(Primera carta de San Juan) 3:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Diistajum wajupa iina Apajuí anempatsji, imatijamu asa mina uchig aidau tujamji, nuadui jutiik Apajuí uchijí ainaji; tujash Apajuí nemajuinatsu duka dekagmainatsui, wagki niinash dekachajua dui.

(Primera carta de San Juan) 3:1 Iomraidhean Croise

(2 Samuel) 7:19

Tuke Pujuuwah, wika wainkauchitag nunin aig, amina uchijum wegantu aidau apu agtinai tusam anagtame. ¡Ame yaijatnaitam imanuk tikichik atsawai!

(Oseas) 1:10

“Tujash Israel aents aidauk shiig kuashat yujakag, nayantsa kamatkaji dekapamainchauwa iman wajasagtinai. Nunú tsawantinig Apajuík ataktu chichaakug: ‘Atumek mina aentsjuchu ainagme’, tichatnai. Ayatak dekas: ‘Atumek Apajuí tuke pujuuwa nuna uchiji ainagme’, titinai.

(Evangelio según San Lucas) 20:36

jatanash jakachagtinai. Ditak angeljai betek agtinai nuigtú Apajuí uchijí agtinai nantakiaju asag.

(Evangelio según San Juan) 1:12

Dutikawagmataish ya aidauwa chichaman etsegtai shiig wakejus antugkag dekaskeapi tiaje, nu aidaunak Apajuí uchijí emakui,

(Evangelio según San Juan) 11:52

tujash imá judío aidaunmagkek mantamnatsuk, ashí Apajuí uchijí pampag batsataina nu ijumja makichik emata tabaunum nuniktinun tiuwai.

(Evangelio según San Juan) 15:21

Ashí nu aina nunak mina nemagtuidau asagmin imatijabiagtinai, wagki mina Apag awetiuwa nuna dekainachu asag.

(Evangelio según San Juan) 16:3

Nunak mina Apagnash, minashkam dekajuinachu asag dutijamiagtinai.

(Evangelio según San Juan) 17:25

Apag pegkegmah, aents nugkanmaya amina umigtamainachuk dekagmainatsui; tujash wika aminak dekagme, ju aina jusha dekagmainawai ame mina awetiuwaitam nunak.

(Evangelio según San Juan) 3:16

“Wagki Apajuí ashí aentstin senchi anejatu asa, Uchijí makichkiuchia nuna sujamsauwai, ashí niina dekaskeapi tuidauk megkaekashtinme, ayatak pujut nagkanchau ajitnume tau asa.

(Carta de San Pablo a los Romanos) 5:8

Tujash Apajuik ni anenkajinak iwaintugmakui, ii tudau ainajinig Cristo jutiiní mantamdauwa dui.

(Carta de San Pablo a los Romanos) 8:19

Ashí Apajuí najankamu aina duka shiig senchi wakegas dakainawai, tsawan jegatai jutii Apajuí uchijí aidautin ashí wainainamunum iwaintamkatna nuna wainkagtatus.

(Carta de San Pablo a los Romanos) 8:21

wagki duka besekú asag jinin waigkajui, nuniku asag inaku waitkatai wajas awa nunú Apajuí imanjiya nujai niina uchijí aidautin agkanmitkagmatna nujai betek, ditashkam agkanmitkam agtin asamtai dutikamui.

(Carta de San Pablo a los Romanos) 8:32

Apajuí niina Uchijinakesh sujitjamtsuk ashí aents aidau tudaujin mantamnati tusa awetugbauwa ibaush, ¿wagkag ni Uchijin ashí wajiin susatna dutiksag iinash amaschagti?

(Segunda carta de San Pablo a los Corintios) 6:18

Wi atumin Apa atajai, tuja atum mina uchig, mina nawantug atajum, tiuwai Apu ashí senchigtina nunú”.

(Carta de San Pablo a los Gálatas) 3:26

Cristo Jesús dekaskeapi tabaunum ashí atumek Apajuí uchijí wajasuitjume,

(Carta de San Pablo a los Gálatas) 3:29

Atumek Cristunu asajum Abraham weantu ainagme, nunin asajum Apajuí anagkuauwa dushakam imatiksagmek jukitin ainagme.

(Carta de San Pablo a los Colosenses) 3:3

Atumek Cristujai jakau asajum, Cristujai pujau asagmin yamajam pujut ajutjamjum nunak aentsuk wainmain ainatsui.

(Primera carta de San Juan) 3:10

Aatus iwainmamainawai Apajuí uchijí aina nuna, nuigtú Iwanchi uchijí aina nunashkam. Ashí pegkejan takainatsu duka nuigtush tikich Cristo nemagkau aidaunash aneatsu duka Apajuinuchu ainawai.

(Primera carta de San Juan) 3:2

Aneetaig yatsug aidauh, yamaik Apajuí uchijí ainaji, tujash ii wajuku agtinaitji duka eke wantintsuji; nuninayatku dekainaji Jesucristo jui minak wantintugmaktina duik niiya imanuk agtinaitag duka, nunikaja ni wajukuita duka imatiksaik shiig wainkatnaitji.

(Primera carta de San Juan) 4:17

Nunú nuniamunum dekaskenum anenka duka jutiiní awai, tsawan suwimak sukagtamu atina dui kajintsá anentaibau ajutjamti tabaunum, wagki ju nugka juig ni pujujakua nunisaik pujusaju asaja.

(Apocalipsis) 21:7

Depetmakunak ashí wají aina nuna susatnaitjai, nunikan wi ditá Apajuiji atatjai, tuja dita mina uchig agtatui.