(Primera carta de San Pedro) 1:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nuadui atumek shiig aneajume, nunimainaitkuig yamai ujumak tsawantai kuashat niimtinai waitkasa dekapsamu amainaitjume.

(Primera carta de San Pedro) 1:6 Iomraidhean Croise

(Salmos) 34:19

Tuke Pujuun umigna duka kuashat utugchatan igkuawai, tujash niinak Apajuí depetmatnak suwawai.

(Salmos) 69:20

Ima imatjutuinakua ipimtukiaje, nuadui shiig aneasa pujumainchau kakaagchamin dekapeajai. Yaki wait anenjug anentaijun ichichtujainta tusan, egaknush wainkachmaijai.

(Salmos) 95:1

Kaunatajum, Tuke Pujuu, iina kuitamjamak uwemtijamna nunú shiig aneasa kantamjuawagmi.

(Isaías) 61:10

“Tuke Pujuu minak shiig anemtijawai. Apajuí minak dakunkut pujutan sujawai. Apajuí minak uwemtijuje. Apajuí minak shiig pegkegnum kuitamjuke.

(Isaías) 61:3

Israel aents aidau dita shiwaaji depeteam buutu batsata nuna shiig aneastinme, tuja yukuun ukatmama batsata nuna dakunkut anentain susati tusa awetine. Tuja wi agkanmitkamu asag, numi roble Apajuí ajakbau pejkejush amain aina iman asagmatai, tikich aidau chichajuinak: ‘Roble katsujam tegamainchau’ tiagtinai.

(Evangelio según San Mateo) 11:28

“Minai minitajum ashí atum kuashat takat takaakjum pimpikjum nuigtú kijin aidau yanamaina imanikjum pujautigmek, nunak wi ayamtijatjime.

(Evangelio según San Mateo) 26:37

Tusa Pedron nuigtú Zebedeo uchijin mai juki wesa wake besetan nagkamauwai, nuniak shiig senchi anentaimak waitiau.

(Evangelio según San Mateo) 5:12

Shiig aneasjum dakujustajum, wagki atum jukitnuk shiig muun nayaimpinum ajutjamaidau asamtai. Wagki atum atsagmin profeta batsamajakua nunash aatus waitkasaju ainawai.

(Evangelio según San Lucas) 1:47

Mina wakanjuk shiig aneawai Apajuí mina uwemtijina nui,

(Evangelio según San Lucas) 10:20

Tujash shiig aneasaigpajum wakan pegkegchau aidau antugtamkaja duikik, dekas shiig aneastajum, atumi daagmik nayaimpinum agagbauwa nuadui.

(Evangelio según San Lucas) 2:10

Nuniagtai ángel chichaak: “Ishamkaigpajum, wika atumin yamajam chichaman ujaktasan minitjime, ashí aents aidau shiig aneasagtata nuna.

(Evangelio según San Juan) 16:22

Atumnashkam aantsag yamaik wake besemag ajutjamainawai, tujash wakettsanuk wainkattajim dui, atumi anentaimin shiig aneastinaitjume, nunú shiig aneamugmia nunak makichkish emegkatjamainchau ainawai.

(Evangelio según San Juan) 16:33

Juna tajim junak, minaiya shiig agkan pujuta nu ajitnume tusan tajime. Ju nugka juig waitiamuk igkugtinaitjume, tujash ichichmamjatajum, wi ju nugkanmayanak depetkajai.

(Los Hechos de los Apóstoles) 14:22

Nui jegawag Jesusa nemajuidaun chichajuinak: —Atumek dekaskeapi tiuwaitjum nuig emetmamatajum, Apajuí inamtaijin wayata takuik, kuashat waitiamuk inagkemainai, tiaju.

(Carta de San Pablo a los Romanos) 12:12

Shiig aneasjum pujustajum atum jukitin dakakjum pujau asajum. Waitiakjumesh emamkesjum katsunjatajum. Apajuí aujut idaisaigpajum.

(Carta de San Pablo a los Romanos) 5:11

Imá dukechui jutii Apajuiyai shiig aneenag duka, iina Apuji Jesucristo Apajuijai shiwagmagamun epegtugmauwa duish shiig aneenaji.

(Carta de San Pablo a los Romanos) 5:2

Cristo dekaskeapi tabaunum Apajuik adijkauwaitji, ni wait anenkagtuju asamtai shiig aneenaji nuniaku shiig aneasa dakainaji nuigtushkam Apajuí tsuwatan antiakchauwa imanuk iishkam wajasaja, atak niijai ijunja pujustinaitag nunú dekainaku shiig aneamu ajutjamji.

(Carta de San Pablo a los Romanos) 9:2

shiig kuashat wake besemag dekapeakun anentaijun tuke idagmasnuké ajai.

(Segunda carta de San Pablo a los Corintios) 4:17

Wagki jui waitiamu aina duka wamak nagkaebau ainawai, Apajuí imanji tuke atinun sujamsatna nuuwai waitiamu aina nuna nagkaesauwa duka.

(Segunda carta de San Pablo a los Corintios) 6:10

diismakek wake besemag ainaji, tujash tuke shiig aneasa pujuinaji, ujunauch ainakuish tikichik wiyakchamitkainaji, jutiinu atsugtamainakush ashí ajutjamainawai.

(Carta de San Pablo a los Gálatas) 5:22

Untsu Wakaní Pegkeji pujugbau aidauk: Anejatnai, shiig aneenai, shiig agkan anentaimas pujuwai, wamak kajeakchau, shiig awakagtin, wait anenkagtin, dekaskeapi tinu,

(Carta de San Pablo a los Filipenses) 2:26

Nigka shiig senchi wakemayi atumin ashí waipakagtatus, nuniayatak shiig senchi waittsabi atum jaawai tabau antukchamkaijum nuna.

(Carta de San Pablo a los Filipenses) 3:3

Wagki jutii ainaji pakamaku aidautik, Apajuí Wakaní yaimpasmatai emematuinag nunuti, jutiik Cristo Jesusai ememainaji, nuniaku iyashnumiag kajintsá anentaimtatsji.

(Carta de San Pablo a los Filipenses) 4:4

Tuke Apu Jesusaig dakujitajum. Awaksanuk tajime: ¡Dakujustajum!

(Primera carta de San Pablo a los Tesalonicenses) 1:6

Atumek jutiinua nu, nuigtú Apu Jesusdauwa nujai dakumjume, nuniau asajum senchi waitiakjumesh shiig aneasjum chicham etsegbaush antuku ainagme Wakaní Pegkeji dakujutan amaidau asamtai,

(Carta de San Santiago) 1:2

Mina yatsug aidauh, senchi shiig aneastajum makí makichik dekapkagtamu aina nu igkuakjumesh,

(Carta de San Santiago) 1:9

Yatsut imanchauch anentamua duka, eme anenmamainai, Apajuí iman emamu asa,

(Carta de San Santiago) 4:9

Shiig aneasa dushit batsamtutsuk atumi tudaujum tsagkugtugta tusajum Apajuí segakjum wake besemag batsamsajum senchi buuttajum.

(Primera carta de San Pedro) 3:17

Wagki pegkeg takaaku waitiamu nu imá pegkejai, Apajuish aatus wakegakuig, pegkegchau takaaku waitmaina nu.

(Primera carta de San Pedro) 4:7

Ashí wají aina nu nagkankatnuk tsawantak tikiju wajasé, nuadui atumek shiig ebetmamja pujusjum, puyatjusjum Apajuí aujú batsamtajum.

(Primera carta de San Pedro) 5:10

Tujash Apajuí ashí wait anenkagtina nu, niina imanji tuke atina nui Jesucristui etegtamjauwai, dutijamau asa atum ujumak tsawan waittsa inagkeakiagminish Apajuí pegkeg etabiagtatui, dutijama senchijin amastatui ebetmamag niiní tsujamainchau atinme tusa.

(1 Samuel) 2:1

Ana kantamak aatus Apajuín tiuwai: “Tuke Pujuuwah, wika aminí shiig aneajai, wagki ame senchimtijau asamin. Yamaik mina shiwag aidaujaish ainikan tudaimain wajasjai, wagki ame yainkau asamin. ¡Yamaik shiig aneasan pujujai!