(Primera carta de San Pedro) 1:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Cristo numpe shiig pegkeg uwig makichkish tsuwatji atsugbau nuigtú tunamagchau aajakua imana nu,

(Primera carta de San Pedro) 1:19 Iomraidhean Croise

(Éxodo) 12:5

Nunú kuntinuk makichik mijan ajamu aishmag makichkish jamamtuchu pegkeg atatui. Duka uwig tsakat, nuniashkush chivo tsakatkesh atatui.

(Isaías) 44:22

Amina pegkegchaujum aidaunak yujagkim kakegak megkagama numamtuk emegkatkagme. Ataktu wakitkim mina umigtukta, wi aminak agkanmitkauwaitjame” tawai Apajuí.

(Isaías) 53:7

Niinak shiwag aidau shiig senchi suwimawagmayi, imatikamash niig ayatak yunumkabi, nuniak makichkish chichakchabi, uwig maatasa juki ematia numamtuk jukiag emagmayi maatasag. Tuja uwig uje tsupigmash takamtak tepegama numamtuk makichkish chichakchabi.

(Daniel) 9:24

“Amina pataim aidau Apajuín intimjukiag pegkegchaun takamsaju asag suwimkan jukiag waituina nunak, setenta semana waitu batsamtatui, tuja yaakat pegkejam tsaikbauwa dushakam nunisag setenta semana asatnai. Imanik waituinak anentaimtan jukiagtinai, tuja Apajuí dita tudaujinak tsagkujatnai, dutikamtai ima pegkeg takata nunú tuke atinai. Tuja Apajuí emematku ijuntai jegamkamunum tesaamu shiig pegkejam tutaya dushakam yaunchuk profeta aidau takasu aina iman shiig iwajamu atinai.

(Evangelio según San Mateo) 20:28

Wagki Aentsmaga akiinauwa duka umigtuktinme tusag taachui, nigka tikich aidaun yaigtatus tauwai, nunik mantamnak kuashat aentsun uwemtikata tau asa.

(Evangelio según San Mateo) 26:28

wagki juka mina numpajui, yamajam chicham apaamunum kuashat aents tudaujin tsagkugnagti tabaunum ukaejatta nuuwai.

(Evangelio según San Juan) 1:29

Kashinia dui, Juan Jesusan wainkauwai, niina adijkatatus minittaman, nunik: “Diistajum, auwai Apajuí Uwigji, ashí aents nugkanmaya aidau tudaujin akikmak mantamnatta nunú.

(Evangelio según San Juan) 1:36

Jesús nagkaemattaman wainak: —Diistajum, auwai Apajuí Uwigji, tau.

(Los Hechos de los Apóstoles) 20:28

Nuadui atumek kuitamamkujum ashí Apajuí iglesiajiya dusha kuitamkatajum. Adeagtajum atumnak Wakaní Pegkejiya nu pastor etamkajui, Apajuí iglesiaji niina Uchijí numpeen sumakua nuna kuitamkatnume tusa.

(Carta de San Pablo a los Romanos) 3:25

Apajuik Jesusnak jutii suwimak jumaina nuna ni suwimkan juwak mantamnati tusa awetugbauwai, nunikmatai Jesusan minaimpap mantamdauwaita tusag dekaskeapi tuinak uwemjatnume tusa. Aatus Apajuik pegkeg takaamujinak iwainmamkauwai, nunin asa aents yaunchuk tudau takasbaujinash pachitsuk yaa Jesusan dekaskeapi tawa nuna uwemtikui.

(Carta de San Pablo a los Efesios) 1:7

Nuna dutikauwa dui Cristo numpe ukaejamunum agkanbaetak ajutjamui nuigtú tudau aidaunum tsagkugnamushkam; shiig kuashat wait anenjamu asa,

(Carta de San Pablo a los Colosenses) 1:14

niiní agkanbaetak ajutjamui nuigtú tudau aidaunum tsagkugnamushkam.

(Primera carta de San Pedro) 1:2

atum Apajuí iina Apají duik nagkamsa anentaimtusbauwa dutiksaik etejamu aidautigmin. Atumnak Wakania nujai pegkeemtijabiajui umigtuktinme tusa, nuigtú Jesucristo numpejai pegkeg etamkata tau asa. Anenjauch wait anenkagtamu nuigtú agkan pujamu kuashat ajutjamtinme.

(Primera carta de San Pedro) 3:18

Wagki Cristushkam tudau aidaunum makichkia jakauwai, pegkejan takauwa nu pegkegchau takau aidaunum, Apajuiyai jujamkita tau asa. Iyashinig jaak waittsauwai tujash aneantui Wakaní Pegkejiya nuna senchijin,

(Primera carta de San Juan) 1:7

tujash jutiish ni tsaaptinnum puja nunisaik pujakuik, niijai betek tikich aidaujaish shiig anendaisa pempeentunisaik ijutkau amainaitji, nuniajin Apajuí niina Uchijí Jesucristo numpega nujai ashí iina tudaujinash nijatjamag esakatjamui.

(Primera carta de San Juan) 2:2

Niiyai iina tudauji aidaun tsagkugtamjatatus jakauwa duka, tujash imá iinigkik nunikchauwai, ashí nugkanum aents batsata nuna tudaujinish jakauwai.

(Apocalipsis) 1:5

nuigtú Jesucristo dekaskea nuna etsejin, aents jakau aidau nantashtain ni nagkamak nantakiuwa nu nuigtú ju nugka juiya rey aina nuna nagkaesau senchigtina dushakam. Cristo jutiinak anempaji nuniau asa niina numpejai iina tudaujinak nijatjamkauwai;

(Apocalipsis) 14:1

Wainkabiajai Uwig muja Siognum wajattaman, nuigtú niijai ciento cuarenta y cuatro mil aents aidau, niina daaji, nuigtú niina Apají daaji, dita nijayin agatkamu aidaun.

(Apocalipsis) 14:5

Nuigtushkam ditak pegkegchaujish atsugbau, waitjuamujish atsugbau asag, Apajuí eemtin ijuniagmayi.

(Apocalipsis) 5:6

Takui diikman, ekeemtai ejapen cuatro iwaaku aidau, nuigtú anciano aidau ejapeam makichik Uwig maamu aajakua numamtin wajattaman wainkabiajai; ajibi siete kachují aidau, nuigtú siete jii aidau, nunú aina duka siete Wakan aidau Apajuinu ashí nugkanum ishiakbau aina nuna iwainawai.

(Apocalipsis) 5:9

Nuninak yamajam kantamtain kantamainak: “Ameketme rollo agagbauwa nu jukim, sello aina dusha atimainmek. Wagki amek maamu aajakuitme, nunin asam amina numpemin, Apajuinu atinme tusam sumajatkauwaitme, ashí aents nugkanmaya aidau, tikich chichaman chichaaku aidau nugka yaignumia nuigtú nugka muun aina nuiyashkam,

(Apocalipsis) 7:14

Tujutkui wi ayaakun: Apuh, ame dekam jama tibaijai. Tai ni chichagtak: Juka shiig senchi waitiamu awa nuiya wakaje, nunú aidau Uwijá numpeen jaanchjin nijakag puju emakaje.