Taetùs 3:5 - To kə Kəzə̀ kə̀ Fughu ko

⁵ kə m bəghasə̄ tsughu sɛ̀. Kə ka fə bəghasə̄ dzə̌ sɛ̀ bòʼ ghəa a sɛ̀ à dzûŋ ghə̀là sɛ̀ lo mò sɛ̀ ŋ ghəŋlo, à fə̀ kuuwn lo bòʼ se e wə̄n è kwuso zo, Kə̀ fə̀ bəghasə̄ sɛ̀. Kə fə sɛ̀ bəghasə̄ aŋghəa Kə fə̀ tum wô Zuʼ tə̀ Zɔlɔ to enyəa tə bughò sûuw maʼà sɛ̀ aŋ ghəa a sɛ̀ à biigh gho, àsùghò enyəa, to sɛ̀ kuūwn kɔʼ mwam e sɛ̀, sɛ̀ kele tsughu mughù è fughu zo.

Taetùs 3:5 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Lûk 1:50

Se e wən è kwuso zo e lo a zəŋò ghì ghəla ghe tsəŋo wə̄n ndùw kùu ndùw a zəŋò waawɛ a wɛ a sɛ̀ ghən à dzə̀m ghe kê dzəā ndûŋlo.

Lûk 1:54

Vʉ̀a Ù yòsò kɔʼ sugho kɔ̂ɔ fə wə̄n fo, Ezə̀lɛ̂, kùu ndùw to kə wə̄n kəla ù fə̀ to naŋā

Lûk 1:72

aledèe tsughu se è kwuso zəla kə fə̀ boō naŋā â ghê tselè tsele a sɛ̀ àsùghò alefòʼn kɔʼ kàa ŋ wə̄n m bǎa mò;

Lûk 1:78

Zə̀ kə sɛ̀ kə̀ ki se è kwuso zo, Chia kə ŋgɔɔ̄m sɛ̀. Kə lo ghəəŋ nù tsuʼ u zuw a zəŋò sɛ̀ aŋghəa kə kê bəghaasəa sɛ̀ a te.

Lumà 11:14

Zə enyə lò enyəa waazə̂ ghaŋa tɔɔŋ Tə̀dzûu lô kpaʼa ghoʼò ghəa a te gho, to ghəa a te a ghəŋlo ghee a li a zə kətuw.

Lumà 11:6

Zə̀ kə mô ghee shiāa kɔʼ an dzɔ̀ e wə̄n, à fə̀ yo dzə am fwàʼ kə̀ li ko ghùw u ghee fwâʼ tsughu. Abugho a mô nîi nduw enyəa à lǒ bòʼ fwàʼ kə̀ li ko, to dzɔ̂ e Kəzə̀ è mô kì yo daʼa ko.

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Lumà 3:20

Zə̀ kə lo dzàa dzə̀ yò enyəa ghùw ù lì lò tsəghatsəgha bòʼ enyəa ù mò tɔʼɔ̀ naaŋ tsəghà lâŋ kò, nu lâŋ kə̀ ghəəŋ nù ghùw ŋ kele enyəa e ŋ ghəəŋ bo zo.

Lumà 3:28

Tɔŋlo enyəa a n tɔʼn kele sə kɔʼ enyəa à lò ko fə̀ŋ zəla sɛ̀ gaʼ tsughu a zəŋò Yɛso e ghəŋlo enyəa ghùw dòʼo tsəghatsəgha a vʉ̀a Zə̀ kò, mò a yò dzə bòʼ enyəa ghùw tɔ̀ʼɔ bwìi aŋghəa lâŋ kə̀ deē.

Lumà 4:5

Ghe kuuwn nìi dzə̀ yǒ ghùw enyəa ù lò tsəghatsəgha am fwàʼ kə wə̄n, à lǒ bòʼ fə̀ŋ è wə̄n zəla ù gaʼ tsughu a zəŋò Zə̀ kəla kə nîi kɔʼɔ̄ ghùw ù bǐigh kə n naŋa wò aŋ ghùw ù tsəghatsəgha.

Lumà 9:11

Ghəa wɛ a te a fə̀ bûʼ lô ko mo ghe kaām ghee n dzə̄, à n lo sugho mò ghee kaām ghəəŋ naŋa dzə̀ ghəa è dzûŋ zò è li zo ŋkāa è biigh zo, aledèe wô enyəa dzì zəla Zə̀ kə̀ niī kɔʼɔ̄ aleshìa ghùw ù wə̄n a te yo dzə̂ aŋ ghəa è li zo ghùw ghəə̄ŋ tsughu, à kuuwn lò enyəa à tsə̀mà kɔ̀ʼɔ Kəzə̀ aletɔ̄ŋɔ̄ ghùw ù te.

Lumà 9:16

E fi lo enyəa, à lò Kəzə̀ kə tsəmà tsughuu aledè ghùw â se è kwuso zo, à yò dzə̂ bòʼ fwàʼ kə ghûw ŋkāa à ləghaa tsughuu ghùw enyəa zə e lo êzə̀.

Lumà 9:30

A lo aledzàa tsughu èndugho êzəŋ à? E lo enyəa Toʼò zəla e mò buʼù kəŋo yo alebùghò doʼò tsəghatsəgha a vʉ̀a Zə̀ kò m bùghò dòʼò, mo ghe bùghò dòʼò tsəghatsəgha bòʼ ghe boō fughu tsughu â Zə̀ kò.

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

Gàlashìan 2:16

a kwo sugho nû enyəa ghùw dòʼn dzə̀ yǒ ghûw ù zɔ̀lɔ a vʉ̀a Zə̀ kò enyəa so ù nàŋa tsughu kəlâŋ, à lǎam lò abugho ù gaʼ tsughu fə̀ŋ e wə̄n a zəŋò Yɛso Kə̀lestò. Zən lò e ghee ghàʼ boō fughu ndûw sugho â Kə̀lestò, enyəa ghàʼ doʼò tsughu ghî à zɔlɔ gho am fə̀ŋ zəla a gaʼ tsughu a zəŋò Kə̀lestò Yɛso, à yò dzə̂ làŋ kə̀ naaŋ ko; tɔŋlo enyəa abugho à lò ko an làŋ kə̀ naaŋ ko, ghùw yò aledòʼò ghùw ù zɔ̀lɔ.

Efɛsùs 2:4

À sò kuuwn lò ko enyəa Zə̀ kə̀ ŋge ki se è kwuso zo, bòʼ ləgha e wə̄n zəla kə ki â sɛ̀.

Efɛsùs 4:23

Zêe zə̀gha tsughu nlò fə̂ŋ tɛʼɛ to, tò Zə̀ kə̀ kuuwn kɔʼ moʼn zɛʼɛ e doʼò tsughu è fughu zo.

Efɛsùs 5:26

Ù fə̀ enyə ghəəŋ tsughu enyəa dzeŋe kə ghì a Kəzə̀ kò dòʼò fəgha kə̀ ba ko an daʼa kə shwaʼ u wə̄n aŋghəa ù fə̀ nî kɔʼ ghee sùw sə kɔʼ alo mmùghu.

Kòloshìan 3:10

Zə̀ kə̀ ŋ ghəŋlo enyəa ghɛ̀ doʼo ghî à fughu gho, dòʼn wò sùghò tǒ ghee, zoʼn kele mɛ̀ʼn wò sùghò ghùw wəla e lo ghè wò.

2 Timotì 1:9

Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.

Taetùs 3:4

A m bùghò ghe kuūwn dê tsughu sɛ̀ â dzɔ̀ e Zə̀ kəla kə bəghaasəa sɛ̀, à ləgha e Wə̄n zo,

Hibùlù 10:22

E lo enyəa sɛ̀ ki alendùw a vʉ̀a Zə̀ kò am fə̂ŋ è zɔ̀lɔ mo aŋ kùm bǒo fughu â wə̄n, am fəŋ təla a lo mo a n sùw zɔnso àsùghò alo eghùe mo a n sùw am mùghù n zɔ̀lɔ mò.

Hibùlù 4:16

Abugho sɛ̀ ləghaa fəgha ko, a n dò nduẁ bvʉ̀ ndùw â Zə̀ kə̀ sɛ̀ kəla kə dêe sɛ̀ â dzɔ̀ e wə̄n zo, a ŋ kwo tən enyəa kə sô dèe nù sɛ̀ â se e wə̄n e kwuso zo, kə fughuu sughò sɛ̀ â fəgha kəla kə kpe â sɛ̀.

Hibùlù 6:6

Ghì a te yia a bùghò zəghàa maʼà tsughu Zə̀ kəla ghe mò gaʼ fə̂ŋ tò a te. A kôom yò dzə̂ aleghəŋlo enyəa ghe tii fəla wô ebàm am bòo tə ghee, tɔŋlo enyəa ghe fi təghàan kpèʼe Wɛ̀ ù Kə̀zə̀, dənsò tuw kə wən an ndɛ.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

1 Pità 2:10

Sʉèsʉ, ghɛ mò buʼ yo tsəgha dzə ghî a Kəzə̀ ghò, yia a kuūwn bugho êzə̄ŋ, ghɛ yia lô ghî a wə̄n gho; alekòom nîi tsughu, Zə̀ kə̀ ka fə dê se e wə̄n e kwuso zo a zəŋò ghɛ̀, yia a kuūwn bugho êzə̄ŋ, ghɛ̀ n tɔ̀ʼ kòʼ aŋghəa Kə kwuso se zo a te a zəŋò ghɛ̀.

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.