Taetùs 3:1 - To kə Kəzə̀ kə̀ Fughu ko

¹ E zəə̄ŋ zee nduw ghî ghə̀a ghò enyəa ghe e zuuw nduw â tuw u enaʼ u ghee wo, àsùghò â ghì à li ghəla ghe lô ghî à səŋo ghò alo enaʼ. Ghe doʼò təla tsughuu ko aleghəəŋ ko ghəa à dzûŋ ghò.

Taetùs 3:1 Iomraidhean Croise

Matìo 22:21

Ghe n dzɛ̀ â wən enyəa, “À lò sʉ u Kaesà.” Ù n daŋso dzɛ̀ â ghee enyəa, “Fəgha kəla kə lô kə Kaesà kò, ghɛ̀ è fughuu nduw Kaesà, də̀ŋ kə Lumà, mò alò fəgha kəla kə lô kə Kəzə̀ kò, ghɛ̀ è fughuu nduw sugho â Zə̀ kò.”

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

Efɛsùs 2:10

Sɛ̀ lo ghu a kəfwàʼ a Kə̀zə̀ ù mò bɔm tsughuu aŋghəa sɛ̀ doʼò tsughu kəfəgha kə mɔ̀ʼ sɛ̀ à ghê Kə̀lestò Yɛso, alefwaʼā fwàʼ kə̀dzûŋ kò ù fə̀ biaan naŋā, enyəa sɛ̀ è bwiī a te.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

1 Timotì 2:2

E gɔŋlo an tuw u udwə̀ŋ ghèe ghê ghì à ne ghən a dzə̀m enyəa to sɛ̀ mô nyòʼn mùghù zumso kə emùghùu, mùghù sugho alo ebughunlo aŋghəa e dzɔ̂ɔ an sə kə Kəzə̀ àsùghò am mwam ù səŋò wò.

1 Timotì 4:6

Abugho ghù zə̀əŋ zeē waazughù gho aŋghəa ghəla mùghò fə̀ zoʼn ghû a te, ghùw vʉ̀a ghù tsʉa tsughu sùghò ghue wʉ̀a wò làbəlà è Kə̀lestò zən àsùghò an tsʉ̀ e səŋò zəla ghù bwii a te, ghù e ke lo ghùw ù kəfwàʼ ù dzùŋ â Kə̀lestò Yɛso.

1 Timotì 5:10

Mo ghe ŋge kwo sugho wə̄n am fwàʼ kə wə̄n kə̀ dzûŋ kò, tò alenìi səā kɔʼɔ̄ wô wɛ a wə̄n, àsùghò aledè mwam ù dzûŋ wò â ghì ghəla ghe bwîin nyə wo alô wə̄n. Mò ù fwàʼà sùghò fwàʼ kə̀ dzûŋ kò a zəŋò ghì a Kəzə̀ ghò; fughuu sùghò èyòsò â ghì ghəla ghe lo an utsù.

2 Timotì 1:6

Zən lo e ghee Ǹ dzâa wô â ghù enyəa, ghù è numso zee namso kəla Zə̀ kə mò fughu â ghù an tsuʼ fəla mugho mò gaʼ wô ghu ghaŋa gho a zəŋò ghù, gɔ̀ɔŋ tsùghù an tuw kə̂a.

2 Timotì 2:14

E zəə̄ŋ zee nduw ghî ghò aŋ ghəa ghən gho, kwɛ̀ɛn ndùw ghee an zən e Kəzə̀ enyəa ghe ka e dzughu ghə e pfʉa an shwaʼ ù laʼso wo. Shwaʼ wən mo u bûʼ kì yo yôsò è li zo, mo u lo ko aleboon ghùw wəla ù zhənlo.

2 Timotì 2:21

Abugho ghùw nì nùghù sə kɔʼ ghu kə wə̄n ko aŋ ghə̀a biigh gho, ù n dòʼò tsùghù fəgha kə kùu ù èghəa, tɔŋlo enyəa ù zɔ̀lɔ nù, ù n tumso Mughùbè ù wə̄n, ù n lò sugho tsəghatsəgha alefwàʼ fwàʼ kə Kəzə̀ kə̀ dzûŋ kò.

Taetùs 1:16

Ghe dzâa wò alo edzughu enyəa ghe ŋge kwo Kəzə̀, ghe yia kuūwn tuū maʼn Zə̀ kò aŋ ghəa a ghee à ghəəŋ gho. Mwam e ghee e dzəa nù, ghe zuuw yo â Zə̀ kò, ghe tsô bùʼ yò sughò aleghə̂əŋ ghəa è dzûŋ è li zo.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Taetùs 3:14

Ghəəŋ tsùghù sùghò enyəa ghî a sɛ̀ à zoʼn nduw aleghəəŋ tsəgha ghəa ghə̀là à lǒ à dzûŋ ghò, to ghe e lo aleyòsò ghì ghəla ghe ki yo, e kwo ghî a sɛ̀ ghəla ghe boō tsughu lò so e mūghùun tsɔ̀ kə emùghùu.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

2 Pità 1:12

E fi lo enyəa Ǹ lo ki tsəgha ko alezəə̄ŋ zee wò ghɛ, ghəa e bûʼ lo ko enyəa ghɛ̀ kwo ziī nû ghəa a te gho, tɔ̀ʼ tì sugho an səŋò zəla ghɛ̀ lo mò ghɛ̀ ŋ kele zìi.

Dzûd 1:5

Aŋghəa ghɛ̀ bûʼ kwo ko ghəa ghən gho a dzə̀m, Ǹ naam ləghaa ko nù alezə̀əŋ kpeʼe wô ghɛ̀ aŋghəa Tsə̂ntə̀mbî fə̀ bəghasə tsughu ghî a wə̄n gho aŋ ghùu ghì ghə Edzipt à li gho an tì kə̀ li ko, kə ŋ kòom ndùw bùghò dzùw màʼà tsughu à li ghəla ghe fə̀ doʼŋkè boō fughu â wə̄n.