(Primera carta de San Juan) 3:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Untsu aents tudau takaina duka, Apajuí takasaigpajum tibauwa nuna umiinachu asag nuninawai. Tudau takata duka chicham umiachbaunum nuninui.

(Primera carta de San Juan) 3:4 Iomraidhean Croise

(1 Reyes) 8:47

tikich nugkanum batsamas amina emematjamainak dita pegkegchau takamsamujin anentaimas awake anentaimag amina segapainakuig yaigtin ata.

(Isaías) 53:8

Pegkegchaun takamsachunak achikag jukiagmayi, dutika juwagtaish niina ayamjumainuk makichkish atsubi. Tuja niinak makichkish puyatjukchagmayi, ayatak ajak ajaamu tegai ajapmaina numamtuk, mina aentsug aidau tudaujin maawagmayi.

(Daniel) 9:11

Israel aents aidauk ashí amina chichamem umiktina nunak umikchaje, nuninak tupantug idaisaje. Nuadui Moisés amina inakem agak: Apajuí umigchakjumek suwimak jukitnaitjume tiuwa nunú uminu asamtai, iina pegkegchaujin amina suwimkajum iyanjamae.

(Evangelio según San Mateo) 5:19

Nuadui makichik aentskesh, jujú chicham umiktajum tibauwa juiyan imanchau diyak umiachuk, tikich aidaunash umiktajum tusa jintinchauk, Apajuí inama nuish imanchau diyam atinai. Tuja chicham umiktajum tibauwa nuna betek umiak tikichnashkam dutiksag jintintuk, Apajuí inama nui eme anentam agtinai.

(Los Hechos de los Apóstoles) 23:3

Tutai Pablo ayaak: —¡Aentsun tsanuwah, amina dekas Apajuí awatamtatui! Chicham umiktin tawa dutiksamek dekagtuatasam eketiatkumesh, ¿wagka chicham umiktina nu umitskesh awattá tujutme?

(Carta de San Pablo a los Romanos) 3:20

Nuadui makichik aentskesh Apajuí eemtinig chicham umikbauwai pegkeg diyamak achatnai, wagki chicham umiktina duka ayatak jutii tudauwaitag nunak dekamtijamu asamtai.

(Carta de San Pablo a los Romanos) 4:15

Moisés chicham umiktajum tiuwa duka ii umiachbaunum Apajuí suwimkan sujamaina nuna itagtamji. Tujash chicham umiktina nunú atsakuig umiatsjume tamak amaitsuji.

(Segunda carta de San Pablo a los Corintios) 12:21

Nuigtushkam puyatajai wi ataktú ijagsattajim dui Apajuí atumiin datsamtan sujusmatai buutig tusan, atum ainajum anuiya yaunchuk nagkamas tudau takainak idaitsuk tsanijinainak ayatak tsumain aina nunak tunamatuk batsamtau asamtai.

(Carta de San Santiago) 5:15

Dekaskeapi tabauwai Apajuí augbauwa nu etsagagtatui jaa nunak, nunikmatai Apu Jesús inankittawai, tudau takasú akush tudauji tsagkujamu atatui.

(Primera carta de San Juan) 5:17

Ashí pegkegchau takaamua duka tudauwai, tujash tudau jatanum ejekagtachush awai.

(1 Samuel) 15:24

Tusa tima Saúl Samuelan chichajak: “Dekas tame, Tuke Pujuu dutikata tujutbaun kajimatkin pegkegchaun takasjai, tuja ame tujutbaunashkam kajimatkijai. Aents aidaun ishamakun dita segatuinamun umigkajai.