(Primera carta de San Pedro) 2:23 - Awajún: Apajuí chichame pegkejam Porciones del Antiguo Testamento y el Nuevo Testamento

²³ nigka pegkegchau chichagmash, pegkegchaunakesh aimkachui. Imatika waitkamash, iikmakagkesh chichakchauwai, ayatak Apajuí dekaskenum pegkejan takauwa nuna idaitujakui.

(Primera carta de San Pedro) 2:23 Iomraidhean Croise

(Génesis) 18:25

¡Aents pegkegchaun takaschau aidauk, pegkegchau takasu aina nujai ijumjamek pegkegchaun takasua numamtukek ijinmaitsume! ¡Dekas wait aneasam dutikawaipa! Amek Apu chicham epegkin asam ashí nugkanmaya apu aina nuna Apujiyaitme, nuadui, ¿aents pegkegchaun takaschau aina duka ayamjukchattamek?” tiuwai.

(Salmos) 37:5

Amina pujutjumek Tuke Pujuu idaitusta, dutikakum niyai kajinmamsam pujusta, nuniamin nii yaimpaktatui.

(Salmos) 96:13

juju nugka juwi inamjatin mina nuna emtin pampaitnume! ¡Tuke Pujuu dekas iina nugken inamjatatus taattawai! Nunik taa aents aidau takasbaujin diijus etegjattawai.”

(Isaías) 53:7

Niinak shiwag aidau shiig senchi suwimawagmayi, imatikamash niig ayatak yunumkabi, nuniak makichkish chichakchabi, uwig maatasa juki ematia numamtuk jukiag emagmayi maatasag. Tuja uwig uje tsupigmash takamtak tepegama numamtuk makichkish chichakchabi.

(Evangelio según San Lucas) 23:41

Jutiik dekaskenum waituinaji, ii nunikbaunum suwimak juwau asá; tujash juka makichkish pegkegchau takasbauk atsujui, tau.

(Evangelio según San Lucas) 23:46

Nuniai Jesús senchi untsumak: —¡Apawah, amina uwegmin mina wakanjunak idaijai! tau. Nuna tusa jakauwai.

(Evangelio según San Lucas) 23:9

Nuniau asa kuashat iniasui, tujash Jesusak makichkish aikchauwai.

(Los Hechos de los Apóstoles) 17:31

Wagki Apajuik makichik tsawantan mamikiauwai, nunú tsawan jegatai ashí nugkanmaya aidaun, Cristo Aentsmaga akiinau maamu nantakiuwa nuna, yamaik aents pegkegchau aidau, pegkeg aidaujai etegjam akankam ijumjata titin asa.

(Los Hechos de los Apóstoles) 4:29

Nunin asamtai Apuh wainme amina inakem aidaun awantuina nunú, senchijum susata, ditash ishamkagtutsuk chichamjumin etsegkatnume,

(Los Hechos de los Apóstoles) 7:59

Kayai tukuamaitak Esteban Apajuin aujak: “Apu Jesusah, mina wakanjuk jujutkita”, tusa

(Los Hechos de los Apóstoles) 9:1

Nuna nuninai Sauloshkam Apu Jesusa nemajuidaun maatasa awantanak idaichau. Nuniau asa sumo sacerdoten jegajuau.

(Carta de San Pablo a los Romanos) 2:5

Tujash ame antushtaigmin, tudau takat idaikum pujutjum yapajishtaigmin suwimak aminu atinuk ikauntumame, tsawan jegatai Apajuí kajeká, aents takasbaujiya dutiksag suwimkan susatna nui aminush atina nu.

(Carta de San Pablo a los Efesios) 6:9

Nunin asamtai inamin aidautigmesh, atumi inakem aina duka awantsagmek chichajigpajum. Adeagtajum atumin inapau, ditanash ina duka, nayaimpinum makichik Apu puja nunú, nigka aentsnak akanjag diyatsui.

(Segunda carta de San Pablo a los Tesalonicenses) 1:5

Nunú iwainawai dekaskenum Apajuí pegkejan takauwa nuna, nunin asa yamai waitiajum dui Apajuí niina inamtaijin awaintamawagtinai.

(Segunda carta de San Pablo a Timoteo) 1:12

Duwi wika ashí ju aidaunak waitiajai, tujash datsamatsjai; wagki, wi yana dekaskeapi tiuwaitja nuna dekau asan, nuigtush nigkiap senchigtina ibau asa, atak tsawan atina dui midau atinnash kuitamjutua tau asan.

(Segunda carta de San Pablo a Timoteo) 4:8

Nuigtushkam wi pegkeg takasbaunum corona jukitnuk kuitamkam ajutui, nunak Apu Jesús juez dekas pegkejan takauwa nu tsawan atina nui sujustinai; tujash imá minakek sujuschatnai, ashí ni minitnun aneas dakasu aina nunash susatnai.

(Carta a los Hebreos) 12:3

Nuadui Jesús nunikbauwa nu anentaimtusjum diistajum, nigki aents tudaugtin aidaunum waittsatjai tumami senchi waittsauwa nunú, nuadui pimpitash pimpitsuk, mijattsuk nemagkatajum.

(Primera carta de San Pedro) 3:9

Pegkegchau awajtamainakuish, pegkegchaunmag iikaigpajum, pegkegchau chichagtamainakuish pegkegchauk chichagkaigpajum. Duka dutiktsuk pegkeg chichagkatajum, nuna nuninak pegkeg yumigkia nuna jukitnume tusa untsukbau ainagme.

(Primera carta de San Pedro) 4:19

Nunin asamtai, Apajuí wakega dutiksag waituidauk, ditá wakaní aina nunak Apajuí najankagtin betek umina nuna idaitumainai nuninak pegkeja nunak takamainai.

(Apocalipsis) 19:11

Nuniai nayaim ujanmatai caballo pujun wainkabiajai, nui entsatka duka “Betek Umin” nuigtush “Dekaskea nu” daagtinuyi, nuigtushkam suwimkanash dekas dutiknuyi, aantsag maaniakush dekaskenum maaninuyi.