(Primera carta de San Pedro) 2:25 - Awajún: Apajuí chichame pegkejam Porciones del Antiguo Testamento y el Nuevo Testamento

²⁵ Wagki atumek tuke uwig wagakujai betek aajakuitjume, tujash yamaik Jesucristo atumi wakanim aidaun kuitamaina nui wakitkiugme.

(Primera carta de San Pedro) 2:25 Iomraidhean Croise

(Salmos) 80:1

Apajuí, Israel aents aidaun kuitamnuh, ¡ame José wegantu aina duka aents uwigjin kuitamas awekauwama numamtuk kuitamsa awekame! ¡Ame querubin aidauk iname! ¡Iman asam Efraín wegantu aidau,

(Isaías) 40:11

Uwija kuitamnujai betek niina aentsji aidaun kuitamak inimui. Uwig tsakat aidaunak pagkuk juki inimak, yama petsakbau aidaunak shiig puyatjus juki minawai.”

(Isaías) 53:5

Niinak iina katseken nagki ijuajui, tuja iina tudaujin shiig senchi waitkasaju ainawai. Nii waittsamunum agkanmagat jukimui, tuja nii ijunbaunum iinak etsaentamjauwai.

(Isaías) 53:6

Tuja yaunchkek iik uwig kuitamkacham wagaka wekagama numamtuk aayaji. Tujash yamaik Tuke Pujuu iina tudaujinak niyai akikmatjamkauwai.

(Jeremías) 23:2

Tuke Pujuu, Israel aents aidaun Apajuíjiya nunú, niina aentsji aidaun apuji aina nuna chichajak: “Atum aidautijum mina uwig aidau dapampaakugme, dutikajum shiig kuitamtsuk ipisjaugme. Dutikau asagmin wi atumnak suwimkan amastatjime, wagki atumi pegkegchaujin achijag tikich nugkanum yajuakaju asagmatai. Witjai Tuke Pujuunuk, nunak dekas tajai.

(Ezequiel) 34:6

Uwig aidauk ashí muja aidaunum tuja nain aidaunum pisaje, nuninak ashí nugkan pampamtuk megkaejae, nunik megkaejamtaish, nuna egaka awakjatatus puyatjauk makichkish atsawai.

(Ezequiel) 37:24

“ ‘Dita aidaun apujig David atatui, tuja ditan kuitamkatnushkam ima Davitak atinai. Untsu chicham umiktinun wi ditan susauwaitag nunak dita umikagtinai.

(Evangelio según San Mateo) 18:12

“¿Wajuk anentaimjume? Aents cien uwig ajamu makichik wagak megkaetukam, noventa y nueve uwija nunak muja aidaunum batsaak, ¿megkaekauwa nuna egaak wemainchaukaih?

(Evangelio según San Mateo) 9:36

Aents imanik tuwaidaun wainak, wait anenjauwai, wagki pimpikiag nuigtú pampagkag uwig pastorji atsugbau wajukmaina nunidau asagmatai.

(Los Hechos de los Apóstoles) 20:28

Nuadui atumek kuitamamkujum ashí Apajuí iglesiajiya dusha kuitamkatajum. Adeagtajum atumnak Wakaní Pegkejiya nu pastor etamkajui, Apajuí iglesiaji niina Uchijí numpeen sumakua nuna kuitamkatnume tusa.

(Carta a los Hebreos) 13:20

Apajuí shiig agkan pujutan sukagtina nu, iina Apuji Jesús aents uwigjin shiig kuitamna imana nu jakaunak inankiuwai, niina numpeejai ajumaish tuke atinun chichaman apakua nuna,

(Carta a los Hebreos) 3:1

Nuadui yatsug aidauh, atum Apajuí mina aentsug pegkejam atinme tusa etejamu aidautigmek, Cristo Jesús Apajuí etegkamu, sumo sacerdoteya duke puyatjusjum anentaimtitajum. See tajai jutiishkam nigki dekaskeapi tuidau asaja ni pachisa etsegtuinag dui.

(Carta a los Hebreos) 5:2

Tujash sumo sacerdotek nigkishkam pegkegchaun takamain asa, aents Apajuí umigtan shiig dekachu asag, wainak pegkegchaunum yujaidaunash wait anentus yaigtí,

(Primera carta de San Pedro) 3:20

yaunchuk Noé pujusmatai batsamajakú intimkiaju aina nuna, Apajuí waugtutsuk arcan najantai dakajakua dui, nu nuniamunum ujumak aents, ocho yuminmag uwemjajui.

(Primera carta de San Pedro) 5:4

Nuniau asajum, pastor ashí nagkaekagtasua nu wantinkatna dui atsejutai duka najanamu kagama nuninchau tuke atina nu jukitnaitjume.