(Primera carta de San Juan) 3:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Ashí aents Jesucristo dakaidauk, ni pegkegma imanuk atatus kakanmamui.

(Primera carta de San Juan) 3:3 Iomraidhean Croise

(2 Samuel) 22:27

Aents dekaskenum chichau aina duka, ameshkam dutiksamek kuitamnaitme. Untsu aents waitjin aina duka ameshkam dutiksamek iikuame.

(Evangelio según San Mateo) 5:48

Dekas atumek betek umin atajum, atumin Apa nayaimpinum puja nu betek umina iman.

(Evangelio según San Lucas) 6:36

Wait anenkagtin atajum, atumin Apa wait anenkagtina ibau.

(Evangelio según San Juan) 17:19

Wika, amina takaju asan mina pujutjunak ashí idaitusjame, ditashkam nunisag aminu dekaskea nuna takagtamainak, ashí ditá pujutinak idaitugmastinme.

(Los Hechos de los Apóstoles) 15:9

jutii ainag nujaig ditanak tikich aentsua nuninuk diigmaschauwai, dekaskeapi tabaunum ditá anentainash pegkemtikiajui.

(Carta de San Pablo a los Romanos) 15:12

Tuja Isaías agakshakam: “Isaí weantunmaya atinai, ashí aents judiochu aidaunmash inamjatnuk, nunitai ashí aents aidauk imá niinak dakagtinai”, tiuwai.

(Segunda carta de San Pablo a los Corintios) 7:1

Nu aatus anagtamamu aidau ajutjamaidau asamtai aneetaig yatsug aidauh, ashí pegkegchau aidau iina iyashin, wakannash pegkegchau etugtamain aina duka idaisagmi. Apajuí ajantusa diinaku, aan nagkaemasa pegketasa kakanmamsagmi.

(Carta de San Pablo a los Colosenses) 1:5

duka atumek yamajam chicham dekaskea nu etsegbaunum atum jukitin nayaimpinum ukugtamsamu ajutjamaina nu dekauwaitjum nu dakaidau asajum nuniagme;

(Segunda carta de San Pablo a los Tesalonicenses) 2:16

Iina Apuji Jesucristo, nuigtú iina Apají Apajuiya nujai anempajua nu, wait anenjamag ichichmamat tuke atinun, nuigtú pegkeg dakamu ajutjamaina nunashkam sujamsajua duke,

(Carta de San Pablo a Tito) 3:7

ni anentag pegkeg ainagme tujamatai pujut tuke atin jukitnun dakastinme tujamu asa.

(Carta a los Hebreos) 12:14

Ashí tikich aidaujaish shiig agkan pujustasajum kakanmamsatajum, nuniakjum pegkee pujustajum, wagki nuna nuniachuk makichkish Apu Jesusnak wainkashtin ainawai.

(Carta a los Hebreos) 6:18

Nu jimajan tiuwa nunak yapajimainchau asamtai Apajuik waitjuchua dui, dekas dutikattawapi tau asaja, shiig senchi ichichmamainaji Apajuí ayamjutpasmatai kajinmasa ni anagkagtuamua nu jukittajiapi tusa dakaidau asaja.

(Carta a los Hebreos) 7:26

Nunin asa dekas sumo sacerdote ii atsumajakuitag duka Jesusai. Nigka pegkegmai, pegkegchaunash antiakchau, tudaugtin aidaujaish ijutkachu, iman asamtai Apajuí niinak dekas nayaimpia nuna yakiin apusauwai.

(Carta de San Santiago) 4:8

Apajuí adijkatajum, nuniagmin niishkam adijtamkattawai. Tudau aidauwah, tudau takatak idaisatajum; atum Apajuí anentaimtayatkujum nugkanmayash anentaimtu wajautigmek, nuninuk idaikujum dekas imá Apajuik umigkatajum.

(Primera carta de San Pedro) 1:15

Duka nunitsuk, atumin untsugmaku pegkegma ibau asamtai, atumshakam pegkejam atajum, ashí atum wajuk pujagme nuishkam,

(Primera carta de San Pedro) 1:3

Emematiagmi Apajuí, nuigtú iina Apuji Jesucristo Apajiya nu, ni shiig senchi wait anenkagtau asa Jesucristo jakau nantakiuwa dui ataktú akiinau ainagme, pegkeg ajutjamtina nuna dakastinme tujamu asa,

(Segunda carta de San Pedro) 1:4

Nunú senchik ashí pegkeg tikichin nagkaesau aidaun ni anagtamauwa nunash sujamsauwai; dutikamu asag ju nugka jui pegkegchau wakegat aina nunak agkanmagawag Apajuí wajukuita imanuk atinme tujamu asa.

(Segunda carta de San Pedro) 3:14

Nuadui aneetaig aidauh, nunú nuniktina nu dakainakjum, kakanmamsatajum niina emtin shiig agkan pujakjum, pegkegchau atsugbau nuigtú nuninai tusaish tumainchau wantinkamnujum.

(Primera carta de San Juan) 2:6

Aents Apajuijai ijutkau pujajai tauk, Jesús pujujakua nunisag pujumainai.

(Primera carta de San Juan) 4:17

Nunú nuniamunum dekaskenum anenka duka jutiiní awai, tsawan suwimak sukagtamu atina dui kajintsá anentaibau ajutjamti tabaunum, wagki ju nugka juig ni pujujakua nunisaik pujusaju asaja.