(Primera carta de San Pedro) 2:21 - Awajún: Apajuí chichame pegkejam Porciones del Antiguo Testamento y el Nuevo Testamento

²¹ Nuna nuniktinme tusa untsukbau ainagme, wagki Cristushkam jutiiní waittsauwai, atumnash ni wajukauwaita nunisag waittsatnume tusa iwaintugmak.

(Primera carta de San Pedro) 2:21 Iomraidhean Croise

(Evangelio según San Mateo) 10:38

tuja ni mina nemagtuk waittan dakitaushkam, midau amaitsui.

(Evangelio según San Mateo) 11:29

Wi atumin dutikatajum tajim juka umiktajum nuniakjum midau unuimagtajum, wi batajuch nuigtú imanchauch anentaimtumauwaitag nu; aaja nuniakjumin wi atumi wakanminash ayamtiksattajai.

(Evangelio según San Mateo) 16:24

Nuna tii Jesús ni jintintaiji aidaun: —Makichik aentskesh mina jintintaig atatus wakegauk, niinunak idaiyak, waitiakush nemagtukti.

(Evangelio según San Lucas) 24:26

¿Atumek dekatsjumek Cristuk niina imanjiya nuwig eke waitsuk waittsatna duka?

(Evangelio según San Juan) 13:15

Wi jutikag junak, atumesh jutiksagmek takastajum tusan iwaintakun jutikajime.

(Evangelio según San Juan) 16:33

Juna tajim junak, minaiya shiig agkan pujuta nu ajitnume tusan tajime. Ju nugka juig waitiamuk igkugtinaitjume, tujash ichichmamjatajum, wi ju nugkanmayanak depetkajai.

(Los Hechos de los Apóstoles) 14:22

Nui jegawag Jesusa nemajuidaun chichajuinak: —Atumek dekaskeapi tiuwaitjum nuig emetmamatajum, Apajuí inamtaijin wayata takuik, kuashat waitiamuk inagkemainai, tiaju.

(Los Hechos de los Apóstoles) 17:3

Dutikak, Cristuk waitkasa maam ataktú nantaktinai tusa agagbauwa nuna pachis ujaak: —Wi Jesusan pachisan ujaajim, nuuwai Cristuk, tiuwai.

(Los Hechos de los Apóstoles) 9:16

wagki wi iwaintuktatjai mina daajun pachis etsejak wajupa waittsashtatua nuna”, tiuwai.

(Carta de San Pablo a los Romanos) 8:29

Wagki ni yaunchuk emtika wainkamuji ainag nu aidautin etegtamjauwai mina Uchig Cristua imanuk atinme tusa, dutikau asa ni yachi kuashat aina nuig ni iwai atí tiuwai.

(Primera carta de San Pablo a los Corintios) 11:1

Wi Cristo pujutin diisan niina nemajag antsagmek, atumshakam mina pujutug diisjum Cristo nemagkatajum.

(Carta de San Pablo a los Efesios) 5:2

Cristo jutii anempau asa nigki jutiiní tsagkamankauwa nunisjumek tikich aidaush aneetajum, Cristo maamua duka kugkuin pegkejan kugkuwama iman Apajuinak shiig awajkauwai.

(Carta de San Pablo a los Filipenses) 2:5

Atumnash Cristo Jesús anentaimajakua nuninuk anentaimtash ajutjamain ainawai;

(Primera carta de San Pablo a los Tesalonicenses) 3:3

makichkikesh nunú waitiamu aina nujai pachimdaekainum tusan. Tujash atumek dekagme nunú wají aina nuig waitmainaitag duka.

(Primera carta de San Pablo a los Tesalonicenses) 4:2

Wagki atumek dekagme Apu Jesús dutikata tibaun jintintuabiajim nu.

(Segunda carta de San Pablo a Timoteo) 3:12

Nunisag, ashí aents imá Cristo Jesusnak umijuinak pujustatus wakejuidaushkam, waitkam agtinai,

(Carta a los Hebreos) 2:10

Ashí wají ni najankamu ayá duka niinuk ainawai. Nigka wakegawai ashí niina uchijí aidauk nayaimpinum pujustinme tusa. Nuna dutikata tau asa Apajuí Jesucristunak waittsati tiuwai, ni nunikbaunum ashí niina uchijí aidaunak pegkeg emak uwemtikata tau asa.

(Primera carta de San Pedro) 1:20

yaunchuk nugkash najaneatsaig nunikti tibau aajakui, tujash yamai tsawan nagkanbauwa jui atumi anempau asa wantintugmake.

(Primera carta de San Pedro) 2:24

Nigki iina tudaujinash niina iyashin jukiuwai numinum achinjauwa dui, tudau takatnak idaiyinak, pegkeja nuna takastinme tujamu asa; niina iyashí tsupinjauwa dui atumek tsagaju ainagme.

(Primera carta de San Pedro) 3:18

Wagki Cristushkam tudau aidaunum makichkia jakauwai, pegkejan takauwa nu pegkegchau takau aidaunum, Apajuiyai jujamkita tau asa. Iyashinig jaak waittsauwai tujash aneantui Wakaní Pegkejiya nuna senchijin,

(Primera carta de San Pedro) 3:9

Pegkegchau awajtamainakuish, pegkegchaunmag iikaigpajum, pegkegchau chichagtamainakuish pegkegchauk chichagkaigpajum. Duka dutiktsuk pegkeg chichagkatajum, nuna nuninak pegkeg yumigkia nuna jukitnume tusa untsukbau ainagme.

(Primera carta de San Pedro) 4:1

Cristo jutiiní niina iyashin waittsau asamtai, atumshakam nujai betek nuniktasajum anentaimsatajum; wagki ni iyashin waittsauwa dui tudaunak inagnakui,

(Primera carta de San Pedro) 4:13

Duka nunitsuk, Cristo waittsauwa nunisjumek waitiau asajum shiig aneastajum, nuniau asajum ni imanjin wantinkatna duish shiig senchi aneakjum dakujusminjum.

(Primera carta de San Juan) 2:6

Aents Apajuijai ijutkau pujajai tauk, Jesús pujujakua nunisag pujumainai.

(Primera carta de San Juan) 3:16

Jutiik Jesucristo iiní mantamdauwa dui anenkak dekauwaitji, ni jutiiní mantamnak waittsau asamtai jutiishkam nunisaik iina pujutjig tsagkaamainaitji tikich Jesucristo nemajuina nui.

(Apocalipsis) 12:11

Ditak Uwijá numpejai nuigtú, niina chichame etsegbauwa nujai depetmakaje, nuigtush ditá pujutinash puyatjukchaje jakagtatus uminas yujaidau asag.