(Primera carta de San Juan) 4:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Aatus Apajuik ni anenkajinak jutiinak iwaintugmakui, niina Uchijí makichkiuchia nuna nugká awetugmauwa dui, ni pujutan susati tujamu asa.

(Primera carta de San Juan) 4:9 Iomraidhean Croise

(Génesis) 22:2

Tutai Apajuí chichajak: “¡Amina uchijum makichkiuch asamtai, senchi aneam nunú jukim niijai Moria nugkanum wetá! Nuwi jegam wi mujan iwaintuktatjam nuwi uchijum maa apeakum mina emematjita”, tiuwai.

(Salmos) 2:7

Tuja Tuke Pujuu mina tujutma nuna etsegkatjai. Tuke Pujuu chichagtak: “Ametme mina uchigmek, amek wi akiinati tima akiinauwaitme.

(Evangelio según San Marcos) 12:6

“Inagnamun niina uchijí makichkiuch aneetaiji ajamun dita batsatbaunum awemauwai: ‘Mina uchignak ajantusampap diimain ainawa’ tusa anentaimas.

(Evangelio según San Lucas) 4:18

“Apu Apajuí Wakaní minai awai, nuniau asa mina etegtuauwai, ujunauch aidaunash yamajam chichaman ujaktí tusa; achikbau aidaunash antuinamunum senchi chichaká agkanmaetan ujaktí, nuniak wainmachu aidaunash wainmitkakti, waitkatai aidaunash agkanmitkati,

(Evangelio según San Juan) 10:10

“Kasak, kasamak kajeg ijina emegkaktatus minawai, tujash wika pujutan jukiag shiig atsumkas batsamsatnume tusan tauwaitjai.

(Evangelio según San Juan) 14:6

Tutai Jesús ayaak: —Witjai jintanuk, dekasketnash wikitjai, nuigtushkam witjai pujutnash sukagtinnuk. Makichkish wijaichuk mina Apajuig jegamainchau ainawai.

(Evangelio según San Juan) 3:16

“Wagki Apajuí ashí aentstin senchi anejatu asa, Uchijí makichkiuchia nuna sujamsauwai, ashí niina dekaskeapi tuidauk megkaekashtinme, ayatak pujut nagkanchau ajitnume tau asa.

(Evangelio según San Juan) 3:18

“Niina dekaskeapi tuidauk, bakumashtinai; tujash niina dekaskeapi tuinatsu duka bakumatnum juwakajui, wagki Apajuí Uchijí makichkiuchia nuna daajin dekaskeapi tichaju asag.

(Evangelio según San Juan) 5:23

mina eme anenjin aina dutijamsag aminash eme anenjamtinme tujutiuwai. Tujutiu asamtai mina eme anenjachuk, Apag mina awetiuwa nunashkam eme anentuinatsui.

(Evangelio según San Juan) 6:29

Tiagtai Jesús ayaak: —Juuwai Apajuí wakega duka, ni awemamua nuna dekaskeapi titinme tawa nuuwai.

(Evangelio según San Juan) 6:51

Witjai pag iwaaku nayaimpinmayan akaikiuwaitag nunak. Makichik aentskesh ju pagka juna yuwauk, tuke pujutnai. Wi pagkan sukagtustatag duka, mina iyashjua nuuwai, nunak wi ashí nugkanmaya aidaun pujutan susatasan nuniktatjai”.

(Evangelio según San Juan) 6:57

Apag iwaaku pujuwa nu awetiu asamtai, wisha niinig iwaaku pujajai; nunin asamtai minaiyan yuwauk, wijai pujustinai.

(Evangelio según San Juan) 8:29

Mina awetiuwa duka wijai pujawai, Apajuk minakek idaitatsui, wagki wika ni wakega dutiksanuk tuke takau asamtai, tiuwai.

(Evangelio según San Juan) 8:42

Tiagtai Jesús ayaak: —Atumi apa Apajuiyaitkuig, dekaskenum mina anenmain ainagme, wagki wika Apajuinumia taan jui pujajai. Wika wiki nagkamnuk taachmajai, minak Apajuí awetiuwai.

(Evangelio según San Juan) 9:3

Tiagtai Jesús ayaak: —Juka niina tudaujin nuniachkush apají, dukují tudaujinkish ankachui; Ju junin akiinauwa juka, Apajuí ni senchijin iwainaktatus wakegau asamtai aanin akiinauwai.

(Carta de San Pablo a los Romanos) 8:32

Apajuí niina Uchijinakesh sujitjamtsuk ashí aents aidau tudaujin mantamnati tusa awetugbauwa ibaush, ¿wagkag ni Uchijin ashí wajiin susatna dutiksag iinash amaschagti?

(Carta a los Hebreos) 1:5

Apajuik makichkish ángel aina nunakesh: “Amek mina Uchijuitme, wi yamai aentsnum akiinati tima akiinau asam”, tichauwai. Nuigtush nayaimpinmaya aents aidaunak: “Wi niina apají atajai, ni mina uchig atí”, tichauwai.

(Primera carta de San Juan) 3:16

Jutiik Jesucristo iiní mantamdauwa dui anenkak dekauwaitji, ni jutiiní mantamnak waittsau asamtai jutiishkam nunisaik iina pujutjig tsagkaamainaitji tikich Jesucristo nemajuina nui.

(Primera carta de San Juan) 4:10

Anenkak aatus nagkamnauwai: duka jutii Apajuí aneamunum nunikchauwai, ni jutiinak anempajui, dutikak niina Uchijin awemauwai ni mantamnamunum jutii tudauji aidaunash tsagkugnagtinme tusa.

(Primera carta de San Juan) 4:16

Aaja dekau asaja Apajuí anempamush dekaskeapi tiu ainaji. Apajuik anenkai, nuigtú nu anenka nui pujauk, Apajuijai pujawai, nunisag Apajuí niinish pujawai.

(Primera carta de San Juan) 5:11

Juuwai etsegtamua duka: Apajuí pujut tuke atinun sujamsamua nu, nunú pujutak niina Uchijin awai.

(Primera carta de San Juan) 5:13

Jujú aina junak Apajuí Uchijiya nu dekaskeapi tuidau asajum, pujut nagkanchau jukiuwaitjum nunú aidautigmin dekaatnume tusan agatjime.