsag.

(Primera carta de San Pedro) 2:5

Atumshakam nunisjumek kaya numamtin iwaku ainagme, nunin asagmin wakannumag Apajuí ememattai jega jegamkamu pegkegma iman etamjume, Jesucristo jutiiní mantamna iina tudauji utsanjamkau asamtai Apajuí shiig awagma dutiksaik iina wakaní susata tabaunum.

(Primera carta de San Pedro) 4:10

Makí makichkitijum don jukiu ainajum nujai tikichish yaigtajum, shiig kuitamka takastajum Apajuí anentag makí makichik niimtinun amasajua nu.

(Primera carta de San Pedro) 4:16

Tujash makichkikesh Cristo nemaju asa waitiakug datsamigka, nunitsuk nu waitiamua dui Apajuin ememattinme.

(Primera carta de San Pedro) 5:11

Nigki ajumaish tuke senchigtin atí. Aatus atí.

(Carta de San Judas) 1:25

Apajuí makichkiuch, niina Uchijí iina Apujiya nuna awetugma uwemtijamjauwa duke emematiagmi, imá nigki senchigtinuk, yamaiya juishkam, atakea duishkam tuke atina nu. Aatus atí.