(Primera carta de San Pedro) 2:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nuadui Apajuí chichame agagbauwa nui: “Diistajum, wi yaakat Siognum apugjai makichik kayan jegá ichichkatin etejamu, shiig pegkeja nuna; niiní dekaskeapi tauk makichkish wainkag juwakchatnai”, tawai.

(Primera carta de San Pedro) 2:6 Iomraidhean Croise

(Génesis) 49:24

Tujash José kuntujig senchi wajaknai, iman asa tuke depetmawai. ¡See kuashat Jacopa Apajuíji senchigtinuh! ¡Apajuí Israelan kuitamna nuna daajin see kuashat!

(Salmos) 40:14

Aents aidau mina mantuawagtatus wakejutuina duka ame inatsakta; dutikamu asag, mina pegkegchau awajtuktatus anentaimaina duka datsantin pisagtinme.

(Salmos) 89:19

Amina chichamjumin etsejin yaunchuk kajanum chichagkum: “Mina aentsug aina nuwiyan makichik wajiun etegkajai, duka mina inakeg Davitai, wi niinak yaigkan, chichame antugtai emajai. Dutikan ¡Israel aents aidaun apuji adaikajai!

(Isaías) 28:16

Nuadui Tuke Pujuu chichaak: “Siógnum makichik kaya etegkamu shiig pegkeg akikan apusattajai, nunú atatui dekas ima eme anentsa diitai. Nunú kayanum ekeni jegamnaktatui. Nunú kayanum kajinas anentaimaidauk shiig agkan batsamsagtinai.

(Isaías) 41:11

“Amina kajegtamin aidaunak, wi inatsaktinaitjai. Dutika ai ememamujinak kajimatkiagtinai. Atumjai maanidaushkam ashí ijinawajam megkaejattawai.

(Isaías) 42:1

“Jujuwai mina inakeg, Wi niinak achiakjai, wi niinak etegkauwaitjai, niini shiig aneajai, niyai mina Wakanjun apusajai; Nii aents ashí nugkanmaya aidaun pujut pegkejan susatnai.

(Isaías) 46:13

Wi atumnak wamak agkanmitkattajime, nunak shiig wamak dutikattajai. Tuja Jerusalégnum aents aidau batsata nunak wi ayamjukan agkanmitkattajai. Mina imanjua duka Israel aents aidaunum atatui”, tiuwai Apajuí.

(Isaías) 50:7

Tuke Pujuu, apua nunuwai mina yainta duka, nuadui pegkegchaun chichagtuina nunak wika najaimatsjai. Nuadui wika kaya múun umuchmainchawama iman wajasan pujuyajai, nuadui wika wainka inatsamak achattajai.

(Isaías) 54:4

Ishamkagtukaipa, wainka pegkegchau chichagmak achatnaitme, dushikiamash achattame. Datsa asam uchijum atsau asamtai, dushikiam wekaeyum duka kajimatkita. Ame wajemea pujamin dushiktamainakui, datsaamin ayum duka yamaik nunikchattame.

(Evangelio según San Mateo) 12:18

“Juwai mina inakeg wi etegkauwaitag nu, mina anetaig, niiní shiig aneamu ajuta nu. Niina susatnaitjai mina Wakanjun, dutikam ni aents judiochu aina nunash pegkeg takat aina nuna ujaktinai.

(Evangelio según San Marcos) 12:10

“¿Atumek Agagbauwa duka ausachuk ainajum: “ ‘Kayá ekenag jegamin aidau, kaya pegkegchauwai tusag dakitjajua nunú, yamai dekas jegá ichichkatin kaya apujtutia iman wajasé;

(Evangelio según San Lucas) 20:17

Tiagtai Jesús ditan esetug diisá: —¿Tujash wajina pachisaya agagbauwa nuwish: “Kayá ekenag jegamin aidau, kaya pegkegchauwai tusag dakitjajua nunú, yamai dekas jegá ichichkatin kaya apujtutia iman wajasé”, tawa?

(Evangelio según San Lucas) 23:35

Nuniamunum aents aidauk dii ijuntuinai, gobernante aidau Jesusan dushikinak: —Tikichnak uwemtiknuwe, yamai niishkam nigki uwemjati, ju dekas Cristo, Apajuí etegkamuitkug, tuidau.

(Evangelio según San Juan) 7:38

Ni minai dekaskeapi tauk, Agagbau tawa nunisag, niina anentainig yumi pujutan sukagtina nunú pukuni jintuktinai, tiuwai.

(Los Hechos de los Apóstoles) 1:16

Yatsug aidauh, David Wakaní Pegkeji dekamtikam, Judas Jesusan achiktinme tusa unupiagtinun pachis yaunchuk Agajua duka kuashat mijan nagkaemakne.

(Carta de San Pablo a los Romanos) 10:11

Aikasag Apajuí chichame agagbauwa nuwi: “Ashí aents niiní dekaskeapi tauk makichkish wainkag juwakchatnai”, tawai.

(Carta de San Pablo a los Efesios) 1:4

Apajuik nugkanash najantsuk Cristui etegtamjauwai pegkejam pegkegchauji atsugbau niina emtinish atinme tusa. Wagki ni anempau asa,

(Carta de San Pablo a los Efesios) 2:20

Atumek, apóstol aidau nuigtú profeta aina nunú, Cristo Jesús kaya jegá ichichna imana nui ekeni jegamaina dutikamu ainagme.

(Segunda carta de San Pablo a Timoteo) 3:16

Ashí Agagbauwa duka Apajuí tibauwa nuuwai, nunin asa atsumtaiyai jintinkagtamunum, anentai yapagkagtuata tabaunum, esekagtuata tabaunmash, pegkeg takat aina nui jintinkagtuata tabaunum,

(Primera carta de San Pedro) 2:4

Cristo, Kaya tuke pujuwa imana nujai ijutkau atajum, nunú kaya numamtina nuna Apajuí etegka tikichin nagkaesau emauwai, tujash aents aidauk dakitug idaisajui.

(Primera carta de San Pedro) 2:8

Nuigtushkam: “Nunú kaya nunak kuashat aents tukumak iyajagtinai”, tawai. Wagki tukumaina duka chichama umiinachu asag nuninawai, aatus nunikti tibau aina nu.

(Segunda carta de San Pedro) 1:20

Tuja ashí dekatkau dekamainaitjum duka: Atak uminkatin chicham Agagbauwa duka, makichik aentskesh ni wajuk anentaimua nu tichamu ainawai,

(Segunda carta de San Pedro) 3:16

ashí ni carta agagbauwa nuig juna pachis chichawai, nunú aina nuiya shiig antumainchaush aina nuna, aents dekachu aidau nuigtú ebetmamjachu aina nu yajupenawai, dutiksag tikich agagbau aina nunash dutikaidau asag, dita bakumatnujin umigmamainawai.