(Primera carta de San Pedro) 2:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Wagki juuwai Apajuí wakegamua duka: pegkejan takainak aents dekachu, shiig anentaimkachu aina nunash itatmitkaktinme tawa nu.

(Primera carta de San Pedro) 2:15 Iomraidhean Croise

(Job) 2:10

Tusa tama Job ayaak: “¡Duwajuh, nuwa anentainkachujai betek chichakaipa! Apajuí waji pegkeg aidaun kuashat amaakui juwag dutiksaik, nii pegkegchaun amaakuishkam jumainaitji”, tiuwai. Tuja imanik waitiakush makichkish pegkegchaunak takamsachui, nuigtush pegkegchaunakesh Apajuínak chichagkachui.

(Job) 5:16

Tuja aents kakaakchau aina duka, Apajuí ayamjutuk uwemtijugti tusa dakainawai. Apajuík aents pegkegchau aina nunú, tikich aents kakaakchau aina nuna, kuntin yutaijin, yuwa amuwama numamtuk amukti tusag idaitsui.

(Salmos) 107:42

Nuna aents Apajuí umijin aidau diisag shiig anenawai. Untsu aents pegkegchau aidauk datsaamainak ataktuk tumainchau dekapenawai.

(Evangelio según San Mateo) 25:2

Cinco nuwa aina duka shiig anentaimkachu aajakajui, nuniai tikich cinco aina duka shiig anentaimkau aajakajui.

(Evangelio según San Mateo) 7:26

Untsu mina chichamjun antuinayatak umigtachuk, aents anentainkachu jegan kayamnum tauk ajigká jegamkauwa nuninai.

(Carta de San Pablo a los Romanos) 1:21

Apajuinak shiig dekainayatak, niinak eme anentus see tutsuk, ayatak pegkegchaunak ane anentaimainakua dekamainchau wajasajui.

(Carta de San Pablo a los Gálatas) 3:1

¡Galacianmaya anentainkachu aidauwah! Atum jutii Jesucristo achigbauwa nu pachisa etsegjin, paan achigbau wainkajum anentaimtumainaitjum imatiksajum anentaimtibiujum nunash, ¿yaa chicham dekaskea nuna umikai tusash tsanugmajaje?

(Deuteronomio) 32:6

Tuke Pujuu atumin kuitamjama duwika ¿aan iikuajum? Atumek yachachu, anentainkachu ainagme. ¿Apajuíchukai atumi apa najapauwa nunú? ¡Apajuíyai amina najapa uyujtamak senchimtijamauwa duka!

(Primera carta de San Pablo a los Tesalonicenses) 4:3

Atumnak Apajuik imá midau pegkeg aina nunak takainak, tsanijintsuk pujustinme tusa wakejutpagme.

(Primera carta de San Pablo a los Tesalonicenses) 5:18

Ashí pachisjum Apajuí see titajum, wagki nuuwai ni wakegamuk, atum Cristo Jesusai dekaskeapi tuidautijum nunimainaitjum nu.

(Primera carta de San Pablo a Timoteo) 1:13

wi yaunchuk pegkegchau chichajujakú, niina nemajuidaunash ainkun waitkajakú aigkish. Tujash Apajuí minak wait anenjujui, wagki wika eke dekaskeapi tujakchauwaitjai, nuigtush dekachu asan nunikuitjai.

(Carta de San Pablo a Tito) 2:8

chicham dekaskea nu, dakitmainchau; aaja nuniamin shiwagshakam datsaagti, nuninak jutiinash makichkish pegkegchau tujamainchau atinme.

(Carta de San Pablo a Tito) 3:3

Wagki jutiishkam yaunchkek anentainkachu, intimkiu, megkaejá batsamsá, iyash pegkegchau wakega nu inaku waitkatai, nuigtú ashí pegkegchau aina nuna shiig anentin aajakuitji. Pegkegchaunum batsamsá, tikichdau pegkeg diigsá kajejuinaku, kajegtamaidaush pempeentunike kajejujakuitji.

(Primera carta de San Pedro) 2:12

Apajuí nemajuinatsu nujaig shiig kuitamamka pujustajum. Jutii pegkegchau takauwa iman chichagtamaina dusha Apajuí ememattinme, tsawan uwemau atina nuaduish atum pegkeg takasbaun diigtamsag.

(Primera carta de San Pedro) 3:16

tujash pegkeg anentaiyai nuigtú eme anentsajum dutikatajum, atum Cristo nemaju asajum shiig pujajum nuna pegkegchau chichagtamainak wainak tsanumjutpaina nu datsagtinme.

(Primera carta de San Pedro) 3:17

Wagki pegkeg takaaku waitiamu nu imá pegkejai, Apajuish aatus wakegakuig, pegkegchau takaaku waitmaina nu.

(Primera carta de San Pedro) 4:2

wajupa tsawan pujumain awa nunak, niina iyashí senchi wakegamun takaa pujutsuk, Apajuí wakegamua nunak takastinme tujamu asa.

(Segunda carta de San Pedro) 2:12

Tujash nunú aents aidauk ditakesh antachiatak wají pegkegchau aidaun chichainawai; ditak kuntin anentainchau ayatak akiinawag maam megkaega nuniktin ainawai,

(Carta de San Judas) 1:10

Tujash nunú aents aidauk dekainachiatak pegkegchaun chichajuinawai. Ditak kuntin anentaimainachu asag dita wakegamunum pujuina numamtuk, dita pegkegchau wakegamujiya nunak wejuinak, ditak pegkegchau weenawai.