(Primera carta de San Juan) 5:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Apajuí aneamuk ni chicham umiktajum timawa nu imatiksaik umiamua nuuwai. Ni chicham umiktajum tujamawa duka kakajus umikchamna nuninchauwai.

(Primera carta de San Juan) 5:3 Iomraidhean Croise

(Salmos) 119:140

Amina chichamjumik ashí dekapsamu dekas pegkegmai, nuadui wika amina inakminuk nuna wakegajai.

(Éxodo) 20:6

Tujash mina anentuinak, chichamjun betek umigtuidaunak ashí niina uchiji wegantu agtina nujai shiig anentsan tuké kuitamnaitjai.

(Proverbios) 3:17

Apajuín chichame umiamua nunú ima pegkejai, tuja nii jintinkagtamu betek umiamua nunú agkan pujutan sukagtawai.

(Daniel) 9:4

Wi Tuke Pujuun mina Apajuíjun segaaknuk aatsan segayajai: “Apajuíjuh, ametme múun ashí senchigtinum. Ame dutikatjai tibauk betek uminaitme, tuja amina anempainak chichamjumin umigtamin aina nunú amina anenkem iwaintinaitme. Nuadui anentaimsan

(Miqueas) 6:8

Tuke Pujuuk atumnak tuwita pegkejash, tuja aminunash wajina wakegawa nunak yaunchuk ujapakagmae. Duka utugchatchauwai shiig yupichuchi, tuja duka juju ainawai: Shiig takata nunú aneetajum, nuniakjum aents imanchauch aidaush wait anenjatajum, nuniakjum emematsuk ima minak emematjitajum tusa Apajuík wakegawai.

(Evangelio según San Mateo) 23:4

Ditak shiig kijin yanamainchau aidaun tikichnak ayanainawai, ditakesh makichik tsajam uwejinkesh antitnak dakituinayatak.

(Evangelio según San Juan) 14:15

Atum mina anenkugmek, wi chicham umiktajum tajim nunú betek umiktajum.

(Evangelio según San Juan) 15:10

Mina chichameg aina nu umiakjuminig wishakam aneettajime, wi mina Apajú chichame aidaun umiju asamtai, ni anenta aikasnuk.

(Evangelio según San Juan) 15:14

Atumek mina kumpag ainagme, wi dutikatajum tajim nu umiakjumek.

(Carta de San Pablo a los Romanos) 7:12

Aaja dekainaji chicham umiktina duka pegkegma nu, nunin asa umiktin aina dushakam pegkegmai nuigtushkam pegkejai, pegkeg aidau takastinun tau asa.

(Carta de San Pablo a los Romanos) 7:22

Nunak mina anentaijui chicham umiktin Apajuí sujamsamua nu umiktasa wakegamu ajutu asamtai.

(Deuteronomio) 7:9

Nuadui Tuke Pujuu atumi Apajuíjiya duka aents aidau niina aneak umijuinamak, nii umiktajai tibaujinak ewaetsuk, ditá uchiji wegantu aidaunmashkam tuke umina nunú dekaskeapi titajum.

(Carta a los Hebreos) 8:10

Nunú tsawan atina dui, wi Israel aidaujai chichaman apaktatjai, tawai Apu Apajuí. Wi ditá anentaimtajin chicham umiktinnak egketjagtatjai, dutikakun ditá anentainish agatjagtatjai. Wi ditá Apajuiji atatjai, untsu dita mina aentsug agtatui.

(Primera carta de San Juan) 2:3

Nuadui ni chicham umiktajum tibauwa nu betek umiinakuik, ninuapitja tusa dekamainaitji.

(Segunda carta de San Juan) 1:6

Jujuwai anenkak, ni umiktajum tibauwa nu umiaku pujamua nu. Juuwai umiktina duka: nagkamchakjum aneenisa pujustajum tabau antukuitjum nu.