(Primera carta de San Pedro) 3:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Pegkegchauk tupanjata nuniakum pegkeja nu takastá, agkan pujuta nu egaktá nuniakum duke wejitá.

(Primera carta de San Pedro) 3:11 Iomraidhean Croise

(Job) 1:1

Makichik aents aajakui Job daagtin, pegkejam, utugchatji atsuju, Apajuí inake, pegkegchaun takasaig tusa kuitamamin aajakui. Niig Us nugkanum pujujakui.

(Job) 2:3

Tutai Tuke Pujuu ayaak: “¿Mina inakeg Job ima minak umigtinuwe dusha wainkachmakum? Aents ashí nugkanmaya aidaujai ijumja diyamash, niig ima minak umigtak wi wakegamunak takak, pegkegchaun takatsuk pujuuwe imanuk makichkish tikichik atsawai. Tuja ame utugchat atsujaig, dekapsatjai tusa segatkumin dutikata timajame. Tujash ame imatika uchiji aidau, tagkuji aidau ijutuamash nigka shiig umigtawai, nii pegkegchau takamuk atsujui”, tiuwai.

(Salmos) 34:14

Pegkegchau takat aina duka idaisata, nunikam pegkeja duke takasta; nuniakum kakanmamsata maak agkan pujutnum.

(Salmos) 37:27

Pegkegchau takata duka tupanjata, nunikam pegkeja duke takasta, nuniakum ame pujustinun Apajuí anagtabauwa nuwi tuke pujustinaitme.

(Proverbios) 3:7

Ame ima yacha jumamipa, duka nunitsuk Tuke Pujuu umigkata, nuniakum pegkegchau aina nunú tupanjata.

(Evangelio según San Mateo) 5:45

Nunú aajam dutikakjum, atumi Apa nayaimpinum puja nuna uchijí atatjume. Wagki nigka ashí aents pegkeg, pegkegchau aina nudaujai etsanak etsanmitkawai, aikasag yuminashkam pegkejan takaidau, pegkegchau takau aina nudaujai yutumtikawai.

(Evangelio según San Mateo) 5:9

“Shiig aneastinme shiig agkan pujutan chichamjina duka, wagki ditak Apajuí uchijí ainawai tama agtin asag.

(Evangelio según San Mateo) 6:13

Pegkegchaun takastinme tusamek idaikagtutsuk, ayatak yaijatkam agkanmitkagtuata’, tiuwai.

(Evangelio según San Marcos) 14:7

Ujunauch aidauk tuke atumjai batsamiagtatui, nuniakui atum wakegakjumek yaimainaitjume, untsu wika atumjaig pujushtatjai.

(Evangelio según San Lucas) 1:79

suwenum batsataina nuna tsaapmitka; jinta agkan pujutnum ekagtina nui jutiinash awekapasti tau asa”, tiuwai.

(Evangelio según San Lucas) 6:35

Atumí shiwajum aidaush aneetajum, nuigtush shiig awajkatajum, nuigtushkam tsagkatkatajum, niish minash jutiksag iktukti tusa dakatsuk, aatus nuniamunum wají shiig pegkeg jukitnuk ajutjamtinai, nuniakjum Apajuí ashí tikich aidau nagkaesau muunta nuna uchijí atatjume; wagki nigka pegkejai, niina see tuchau aidau, pegkegchau aina nujaishkam.

(Evangelio según San Lucas) 6:9

Nunikmatai Jesús chichajak: —Iniastajime: ¿Tsawan ayamtai aina nuwish pegkejan dutikati atsa pegkegchaun dutikati tibaukait; etsagautskek jakati tusa idaimainait?, tau.

(Evangelio según San Juan) 17:15

Ju nugka jui batsamsainum yajuakta tusanuk segatsjame, Iwanch waitkainakuish ayamjukta tusan segajame.

(Carta de San Pablo a los Romanos) 12:18

Atumek utugsanuk ashí aents aidaujaish shiig agkan pujusag tusajum kakanmamsatajum.

(Carta de San Pablo a los Romanos) 14:17

Apajuik jutiinak ii yuwamun, ii umamun diisag inapatsui. Nigka Wakaní Pegkeji jutiiní puja nu yaimpasmatai pegkeg takaaku, shiig agkan pujaku, dakujusa pujutnum inajatui.

(Carta de San Pablo a los Romanos) 14:19

Nuniau asamtai ashí tikich aidaujaish shiig agkan pujuta nu egakagmi, nuninaku pempeentunisaik Apajuinu dekatnum yainikagmi.

(Carta de San Pablo a los Romanos) 5:1

Yamaik Apajuiyai chichatash agkan ajutjamji, Jesucristo iiní mantamna iina tudaujinash esaktugmagmatai pegkeg ainagme tujabiu asamtai nuigtush iina Apuji Jesucristo dekaskeapi tuinag dui.

(Carta de San Pablo a los Romanos) 7:19

Pegkeg takastasa wakegamua nunak takatsuk, pegkegchau dakitamujua nuna imá takaajai.

(Carta de San Pablo a los Romanos) 7:21

Dutijau asamtai pegkeja nuna takastasan wakegayatkun, pegkegchau ajuta nuna chicham umiktina nuwi dekagmamjai.

(Carta de San Pablo a los Romanos) 8:6

Nunin asa iyash wakegamua duke takaa pujamak megkaetanum ejekagtawai; untsu Wakaní Pegkeji wakega dutiksaik takaamak pujutnum ejekagtawai nuigtú shiig agkan pujutnumshakam.

(Carta de San Pablo a los Gálatas) 5:22

Untsu Wakaní Pegkeji pujugbau aidauk: Anejatnai, shiig aneenai, shiig agkan anentaimas pujuwai, wamak kajeakchau, shiig awakagtin, wait anenkagtin, dekaskeapi tinu,

(Carta de San Pablo a los Gálatas) 6:10

Tsawan eke awa juik ashí aentsuk tutit awagmatsuk pegkegnum yaigtajum, tujash Cristo nemajuina nujai imá senchi yainiktasajum wakeetajum.

(Carta de San Pablo a los Colosenses) 3:15

Atumi anentaiminish Cristunu shiig agkan pujuta nu ajutjamtinme, makichik iyash atinme tusa etegtamjajua nunisag, Apajuik nuna aatus dutijamata tau asa makichik iyashik etamkauwai, nuadui atumek see titajum.

(Primera carta de San Pablo a Timoteo) 6:18

Pegkeg aina duke takastajum tita, pegkeg aidau takatnum wiyakuch atinme, tsagka, nuninak ditanu ajuina nujai yaimkagtatus waketinme,

(Carta a los Hebreos) 12:14

Ashí tikich aidaujaish shiig agkan pujustasajum kakanmamsatajum, nuniakjum pegkee pujustajum, wagki nuna nuniachuk makichkish Apu Jesusnak wainkashtin ainawai.

(Carta a los Hebreos) 13:16

Kajimatkigpajum, pegkeg takaaku tikichjaish pempeentunikiaja yainita duka. Wagki nunú anenjauch sudaibau aina nuuwai, Apajuin shiig awagmaina duka.

(Carta de San Santiago) 4:17

Pegkeg takata nuna dekayatak takaatsu duka, tudau takaak nuniawai.

(Primera carta de San Pedro) 3:12

Wagki Apu Apajuik pegkejan takaina nuna kuitamak, dita Apajuí augbaunash antujui; untsu aents pegkegchaun takaina nunak Apu Apajuik diitnash dakitawai”.

(Tercera carta de San Juan) 1:11

Aneetaijuh, aents pegkegchaun takaa duka dakumkaipa, dekas pegkeja nunú takastá. Aents pegkejan takaa nuuwai Apajuinuk, tujash aents pegkegchaun takaa duka Apajuinak wainchau asa nuniawai.