(Primera carta de San Juan) 2:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Nunin aig yamajam chicham umiktina nuna agatjime, nu chichama duka Cristui dekaseg aajakui nunisag atumnash ajutjamtinme, wagki nunú chicham betek umiagmin atumi pujutjumin suwe awa duka tsaaptin wetai megkaekattawai.

(Primera carta de San Juan) 2:8 Iomraidhean Croise

(Salmos) 27:1

Tuke Pujuuwai mina tsaaptinjuk, Tuke Pujuuwai mina uwemtaijuk, Tuke Pujuuwai mina pujutjun kuitamjutuk, nunin aish ¿yanak wisha ishamkainja?

(Salmos) 84:11

Wagki Tuke Pujuu Apajuí iinak ejapak kuitamjamui; tuja aents tudau takatsuk batsata nunak, nii wait anentak eme anentus kuitamui, dutikak waji pegkeg aidaunak sujitatsui.

(Isaías) 9:2

“Aents aidau suwenum yujau agma nunú tsaaptinun wainkaje; tuja suwenum batsatunashkam tsaaptin etsantug iyanjae.

(Malaquías) 4:2

Untsu atum mina eme anenjautigminak shiig kuitamkattajime. Duka makichkish uukchamu paan etsa etsantujai betek atinai. Tuja pegkegchau awajtamkatag tuinakuish wi kuitamkatnaitjime. Dutikamu asajum, toro tsakatuch aidau wenuken batsatu jiinainak, shiig aneas tsekegama imanitnaitjume.

(Evangelio según San Mateo) 4:16

Aents aidau suwenum yujau agma nunú tsaaptinun wainkaje; tuja suwenum batsatunash tsaaptin etsantug wajantae”, tawai.

(Evangelio según San Lucas) 1:79

suwenum batsataina nuna tsaapmitka; jinta agkan pujutnum ekagtina nui jutiinash awekapasti tau asa”, tiuwai.

(Evangelio según San Juan) 1:9

Nu dekas tsaaptin ashí aentsun tsaapmitkauwa nu, wamak ju nugka jui taatin asamtai.

(Evangelio según San Juan) 12:35

Tiagtai Jesús ayaak: —Yamaikik tsaaptinuk atumjai ijunag pujawai, tujash dukap tsawan pujugtamchattawai, wajumchik tsawan atumjaig pujuttawai, nuniau asamtai atumjai tsaaptin awa duik, tsaaptinnum yujastajum. Pachiachbau suwe minak uwaktamkainum, wagki suwenum wekaga duka dekatsui ni wegamujinak shiig wainmak wegachu asa.

(Evangelio según San Juan) 12:46

Wika tsaaptin ju nugka juig taamjai, minai dekaskeapi tuidau suwenum pujusainum tusan.

(Evangelio según San Juan) 13:34

Chicham umiktinun yamagman ukugjime: Makí makichik pempeentunisjumek aneenitajum; wi atum aneamun iwaintukjim nunisjumek, atumesh pempeentunisjumek aneenitajum tusan.

(Evangelio según San Juan) 8:12

Ataktushkam Jesús aents aidaun chichajak: —Witjai nugká tsaaptinjinuk; mina nemagtauk, suwe aidaunmag wekaesashtinai, ayatak tsaaptin pujutan sukagtina nu ajiagtinai.

(Los Hechos de los Apóstoles) 17:30

Nunak aents dekachu asa nuniagtaish, Apajuik pachitsuk idaisauwai, tujash yamaik aents ashí nugkanum batsamin aidaush, tudaujinak idaisatnume, tawai.

(Los Hechos de los Apóstoles) 26:18

ame wainmitkakta dutikam suwenum batsata nuna tsaaptinun wainkatnume, nuninak Iwanchi inatai batsata nunak ukuinak Apajuin nemagkatnume; nuninak mina dekaskeapi tujutuinak tudau aidaunash tsagkugnagtinme, nunikag Apajuí aentsji pegkejam aina nuninuk atinme’, tujutmayi.

(Carta de San Pablo a los Romanos) 13:12

Pegkegchau takata duka shiig senchi juikne, nuniau Cristo jui ataktú minitai, kiyag au tsawautai tsaaptin wegama numamtuk wajaktata dusha tikiju wajasé. Nuadui pegkegchau takaakjum suwenum wekaemaina numamtuk wajainajum duka idaisatajum, suntag maaniatin asa uminas aama numamtuk pegkeg takaakjum umintsajum pujustajum.

(Segunda carta de San Pablo a los Corintios) 8:9

Atumek dekagme iina Apu Jesucristo wait anenkagtamujiya duka, atumin anempamunum ujunauch wajasui wiyakchaitak, ni ujunauch webaunum dekas pegkeja nuna jukitnume tujamu asa.

(Carta de San Pablo a los Efesios) 5:8

Atumek duikik suwenum pujujakuitjume, tujash yamaik Apu Jesusjai ijutkau pujakjum, tsaaptinnum pujagme. Nuniau asajum tsaaptinnum pujaush wajuk pujumainaita nunisjumek pujustajum.

(Segunda carta de San Pablo a Timoteo) 1:10

tujash yamaik iina Uwemtijamin Cristo Jesús tauwa dui iwaintugmake, jata nuna senchijin depetuk yamajam chichama nujai pujutan tsaaptinun susa jachau awajsauwai.

(Primera carta de San Pedro) 1:21

Cristo nunikbaunum atumek Apajuik dekaskeapi tajume, niina inanki nuigtú ememattai awajsauwa nui, nunin asamtai atumek dekaskeapi takujum Apajuinumiag dakagme.

(Primera carta de San Juan) 3:23

Jujuwai ni chicham umiktajum tibauwa duka: Niina Uchijí Jesucristo daajiya nui dekaskeapi tuinaku, nuigtú pempeentunisaik aneenimaina nu, ni tujabauwa nunisaik.

(Primera carta de San Juan) 4:11

Aneetaig aidauh, Apajuí jutiin aatus anempaju asamtai, jutiishkam pempeentunisaik aneenimainaitji.

(Primera carta de San Juan) 4:21

Jutiinak ju chicham umiktin ajutjamji: Apajuin anea duka yachinashkam aneeti tibauwa nu.