(Primera carta de San Pedro) 2:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Atumek yaunchkek Apajuí aentsji aajakchauwaitjume, tujash yamaik Apajuí aentsji wajasugme. Yaunchkek Apajuí wait anenjachbau aajakuitjume, tujash yamaik wait anenjamjaje.

(Primera carta de San Pedro) 2:10 Iomraidhean Croise

(2 Samuel) 7:24

Wagki Israel aents aidauk tuké amina aentsjum atin atinme tusam tiuwaitme. Tuja ame atinaitme Tuke Pujuu ditan Apajuíji.

(Oseas) 2:23

Mina aentsug aidaunak Israel nugkanum ima midauk agtinun batsastinaitjai. Dutikan chichagkun: ‘Atumek mina aentsjuchu ayugme, tujash yamaik mina aentsug ainagme’, titinaitjai. Untsu dita chichagtuinak: ‘¡Ametme iina Apajuíjig!’ tujutiagtinai.”

(Carta de San Pablo a los Romanos) 10:19

Ataktushkam iniastajime: ¿Dekaskek Israel aidaush dekaachu aina? Duka nuninchauwai. Dekatkauk Moisés Apajuí tama iina pachipas: “Wi atumnak akasbau emattajime mina aentsjuchu aina nuna yayaakun, tuja atum aents imanchau diyajum nuna yayaakun kajemtikattajime”, tiuwai.

(Carta de San Pablo a los Romanos) 11:30

Atum judiochu aidautigmek yaunchkek Apajuí chichameg umigchau aajakuitjume, tujash yamaik judío aidau Apajuí chichamen umijuinachu asamtai, Apajuí atumin wait anenjamjaje.

(Primera carta de San Pablo a los Corintios) 7:25

Untsu aishinchau aidau dita chicham umimainji Apu tujutbauk atsugtawai; tujash wi anentaibaun tajai, Apajuí wait anenjuju asamtai tajim duka kajintsá antugtumain ainagme.

(Primera carta de San Pablo a Timoteo) 1:13

wi yaunchuk pegkegchau chichajujakú, niina nemajuidaunash ainkun waitkajakú aigkish. Tujash Apajuí minak wait anenjujui, wagki wika eke dekaskeapi tujakchauwaitjai, nuigtush dekachu asan nunikuitjai.

(Carta a los Hebreos) 4:16

Nuadui Apajuí anejatin ekeemtaijin eketa nunú kajintsá adijka ausagmi. Ni jutiinak wait anenjamag ashí ii atsumamunmash yaimpaktatui.