(Primera carta de San Juan) 2:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nuadui ni chicham umiktajum tibauwa nu betek umiinakuik, ninuapitja tusa dekamainaitji.

(Primera carta de San Juan) 2:3 Iomraidhean Croise

(Isaías) 53:11

Imanik waitus nagkaikiu asa, dekaattawai dekas Apajuí umigbau ima pegkeja nuna, nunik shiig aneas juwaktinai. Apajuín inake chichaman betek umina nunú aents aidau tudaujinak entsaktinai, dutikak agkanmitkatnai.

(Evangelio según San Lucas) 6:46

“¿Wagka: ‘Apuh, Apuh’ tujutjume wi taja nu umiachiatkugmesh?

(Evangelio según San Juan) 14:15

Atum mina anenkugmek, wi chicham umiktajum tajim nunú betek umiktajum.

(Evangelio según San Juan) 15:10

Mina chichameg aina nu umiakjuminig wishakam aneettajime, wi mina Apajú chichame aidaun umiju asamtai, ni anenta aikasnuk.

(Evangelio según San Juan) 15:14

Atumek mina kumpag ainagme, wi dutikatajum tajim nu umiakjumek.

(Evangelio según San Juan) 17:3

Pujut nagkanchauwa nunak, amina dekagmawag: imá jukeapita dekas Apajuik tujamainak, ame mina awetiuwaitam nunashkam: Dekas juwapita uwemtikagtumainuk, tuidau jukiagtinai.

(Segunda carta de San Pablo a los Corintios) 4:6

Wagki Apajuí, suwen tsaaptin wajastí tusa tsaaptin emauwa duke jutii anentainash tsaaptin awajsauwai, Apajuí imanjiya nunú Apu Jesucristo yapiin etsanta nuna tikich aidaunash tsaaptinun iwaintukti tusa.

(Carta a los Hebreos) 5:9

Ni juna imatikas betek umikú asa, uwemat tuke atina nuna sukagtin wajasui ashí niina umijuina nuna.

(Primera carta de San Juan) 2:13

Atum uchigtin aidautigmin agatjime, wagki nagkamtinish tuke pujujakua nu shiig dekau asagmin. Atum datsauch aidautigminash agatjime, iwanch depetkau asagmin. Uchuchig aidauh atumin agatjime, wagki iina Apají Apajuiya nu dekau asagmin.

(Primera carta de San Juan) 3:14

Jutiik dekainaji jatanum batsatuti tuke pujutnum inagkeakbauwaitag nu, nuniau asá yatsut aidaujaish aneeninaji. Yachin aneatsu duka, jakaujai betek pujawai.

(Primera carta de San Juan) 3:19

Aaja nuniaku dekamainaitji dekaskenum Apajuinuapitja tusa, nuniaku iina anentainish Apajuijai ijutkajapi tumainaitji,

(Primera carta de San Juan) 3:6

Ashí aents Jesucristujai ijutkau pujuidauk tudau takaajakbaujiya nunisagkek takaa pujumaitsui; ashí tudau takaina duka wainkachu asa nuigtush dekachu asa nuniawai.

(Primera carta de San Juan) 4:13

Aaja dekainaji jutii niijai ijutkau ainag duka, tuja niishkam jutiijai ijutka nu, niina Wakanin sujamsauwa dui.

(Primera carta de San Juan) 4:7

Aneetaig aidauh, pempeentunisaik aneediagmi, wagki anenkak Apajuinu asamtai. Ashí anejatuina duka, Apajuí uchijí ainawai nuniau asa Apajuinash dekainawai.

(Primera carta de San Juan) 5:19

Jutiik Apajuinu ainag duka dekainaji, untsu ashí aents Apajuí nemagchau aina duka wakan pegkegchau inatai ainawai.

(Primera carta de San Juan) 5:2

Apajuí aneaku niina chichamesh betek umiakuik dekanui, tikich Apajuin nemajuina nunash aneajapi tusaja.

(Primera carta de San Juan) 5:3

Apajuí aneamuk ni chicham umiktajum timawa nu imatiksaik umiamua nuuwai. Ni chicham umiktajum tujamawa duka kakajus umikchamna nuninchauwai.

(Apocalipsis) 12:17

Dutikamtai dragón nuwan senchi kajegkabi, nunik nuwá patayí weantu aidaujai maaniatatus wejibi, Apajuí chicham umiktajum tibaun umiina nujai, nuigtush Jesusan pachis etsegtuina nujaishkam.

(Apocalipsis) 14:12

¡Nuadui Apajuí nemajin pegkejam aina duka, waituinakush emamkemas katsuntug batsamas, Apajuí chicham umiktajum tibauwa nuna umiinak, Jesusai dekaskeapi tumain ainawai!

(Apocalipsis) 22:14

Shiig aneasagtatui jaanchjin nijaina duka, numí neje pujutan sukagtina nunash yuwatin, nuigtush yaakta waitiji aina nuish wayatin asag.