Taetùs 3:11 - To kə Kəzə̀ kə̀ Fughu ko

¹¹ Ghǔ n daŋso kele tsughu enyəa ŋgòʼò ghùw ù te lo mbaaŋ kə ghûw, bòʼ enyəa ghəa a wə̄n à biigh a dêe tə̀la wò nù fəgha kə̀là ù lo ghè kò.

Taetùs 3:11 Iomraidhean Croise

Lûk 19:22

Tûw vʉ n dzɛ̀ â fə te fo enyəa, ‘Ŋ̀ ki alefɔesō tsughu ghû bòʼ dzughu zə̀ghà, kɔ̂ɔ fə biigh fo tò ghû! Ghù màʼà kwo enyəa mwam waŋa u tughuu nù, yìa m mbaāŋ ghəŋlo, zəa sùghò am bəghàbəgha,

Lûk 7:30

Ghî a Falàsîi ghə̀ ŋ kuūwn tùe màʼà ghəa ghəla Zə̀ kə fə̀ ləghaa enyəa ghe e ghəŋlo ghèe ghê dèekə̀làŋ, ghe màʼa fə̀ tue enyəa Dzɔ̌n ka ghee â mùghù ŋ Kə̀zə̀ m fughu.

Dzɔ̌n 3:18

Ghùw wəla ù bôo fughu nduw â wə̄n, Zə̀ kə̀ lo saʼa wə̄n; wəla ù dòʼkè boō fughu â wə̄n, Zə̀ kə̀ ŋ wə̄n saʼ chia kə naŋā wə̄n aŋ ŋgōʼ bòʼ ù kà bǒo fughu â sɔ̀ʼ kə Wɛ ù Kəzə̀ʼ kò.

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 23:25

Ù n daŋso tɔ̄m tsughu kəmwàʼsò aŋ ghəa zən: ù n tɔm tsughu enyəa,

Lumà 3:19

Sɛ̀ mo èzəŋ kele enyəa abugho lâŋ kə Musì kə̀ dzâa ko êndùghō, kə dzâa ndùw â ghî ghəla ghe mughu â tsəlà làŋ kə te ko. Mò à èzə lo alefèe naŋā dzughu a ghee a dzə̀m enyəa ghe ka e dzaā kaaŋ tsəgha enyəa ghe lo tsəghatsəgha, àsùghò enyəa Zə̀ kə̀ lo saʼa àghì a dzə̀m am mbī.

2 Timotì 2:14

E zəə̄ŋ zee nduw ghî ghò aŋ ghəa ghən gho, kwɛ̀ɛn ndùw ghee an zən e Kəzə̀ enyəa ghe ka e dzughu ghə e pfʉa an shwaʼ ù laʼso wo. Shwaʼ wən mo u bûʼ kì yo yôsò è li zo, mo u lo ko aleboon ghùw wəla ù zhənlo.

Taetùs 1:11

Ghù kì aleghəə̄ŋ tsughu enyəa ghe bughū naŋâ shwaʼ ù laʼsō u ghee u te wo, nu ghe saʼà màʼn kàâŋ ndughu tə aghì enyəa ghe ka kele dzə̀ êsəŋò. Ghe fɔ tə aghəa tən fɛ ghəəŋ kaaŋ ko ghe sô səā â sə gho aŋ ghəa a ukʉ̄a.

Taetùs 1:14

to ghe e ka zyəən kaaŋ tsəgha zə̀azə̀a mə̀ àgha məla Dzûu tə̀ bughòon səā kɔʼɔ̄, bwìi sùghò yò an lwàŋ u aghì ghəla ghe tuū maʼn êsəŋò.

Hibùlù 10:26

Abugho sɛ̀ kele tsughu êsəŋò, sɛ̌ yia naām ndzə̂m ghəə̄ŋ ndûw ko ghəa à biigh gho, fəgha kə̀ li kə kôom yò a lo alesàa fughuu ndûw â Zə̀ kò alesùuw maʼà bòo tə te to a te.