Taetùs 3:10 - To kə Kəzə̀ kə̀ Fughu ko

¹⁰ Abugho ghùw lǒ am bvʉa zɛʼɛ̄ mò ù kì tənùʼ, ghɛ̀ ŋ kwɛ̀ɛn tsùghu wə̄n alekɔʼɔ̄ sə tənəghā tə bə̀ghà, mò ù kà zuw, ghɛ̀ n zə̀ghàa màʼà wə̄n, nyuʼu dzə̀m.

Taetùs 3:10 Iomraidhean Croise

Lumà 16:17

Waazə̂ ghaŋa gho, ghəa zəla Ǹ naam ki aledzɛ̀ wô â ghɛ̀ lo enyəa, ghɛ tsʉ naŋa kɔʼ sə ghɛʼɛ gho a zəŋo ghì ghəla ghe ghəŋlo enyəa ghî ghə̀ e tsɔɔ̄n kaaŋ tuw wo, ghe ŋ ghəŋlo ghùw n yo aletɔʼɔ tee am boo e wən. E kwo ko ghɛ̀ lo boōm naāŋ ŋgòʼ è ghì a te gho, nu ghe nîi wô aghəa mo a boom dzəəŋ yo ghèe fəgha kəla ghe mò zoʼn ghɛ a te.

1 Kòlentìan 11:19

Ghɛ̀ bûʼ kì nû alendzùghùun doʼò alo eghùe to a e lo alekòʼòkɛlɛ̄ wô baabâ ghì ghəla ghe boō fughu â Kə̀lestò.

2 Kòlentìan 13:2

M̀ maā bûʼ kʉ̀ɛɛn ghî ghəla ghe mò bûʼ ghəəŋ bo zo sûesʉ àsùghò ghì à li ghə̀n à dzə̀m, M̀ fɛ kʉ̀ɛɛn wo ghee êzə̄ŋ mò Ŋ̀ kaān bughò fì, aŋghəa mùgho mò ghəŋlo mò Ǹ lo nû aŋghəa mùgho bughò bwîin kôʼ ghɛ an nə̀gha e kə̀bə̀ghà zaŋa zo — enyəa abugho Ŋ̀ kôom bugho, Ǹ lo zə̀ghàan yǒ ghee.

Gàlashìan 5:12

Dî zaŋa e lo enyəa, ghî ghəla ghe fəmso kaāŋ tsəgha ghɛ, to ghe mô kǔuwn kàa tsughu nù ghue e ghee zo.

Gàlashìan 5:20

mùʼù ŋ kɔ̀ʼsò mòʼ, nyàʼ n zùuw mò, bɛ̂ zə èghùe, kə̀zùghù, kə̀mʉ̀nlo, nə̀ghà m pfʉ̌a mò, ekʉmè, ndzùghùn kə emùghù àsùghò ghəa à ghəəŋ gho ghù tə̀ghū,

2 Tɛ̀sàlonìan 3:14

Abugho ghuw ù lì kpɛʼɛ̄ tue maʼa alezuw ghəa ghəla ghàʼ tɔm wo â ghɛ̀ am mwàʼsò kən, ghɛ̀ n tsə̀sò nàŋa kɔʼ wə̄n, koòm zə̌afaa yo ghɛ̀ à ghee, to tuw kə də̂n wə̄n.

2 Tɛ̀sàlonìan 3:6

Ghàʼ dzâa wò â ghɛ̀ a waazə̂ ghaʼa gho an zən e Mughu ù te Yɛso Kə̀lestò enyəa ghɛ̀ è ka e tughuu ghɛ à ghê waazə̂ ghɛʼɛ à li ghəla ghe ləghaa alezuum lo kaāŋ tsəgha mo ghe fwaʼa yò fəgha kə̀ li ko, mo ghe mughu sugho yo aŋghəa bughōo kəla ghɛ̌ fə̀ zoʼn ni aŋ ghùu ghàʼ děe ghè kò.

2 Timotì 3:5

Ghe ke e nəəŋ ghəŋlo enyəa ghe lo ghî à Kəzə̀ kuuwn tuu maʼn daʼa kə Kəzə̀. E kwo ko ghù lò kele ghəa è li zo aleghəŋlo ghɛ̀ à ghê ghì ghən.

2 Pità 2:1

Ghîishùghà ghə agha a lo səa kɔʼɔ nû am bvʉa zɛʼɛ̄, tò aŋghəa ghe fə̀ lo an tì kə̀ wii ko. Ghe lo e niī wo gha à kaʼn gho aŋ ghəa Kəzə̀; ghe lo tuū maʼà sughò Mughu ù te wəla ù mò zue sə tuw u ghee wo, e kê fi lo enyəa ghe ŋ ghue e ghee e boon maʼà.

2 Dzɔ̌n 1:10

Abugho ghùw bùghò a vʉ̀a ghɛ̀ mò ù kà bùghò â tsʉ̀ zən, e kwo ghɛ̀ lô nîi naāŋ wə̄n an ndughu alô ghɛ̀, ŋkāa ghɛ̀ buʼ fughu wə̄n â tɔɔŋ zo.