(Primera carta de San Pedro) 3:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Atumek jaanch pegkeg iwajamu aina ibau nugkugjum awantak iwagmamjatasagmek wakemaitsugme. Intashmesh tikich pegkeg diigsatnume tusagmek iwagmaitsugme, nuigtú oro aina imanjai iwagmamjatasagmesh wakemaitsugme.

(Primera carta de San Pedro) 3:3 Iomraidhean Croise

(Génesis) 24:22

Camello yumin uwakagmatai, makichik oro dujinum nenatai najanamun seis gramo kijinji ajamun juki Rebecan detuauwai. Dutika nuigtushkam jimag kuntunum patakumtain oro najanamun cien gramo kijinji ajamun juki nunashkam susauwai.

(Génesis) 24:47

dutikamtai duwi wi niina iniakun: ‘¿Amesh yana nawanjiyaitpa?’ tusan tai nii aijak: ‘Wika Nacoran uchiji Betuel Milcáyai akiinauwa nuna nawanjiyaitjai’, tujutmae. Timatai niina nujiin nenatain detuamjai, tuja nuigtu jimajan kuntunum patakumtain patakuamjai.

(Génesis) 24:53

Apajuín ememati idayak, kuashat waji takatai akik aidaun, plata najanamu aidaun, oro najanamu aidaun, tuja jáanch nugkutai aidaunashkam juki Rebecan susauwai. Dutika nuigtushkam niina umayin niina dukujin aatus waji aidaun susauwai.

(Éxodo) 3:22

Tuja Israel nuwa aina duka maki makichik egiptunmaya nuwa pujamunum ijus pujuidauk, nuniachkush pachiinak pujaushkam jiju plata tutayai dakumka najanamu aidaun, orojai najanamu aidaun, jáanch nugkutai aidaun, aatus segagtatui. Dutikawag nuna ditá uchiji aidaun nawanji aidaujai anujagtatui. Dutika ditá wajiji ashí yajutkamu asag, egiptunmaya aidauk makichkish wajigtuchu juwakagtatui”, tiuwai.

(Éxodo) 32:2

Tusa tiagtai Aarón ditan ayaak: “¡Takugmek atumi nuwemdau, uchigminu, nawanjumdau akiitaiji oro aina nunú ukuitjajum juwi itatajum!” tiuwai.

(Éxodo) 33:4

Tusa Tuke Pujuu timatai nuna antukag, Israel aents aidauk wake besemag dekapenak iwagmamku patakumtai aidaunak patakumachaju ainawai. Tuja nugkutaiji aidaunash nugkugchaju ainawai.

(Isaías) 52:1

Jerusalégnumia aidautijum aneaku niimkau pujustajum, Jerusalén yaakat pegkegma nuwi batsatutigmek wajiu wajastajum, nuniakjum shiig iwagmamkatajum, wagki Apajuín umigchau aents pegkegchau aina duka ataktu awagkig atumnak jetepakchagtatui.

(Isaías) 61:10

“Tuke Pujuu minak shiig anemtijawai. Apajuí minak dakunkut pujutan sujawai. Apajuí minak uwemtijuje. Apajuí minak shiig pegkegnum kuitamjuke.

(Jeremías) 2:32

Nuwa aishinatnuk jáanch aishinku nugkutainak patakumtai aidaujaig makichkish kajimatbaitsui. Tujash mina aentsug aidauk yaunchuk minak kajimatjukiaje.

(Carta de San Pablo a los Romanos) 12:2

Atumek Apajuí nemagchau pujuina nujai betekak pujusaigpajum; nunitsuk dekas anentaimtajum yapajiatajum nunitai pujutjumish yapajinau atí, nuniakjum dekattagme Apajuí wakegamujiya nu, pegkeja dushakam, Apajuin shiig awagma nunú nuigtú imagnisa pujuta dushakam.

(Primera carta de San Pedro) 3:2

dekaskenum Apajuí umigkujum imagnisa pujamun waipainak.