(Primera carta de San Pedro) 2:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Nuniakum uchi yamá akiintsau muntsun muntsuatatus senchi wakejuwama numamtuk, Apajuí chichame shiig pegkeja nu wakejitajum. Nujai wakanmin tsakaakjum uwemat jukimnujum.

(Primera carta de San Pedro) 2:2 Iomraidhean Croise

(2 Samuel) 23:5

Apajuík wijai chichaman umikui, duka atakesh tuke atinai. Nuadui mina pataag aidauk ishamtsuk shiig batsamtatui, tuja ima Apajuíke pujut pegkejan sukagta duka.

(Oseas) 14:5

Israel aents aidaunmak wika jegashkijai betek atatjai. Tuja dita aidauk Lirio yagkujuwama iman, Líbanonmaya setug shiig kagkapenag wajama iman agtatui.

(Oseas) 14:7

Israel aents aidauk ataktu wi kuitamkam batsamsagtinai; dutikamu asa trigojai betek tsakajagtinai, nuninak uva yagkujuwama imaniagtinai, kugkuntishkam muja Líbanonmaya vinon kugkuntijai betek atinai.

(Oseas) 6:3

¡Tuke Pujuu umigtanum kakanmamsagmi! Imaniajinig etsa kashi kashinig jiina numamtuk, tuja numi yagkujutnum yumi yutak nugka uchupiama imanis iina yaimpaktatus tajutjamattawai”, tuidau.

(Malaquías) 4:2

Untsu atum mina eme anenjautigminak shiig kuitamkattajime. Duka makichkish uukchamu paan etsa etsantujai betek atinai. Tuja pegkegchau awajtamkatag tuinakuish wi kuitamkatnaitjime. Dutikamu asajum, toro tsakatuch aidau wenuken batsatu jiinainak, shiig aneas tsekegama imanitnaitjume.

(Evangelio según San Mateo) 18:3

chichaak: Dekas tajime, atum yapajinajum uchi aina numamtin wegachkugmek, Apajuí inama nuig waimain ainatsjume.

(Evangelio según San Mateo) 19:14

Nudiagtai Jesús chichaak: —Idaisatajum uchi aidauk minai minitnume, utujiakaigpajum, wagki Apajuí inama duka jujú uchi aina junin aina nudauwai, tiuwai.

(Evangelio según San Marcos) 10:15

Dekas tajime: Aents aidau, uchi mina anentaimjutuina imanis anentaimjutuinachuk, Apajuí inamak amain ainatsui, tiuwai.

(Evangelio según San Lucas) 18:17

Dekas tajime: Aents aidau, uchi mina anentaimjutuina imanis anentaimjutuinachuk, Apajuí inamak amain ainatsui, tiuwai.

(Carta de San Pablo a los Romanos) 6:4

Nunin asaja yamimainakuik Cristun ukusajua numamtuk wajainaji, niijai betek jakauwa numamtuk wajaidau asá. Nuniku asaja Cristo Apají niina senchijí imana nujai inankiuwa numamtuk wajainaji yamajam pujutnum pujuidau asaja.

(Primera carta de San Pablo a los Corintios) 14:20

Yatsug aidauh, uchi anentaimuk wajaigpajum. Dekas uchi anentaimu wajatajum pegkegchau anentaimtushtanum, tujash anentaimtanmag katsuaju ainayatkujum.

(Carta de San Pablo a los Efesios) 2:21

Ashí Cristo nemajuidauti niijaig ijunainaku kanamainchau waigkaja ayatak kawenaji jega Apu ememattai pegkegma iman wajastag tabaunum.

(Carta de San Pablo a los Efesios) 4:15

Duka nunitsuk dekaskea duke chichainaku tikich aidaujaish aneenimainai, nu aaja nuninaku ashí ii takaamuji aina nujai Cristuwa imanuk amainaitji. Cristo nemajin aidautinak niiyai jutii Apujiya duka.

(Segunda carta de San Pablo a los Tesalonicenses) 1:3

Yatsug aidauh, jutiik atum pachisa Apajuí tuke see tusaikí ainaji, nuuwai dutikmaina duka, wagki atumek aan nagkaemasjum dekaskeapi tuinakjum, pempeentunisjumek aan nagkaemasjum aneenidau asagmin.

(Primera carta de San Pedro) 1:23

wagki atumek ataktú akinau ainagme, jaka besen aina nujaichu, Apajuí chichame jachau iwaku tuke auwa nujai.

(Segunda carta de San Pedro) 3:18

Nunitsuk, dekas tsakagtajum anentag jukimua nui nuigtú iina Apuji Jesucristo Uwemtikagtina nu dekatnum, nigki yamaish nuigtú tuke pujustin tsawan jegatna nuish ememattai atí. Aatus atí.