(Primera carta de San Pedro) 2:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Cristo, Kaya tuke pujuwa imana nujai ijutkau atajum, nunú kaya numamtina nuna Apajuí etegka tikichin nagkaesau emauwai, tujash aents aidauk dakitug idaisajui.

(Primera carta de San Pedro) 2:4 Iomraidhean Croise

(Isaías) 28:16

Nuadui Tuke Pujuu chichaak: “Siógnum makichik kaya etegkamu shiig pegkeg akikan apusattajai, nunú atatui dekas ima eme anentsa diitai. Nunú kayanum ekeni jegamnaktatui. Nunú kayanum kajinas anentaimaidauk shiig agkan batsamsagtinai.

(Isaías) 42:1

“Jujuwai mina inakeg, Wi niinak achiakjai, wi niinak etegkauwaitjai, niini shiig aneajai, niyai mina Wakanjun apusajai; Nii aents ashí nugkanmaya aidaun pujut pegkejan susatnai.

(Isaías) 55:3

“Juwi minai kaunajum wi titatjim nunú antuktajum, nuniakjum iwaku pujustajum. Wi Davita aneau asan anagkuawaitag nuna umiakun, atumjai chichaman umiktatjai atakesh yapajinashtin tuke asatnun.

(Daniel) 2:34

Nunú dii wajamin makichik kaya múun mujanmaya, aentskesh shitakchamaitak nigki kagkegak juwaki nunú wajattaman, dawenum dekegka nawe tsaigkam iyaag tepesmae.

(Daniel) 2:45

Apuh, ame kaya makichkish shitakchamaitak kagkegak iyaak aents dakumka najanamu wajaun dekegka tsaika yuku emau wainkaum duka nunú aikaume. Nuna Apajuí tikich tsawantin nagkaemaktinun iwaintugmake. Ame kajamjaum duka dekaske, tuja wajukatnuk aan kajamjaume dushakam wi taja imanisag betek uminkattawai”, tiuwai.

(Evangelio según San Mateo) 11:28

“Minai minitajum ashí atum kuashat takat takaakjum pimpikjum nuigtú kijin aidau yanamaina imanikjum pujautigmek, nunak wi ayamtijatjime.

(Evangelio según San Mateo) 12:18

“Juwai mina inakeg wi etegkauwaitag nu, mina anetaig, niiní shiig aneamu ajuta nu. Niina susatnaitjai mina Wakanjun, dutikam ni aents judiochu aina nunash pegkeg takat aina nuna ujaktinai.

(Evangelio según San Mateo) 21:42

Tiagtai Jesús ditan ayaak: —¿Atumek Agagbau aina duka tuke ausachuk ainajum, nui: “Kayá ekenag jegamin aidau, kaya pegkegchauwai tusag dakitjajua nunú yamai dekas jegá ichichkatin kaya apujtutia iman wajasé; Nunak Apu Apajuí dutikau asamtai jutii diismak anentai ejetumaitsui” tawa duka?

(Evangelio según San Juan) 14:19

Machik asag, aents mina nemagtuinatsu duka waitkachagtatui, tujash atumek waitkattagme, wagki wi pujau asamtai atumshakam tuke pujutin asajum.

(Evangelio según San Juan) 14:6

Tutai Jesús ayaak: —Witjai jintanuk, dekasketnash wikitjai, nuigtushkam witjai pujutnash sukagtinnuk. Makichkish wijaichuk mina Apajuig jegamainchau ainawai.

(Evangelio según San Juan) 5:26

Wagki mina Apajuí pujutak awai, nunin asa wi niina Uchijí asamtai niinish pujutak nunisag ajití tusa sujusui;

(Evangelio según San Juan) 5:40

nuniaig atumek nunú pujut jukitasajum minaig minatsjume.

(Evangelio según San Juan) 6:37

Ashí mina Apag sujamu aina nu minaig tamain ainawai, nunú minai taidaunak wika dakitjashtatjai.

(Evangelio según San Juan) 6:57

Apag iwaaku pujuwa nu awetiu asamtai, wisha niinig iwaaku pujajai; nunin asamtai minaiyan yuwauk, wijai pujustinai.

(Carta de San Pablo a los Romanos) 5:10

Yaunchkek aents aidautik Apajuin shiwaji ainajinig, ni Uchijí iina ayamjutpak mantamna ni Apajijaish epegtugmauwai. Dutijamau asa yamaik Cristo iwaku pujau asa aan nagkaemas ayamjutpaktinai.

(Primera carta de San Pablo a los Corintios) 3:11

Aatus asamtai, nagkamsa Jesucristo pachisa etsegkamua duka, jega jegamkatasa nagkamku shugku ajitiama numamtuk awakamui, nunin asamtai pataká tikich ajimaitsu numamtinai.

(Carta de San Pablo a los Colosenses) 3:4

Nunin asamtai, Cristo atumí pujutjumea nu wantinkatna dui, atumshakam niiya imanuk wantinkatnaitjume.

(Primera carta de San Pedro) 1:19

Cristo numpe shiig pegkeg uwig makichkish tsuwatji atsugbau nuigtú tunamagchau aajakua imana nu,

(Primera carta de San Pedro) 1:7

Atum aaja waitiamunum Apajuiyai dekaskeapi tusa anentaimainajum nu dekapsamu asamtai, Jesucristo taatna duwi dekas eme anentsá diyaaku, nuigtú ememattsa diyaam atinaitjume. Oronum pegkegchau peetkau ajapna ayatak orok juwakti tusa, jiiyai apeamu shiig pegkejama nuna nagkaesau wegawai atum Apajuí dekaskeapi tajum duka.

(Primera carta de San Pedro) 2:7

Atum dekaskeapi tautigminak, nunú kaya duka shiig pegkejai; tujash niiní dekaskeapi tuinatsu nuanuig: “Kayá ekenag jegamin aidau, kaya pegkegchauwai tusag dakitjajua nunú, kaya dekas jegá ichichkatin apujtutia iman wajasé”.

(Segunda carta de San Pedro) 1:1

Witjai Simón Pedro, inakaitjai nuigtush Jesucristo apostoljiyaitjai, iina Apajuiji Uwemtijamin nuigtú Jesucristo pegkejan takauwa nu dekaskeapi tabau shiig pegkeg jutii ajutjama duke ajutjamu asagmin atumnash kumpamjime.

(Segunda carta de San Pedro) 1:4

Nunú senchik ashí pegkeg tikichin nagkaesau aidaun ni anagtamauwa nunash sujamsauwai; dutikamu asag ju nugka jui pegkegchau wakegat aina nunak agkanmagawag Apajuí wajukuita imanuk atinme tujamu asa.