Taetùs 3:14 - To kə Kəzə̀ kə̀ Fughu ko

¹⁴ Ghəəŋ tsùghù sùghò enyəa ghî a sɛ̀ à zoʼn nduw aleghəəŋ tsəgha ghəa ghə̀là à lǒ à dzûŋ ghò, to ghe e lo aleyòsò ghì ghəla ghe ki yo, e kwo ghî a sɛ̀ ghəla ghe boō tsughu lò so e mūghùun tsɔ̀ kə emùghùu.

Taetùs 3:14 Iomraidhean Croise

Matìo 21:19

Ù ŋ kòʼ ndùw kâʼ fə fîʼ fə̀ li fo aŋ kwàn u dziī, ù n ndùw fughu a tsəla fəkàʼ, kòʼ tsughu ko tə̀fòo, kè tsuʼ kətam alo esə. Ù n daŋso dzɛ̀ â kàʼ fi te fo enyəa, “To ghù kà mò kòom tsò mʉ̀ kòʼ tsə̀ghà tam ko!” Kâʼ fə te fə ŋ gwə̀n tən tsughu ko an nə̀gha e te zo.

Matìo 7:19

Kâʼ fəla fə mʉa yô twam ù dzûŋ wò, a m gbò è kpaa.

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 15:8

Abugho ghɛ̀ lo kûm dê tsughu an twam wəla ghɛ̀ mʉā enyəa ghɛ̀ lo tsə̀təndə̄ghā taŋā, Bəghà lo daŋso kele ŋkɔʼso.

Kə̀fwàʼ 18:3

Ghe mò lo ghî ghəla ghe mò taā tsəghà fʉgha wo aŋ gùw tə tənyòm, aleghəŋlo m̀pfʉa a te. A m bùghò Pôl ndùw kôʼ tsughu enyəa ghe fwaʼà sùghò fwàʼ kəla e fwaʼā ghè kòʼ, ù m mùghùu nyə̀ ndùw ghèe ghee, ghe n dzeŋe taa ndùw fʉghu aŋ gùw tə tənyòm.

Kə̀fwàʼ 20:35

Aŋ ghəa ghən a dzə̀m, mùghò mò â ghɛ̀ fɛ dē tsughu enyəa abugho ghù fwàʼà tsughuu alo esə̀ŋ, ghù kì aleyosō ndûw ghî à lɛɛ gho, mòʼn tsùghûu shwaʼ u Mughu ̀u te Yɛso, ghəa ù fə̀ dzɛ̂ tsughu enyəa, ‘Bughuso e lo aŋ ghə̀a à fughuu nduw a ghûw ghə̀n tsə̀ghàsə ghəa à mgbɛɛ nɛlɛ a kəghū ghən.’ ”

Lumà 12:13

E teen nduw nlò fʉgha wɛʼɛ wo ghɛ̀ à ghê ghì a Kəzə̀ ghɛʼɛ ghəla ghe ki yo. Ghɛ̀ naŋa tsughu ndughu tɛʼɛ to tughō â ghì ghəla ghe bwîin wo alo ghɛ̀.

Lumà 15:28

Abugho Ǹ lo mîaso tsughu fwàʼ kən ko, mò mùghò m fùghù nùghù ndùw sùghò fəgha kəla ghe mò chuw tsughu enyəa Nù ndûw fughu â ghee, Ǹ lo daŋso səā nughù tsughu alendùw an Spɛ̂ɛn, Ǹ bəŋo koʼò daŋà tsəghà ghɛ̀ abugho Ǹ nduūw.

Efɛsùs 4:28

Mò ghùw mò tsɔŋɔ nû, ù m màʼà tsɔŋ e te zo, u n nì kɔ̀ʼ ghu a wə̄n alefwaʼā fwàʼ kə̀ səŋò kò, tò ù e lo aleyòsò ghì ghəla kə ghee kə buw.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Fèlepìan 4:16

Tɔŋlo enyəa ghəa mugho fə̀ bûʼ lô ko an Tɛ̀sàlonikà ghɛ̀ n tum mugho â yòsò zò, kòom tum à kpeʼe.

Fèlepìan 4:17

Ŋ̀ kəŋo dzə̀ yò fəgha kə̀là ghɛ̀ fughu wo ghè kò. Fəgha kə̀là ŋ kəŋo àlò namso kəla ghɛ̀ lo kele an dzɔ̀ɔ dzɔ̀ kə mwam kɛʼɛ̄.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

1 Tɛ̀sàlonìan 2:9

Waazə̂ ghaʼa gho, ghɛ̀ mgbaŋ kwo nû aŋghəa ghǎʼ mò fwaʼà zeē nduw, bùghò fwàʼà bwǐi ndùw enyəa ghàʼ lô so e laʼà fəgha kə̀ li ko an nə̀ghà zəla ghǎʼ mò kə̂aa wô shwàʼ u Kəzə̀ wò â ghɛ̀. Ghǎʼ mǒ èzə fwaʼā aleghəŋlo enyəa e kwo ko ghàʼ lô doʼn fəm ko â ghùw wɛʼɛ u mɔ̀ʼ.

2 Tɛ̀sàlonìan 3:8

Ghàʼ mò niī zəa sugho yo fəghazəa kə ghûw ko mò ghàʼ kâ tsə̄, nu ghǎʼ mò kuū fwaʼā zee nu, fwaʼà bwǐi enyəa e kwo ko ghàʼ lo so e fughuu kəfəm â ghùw wɛʼɛ ù lì.

Taetùs 2:8

E kəaa nduw shwaʼ ù səŋò wəla ghùw yò alekomso ghù a te enyəa à lò agha, tǒ ghîikətuw ghə̂a à kele tsughu tuw kə̀ dəla ko an dziī zəla ghe lo kôom ki yô ghəa è biigh è li zo alekə̀a an zən e sɛ̀.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

2 Pità 1:8

Abugho ghɛ̀ tso ki dzə̂ ghəa ghə̀ è ghə̀n a dzə̀m, yia nomlo am bvʉa zɛʼɛ̄, a lo ghəəŋ nù ghɛ̀ è fwaʼā dzɔɔ̄, mʉa sùghò tam kə̀ dzûŋ kò, ghəa a te a lo e deē tsughu enyəa ghɛ̀ kwo nû Mughùbè ù sɛ̀, tɔɔŋ Yɛso Kə̀lestò u te.