(Primera carta de San Pedro) 1:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Nuadui umintsá pujustajum atum dekajum nujai, nuniakjum ebetmamjatajum. Nuniakjum Apajuí wait anenjamu asa Jesucristo wantintai sujamsatna nunú ashí kajintsá dakastajum.

(Primera carta de San Pedro) 1:13 Iomraidhean Croise

(1 Reyes) 18:46

Tuja Elíasak Tuke Pujuu senchimtikamu asa, niina jáanchjin akachumtaiyai jigka shiig senchi tupikaki, apu Acab yaakat Jezreel jegatsaig niiya jegauwai.

(2 Reyes) 4:29

Tusa tutai Eliseo niina inake Guehazínkan chichajak: “Umintsata nunikam mina ushujutaig jukim juju nuwa jeen wetá. Tuja jintá weamin aents igkupainakuish kumpamawaipa. Tuja makichik aentskesh kumpamjamkuish aikaipa. Nunika jegam mina ushujutaijua juju uchi yapiin patatta”, tiuwai.

(Job) 38:3

Diik minash amina wajiujum iwaintugkakiah, nunikam wi yamai iniastatjam nunú aigkata:

(Job) 40:7

“¡Diik ibau wajiuwaitkumek, sapigmatsuk wi amina iniastatjam nunú aigkata!

(Éxodo) 12:11

Tuja neje yuwakjumek shiig yapagmamajum, sapat wegamakjum, ushujutaijum takusa wajasjum waugsajum yuwatajum, wagki wi atumi ayamjukan uwemtikattajim nunú tsawan asamtai, mina emematjakjum tuke dutiksagmek yutinaitjume.

(Isaías) 11:5

Niig pegkeg takatan dekaskea nujai ayamjak maanitkatnai.

(Jeremías) 1:17

Untsu amek umintsata; nunika weme wi amina titatjam nunú ashí etsegkata. ¡Wainka ishamkagtukaipa! Ishamkagtakminig shiwagjai igkuniak sapijin kujaiti titatjame.

(Evangelio según San Mateo) 20:4

chichajak: ‘Atumshakam mina ajajui uva ajakbauwa nui takaakjum wetajum, atumnashkam dutiksanuk betek akiktajime, tama ditashkam weajui’.

(Evangelio según San Lucas) 12:35

“Shiig umintsajum lámpara ekemakjum dakamsatajum;

(Evangelio según San Lucas) 17:30

Nunisag atinai Aentsmaga akiinauwa nu wantinkatna dusha.

(Evangelio según San Lucas) 17:8

¿Nunak tutsuk: ‘Aagkú yuwatin umigtukta, nunikam yapagmamam ajamjusta wi yuwan, uwagmatai amesh dui yuwam uwagta’, tuchauk aina?

(Carta de San Pablo a los Romanos) 13:13

Nuadui yamai nagkamsaik tsawai wekaemaina numamtuk shiig kuitamamka pujusagmi. Ijunag yuwinamu wekaetusjum ayatak yuwa yuwakua weakjum nampet batsamtajum duka idaisatajum, iyashnum takanit tunamatja pujugtash, jiyanit yujagku tikichdau diigsá iish imanuk atajai tukamá kajegkagtutash.

(Carta de San Pablo a los Romanos) 8:19

Ashí Apajuí najankamu aina duka shiig senchi wakegas dakainawai, tsawan jegatai jutii Apajuí uchijí aidautin ashí wainainamunum iwaintamkatna nuna wainkagtatus.

(Primera carta de San Pablo a los Corintios) 1:7

Nunin asamtai Apajuí don sujamsamua duka ajutjamainawai, iina Apuji Jesucristo wantinkatnuji dakakjum batsatjum dui.

(Primera carta de San Pablo a los Corintios) 13:13

Yamaiya juik jujú kampatum awa juka megkaekashtin ainawai: dekaskeapi tabau, dakamua nu, anenka dushakam; tujash jujú aina nuig dekas wagaakua duka anenka nuuwai.

(Carta de San Pablo a los Efesios) 6:14

Nunin asamtai tajitkaujum nunisjumek pujakjum, dekaskea nu akachumtaijai beteka nu jukitajum, nuniakjum pegkeg takaamu corazajai beteka dushakam jukitajum.

(Carta de San Pablo a los Colosenses) 3:4

Nunin asamtai, Cristo atumí pujutjumea nu wantinkatna dui, atumshakam niiya imanuk wantinkatnaitjume.

(Segunda carta de San Pablo a los Tesalonicenses) 1:7

tuja atum waitiajum nunak, jutiijai betek ayamtan sujamsatnai. Nunak Apu Jesús nayaimpinmaya niina angelji senchigtin aina nujai, jii kegamunum egketkau minitna dui dutikatnai,

(Segunda carta de San Pablo a Timoteo) 4:5

Tujash amek, shiig ebetmamjam waitiakmesh katsunjata, nuniakum yamajam chicham etsegbauwa duke uyumakta, aajam takatjum umiktá.

(Segunda carta de San Pablo a Timoteo) 4:8

Nuigtushkam wi pegkeg takasbaunum corona jukitnuk kuitamkam ajutui, nunak Apu Jesús juez dekas pegkejan takauwa nu tsawan atina nui sujustinai; tujash imá minakek sujuschatnai, ashí ni minitnun aneas dakasu aina nunash susatnai.

(Carta a los Hebreos) 10:35

Cristui kajintsá anentaimjum nunú megkaekaigpa, wagki atum jukitna duka shiig pegkeg ajutjamu asamtai.

(Carta a los Hebreos) 3:6

Untsu Cristuk Apajuí Uchijí betek umina ibau asa, jutii Apajuí jee ainag nuwi pujus yaimpaji. Jutii uwemjatnapitja tusa wakesa dakainag nuig ebetmamja pujuinakuik niina aentsji ainaji.

(Carta a los Hebreos) 6:19

Nunú dakamua nuuwai ii Apajuiyai kajinmasa anentaibaunum iina wakanin ichichtamuk, jiju ancla lanchan buchitmainchau ema ebetama numamtuk. Nu dakamua dui jega Apajuí ememattainum jaanch ejaamu aajakua nu nagkaiki wayau ainaji.

(Carta a los Hebreos) 9:28

Nunisag Cristushkam kuashat aents aidau tudaujin utsankatatus makichkia jakauwai, tuja ataktú minitta duik tudaunak pachikchattawai, niina dakak batsatun uwemtikatatus minau asa.

(Primera carta de San Pedro) 1:10

Profeta aidau etsegkajui atum anentag jukitnume tibau aajakua nuna, nunin asag shiig kuitamas aujujakajui nunú uwemtan pachis dekawagtatus.

(Primera carta de San Pedro) 3:15

duka nunitsuk, atumi anentaiminish Cristo atumi Apujum anentsajum eme anentajum, nuniakjum tuke umintsau atajum atum ayamjumaktin, kakagchau nuigtú ajantsá diijatkujum, atum dakamu ajutjamaina nuna pachis tujamainakui ashí ujamaina nu,

(Primera carta de San Pedro) 4:7

Ashí wají aina nu nagkankatnuk tsawantak tikiju wajasé, nuadui atumek shiig ebetmamja pujusjum, puyatjusjum Apajuí aujú batsamtajum.

(Primera carta de San Pedro) 5:12

Junak Silvano, yatsut betek umina nu yaintsamtai ujumak chichaman agatjajime atumesh anentaim ichichiagtajum, nuniakjum Apajuí wait anenkagtamuji dekaskea nuig ebetmamjatajum tusan ujaktasan.

(Primera carta de San Pedro) 5:8

Aneaku niimkau atajum, atumi shiwajum iwanchia duka pegkegchaun takamtijamsatatus, ikamyawa kajeak shinuwama imatak teentugmawai;

(Primera carta de San Juan) 3:3

Ashí aents Jesucristo dakaidauk, ni pegkegma imanuk atatus kakanmamui.